الفزعة شباب : افضل طريقة لحفظ مالك وصرفه

افتح حساب في بنك بريطاني و حول فلوسك عليه من السعودية دفعه واحده أو على دفعات كبيره لكن خلي بالك انه اذا تجاوز رصيدك حد معين حياخذوا منك ضريبه في بريطانيا..
الحد هذا اعتقد انه 5700 باوند. غير متأكد من الرقم بالضبط

اخي العزيز فور ايفر.
الحل هو كالتالي:-

1- اول ما توصل المطار في شركة المتاجره بالعملات اسمها travelex ياخذون منك الفلوس ويودعونها بحسابك ويعطونك بطاقة ائتمانيه تستعملها. البطاقة الائتمانية تصدر لك باقل من 5 دقائق وما تاخذ عندهم بالكثير 10 دقائق وفلوسك داخل بطاقة بنكي وفيها رقم سري.

2- بعد ما توصل إلى مدينتك خذ خطاب من المعهد لفتح حساب بنكي في lloyds او HSBC وتحتاج إلى ورقه المعهد وجواز سفرك وبعض المرات يعقدونها ويقولونلك فاتوره كهرباء او ماء موضح بها عنوان السكن. وتكون جايتك على البريد.
اشرحلهم انك طالب جديد وما عندك هالورقة وخايف على فلوسك عشان تحفظها. وباذن الله تتسهل. اهم شي لا تيأس من البنوك فالبنوك ببريطانيا جدا معقده. ومر عليهم كلهم إلين ما تفتح حساب. افضل بنك هو بنك لويد لانه يوفر حساب اسلامي دون فوائد.

وسبب فتح حسابي بنك في احد هالبنوك لانك راح تقدر تستقبل اي مبلغ وتودع اي مبلغ من البنك وكذلك تحول اي مبلغ.
وحساب الترافيلكس للاسف مافيه كل هالميزات. فهو حل موقت وللمعلومية اصدار البطاقات كلها مجانا.
الترافليكس اذا كان المبلغ الي بتودعه اكثر من 500 بيكون مافي اتعاب لهم .

كل التوفيق لك
واي خدمه تامر فيها لا يردك الا الكيبورد.

شكرا اخوي ع ردك
هل ممكن احول من حسابي للحساب البريطاني باستخدام الانترنت ؟ وكم تاخذ يوم الحوالة ؟

شكرا لك اخوي ايضا

احتاج توضيح اكثر عن travelex كيف اليتهم في الايداع والسحب وهل لهم فروع في كامبريدج ؟ وهل اقدر اسحب كاش أو دفع فقط من خلال البطاقة ؟

ايضا البنوك الاخرى هل لهم فروع في كامبريدج ؟ أو بالمطار ؟

فتح حساب بنكي في بريطانيا يعتمد على المده اللي راح تجلسها هناك
اذا اقل من سنه ما يفتحون لك حساب طبعا اتكلم من خلال تجربتي لاني كنت ناويه افتح حساب هناك بس لاني جلست 4 شهور رفضوا
فانت الاحسن تاخذ لك فيزا وتحط المبلغ فيها وهالطريقه فيها ميزه كبيره
اولا كل ما تسحب فلوس راح تجيك رساله على جوالك اذا كنت مفعل التجوال وتضمن انك ما تنسرق
انت اسال بنكك عن عمولته اذا كانت 15 ريال او اقل حلو كثير

موفق

اخوي مثل ما ذكرتلك travelex هو شركه رائده في مجال حفظ الاموال وتغير العمله.
اليتهم بالايداع تروح الكاونتر وتقولهم مثلا عندي 5000 ريال ابي احولهم لباوند وتحطوونها ببطاقة صراف خاصه بكم. وبيعطونك بطاقة صراف
ميزت بطاقة الصراف انها فيها رقم سري تحدده انت وتسحب المبلغ من اي صراف تريد . وتقدر تدفع بالبطاقة من اي مكان في بريطانيا.
ظع ترفلكس من اول خياراتك لانها اسهل بطاقة راح تتحصل عليها واحفظ فلوسك ببطاقتهم إلين ما تفتحلك حساب بنك وتحط المبلغ بالبنك المحلي الي راح تتعامل معهم.

عيوب البطاقة هي. انك ما تقدر تحول ولا في دخول اون لاين على حسابك. وفقط لو بغيت تودع اموال لازم تروح لنفس مقرهم وتودع هناك.
وترافلكس منتشر حول العالم. انا استخدمته من فتره واغلب السفرات إلى اوربا ما في افضل من ترافلكس.

البنوك البريطانية موجوده بكل مكان وما اتوقع في فرع بالمطار. تلقى البنوك غالبا جمع الجمعات او في وسط الستي سنتر وافضل بنك بريطاني هو lloyds بسبب وجود الحساب الاسلامي فيه

بالتوفيق لك
بدر .

شكرا اخت همس
انا جالس هناك لمدة 3 أشهر فقط
اشكرك ع معلوماتك المفيدة

يعطيك العافية اخوي بدر
في السحب الكاش من البطاقة هل ياخذون نسبة ؟؟
وهل اذا كان متوفر لدي مبلغ بالحساب اقدر اسحبه كامل وانا راجع من بريطانيا ؟؟

معذرة تعبتك معي ..

لا ياخذون اي نسبه بالسحب ابدا .
وتقدر تسحب كل الي موجود بحسابك باي وقت تريد لمده سنتين.

البطاقة تكون مثل الفيزا مسبقة الدفع . ووجدت لحفظ مالك في بطاقة ائتمنايه.

وهذا موقعهم لو حبيت تقرى اكثر عن مزاياهم ولو حبيت اي خدمه من عيوني.
Cash Passport: The Pre Paid Travel Money Card | Travelex

كل التوفيق لك