استفسار للاهمية ! اتمنى افادتي

مبارك عليكم القبول

أنا معيدة ومعي عدة معيدات تم ابتعاثنا لبريطانيا لاكمال الماجستير هذا العام الحمدلله
ما احتجنا موافقة خاصة ولا شيء
زمان كانت بريطانيا مقفلة، ولا زالت مقفلة لمبتعثي المرحلة التاسعة، لكن تم فتحها حاليا لأعضاء هيئة التدريس
عموما، اتأكد من جامعتك أفضل، لأنه الوضع يختلف من جامعة لأخرى
واستخير الله، وربي يكتب لك اللي فيه الخير


بخصوص المقارنة ما بين أمريكا وبريطانيا ففيه عدة مواضيع تقارن بينهم
وأنا ما درست في أمريكا حتى أقدر أقارن بين الاثنين
بس عموما الماجستير في أمريكا سنتين وفي بريطانيا سنة
إن شاء الله بقية الأعضاء يفيدوك أكثر


بالتوفيق

يبارك في عمرك يارب ..

يبشرك ربي بالجنة مثل مابشرتيني بهالخبر .. اتمنى لك التوفيق في دراستك و ترجعين بأعلى الشهادات

يمكن تخصصك ماهو موجود الا ببريطانيا ! كمرحلة ماجستير ..

انتي تقولين ان تم فتح السفر لبريطانيا .. لأعضاء هيئة التدريس .. جاكم خطاب رسمي والا مجرد كلام !! لاني انا مابعد اباشر العمل

في صعوبة في دراسة بريطانيا عن امريكا .. بس ماهو قوي اللي مايخليك تعدينها ! اسهل من دراستنا و دام انك متفوقة هنا ومع اتقان اللغة الانقليزية راح تتجاوزينها بكل بساطة باذن الله

الله يوفقك ويسخر لك عبادهـ الصالحين

آمين واياكم
تخصصي موجود ببريطانيا وبأمريكا
ما أعرف إذا فيه خطاب رسمي أو لا، بس احنا عندنا دورة لازم نحضرها قبل الابتعاث، وفي هادي الدورة قالولنا إدارة البعثات إنه بريطانيا مفتوحة ونقدر نقدم عليها


( تمت المشاركة باستخدام تطبيق مبتعث )

شاكر لك اختي .. على المعلومة

بالنسبة للبعثات من الدولة (بعثات خادم الحرمين الشريفين) لايمكن الابتعاث لبريطانيا عن طريقها.
بالنسبة لجهة العمل كأن تكون معيد او موظف ... هذا الموضوع يختلف على حسب جهة العمل.. هي التي تستطيع ابتعاثك على اي جامعة في اي بلد
حيث انه في تعميم كما قيل لي بتقليل الابتعاث لبريطانيا .. وليس لايقاف الابتعاث على بريطانيا
لكن مثلا في بعض الجامعاات يقولو انه ممنوع .. بس لو كلمت مدير الجامعة او وكيل الجامعة وشرحتله ضروفك ممكن يوافقلك، وايضا في جامعات ماعندها مشكله تبتعثك لبريطانيا اذا كان تصنيف الجامعة الي رايح عليها من افضل ٥٠ جامعة . وفي جامعات تبتعثك اي مكان.

طبعا زي ما فهمت منك انك تبى تتوظف بعدين تطلع
اسال جهة العمل عن موضوع الابتعاث لبريطانيا لانها هي الجهة المخولة الي توافقلك، وزارة التعليم العالي او الملحقيات مالها علاقة بهذا الموضوع
واذا كانت ضروفك انه زوجتك او اختك مبتعثة هناك ،، تستطيع ان تطلع معاهم مرافق

وبالتوفيق