قبول و قبول مشروط ..

كفيت ووفيت ..
بارك الله فيك

والله اختي الهدف من الموضوع زياده الفائدة للجميع ..

صراحه المنتدى اصبح مكتب قبول .. ومكتب قبول رديئ جداً ..

الله يوفق الجميع

البحث عن مساعدة للقبول والاستفسار للحصول على قبول .. الخ ..
شيء مهم ومطلوب ..

لكن السيء أن تكون هناك اتكالية مطلقة .. من قبل السائل
بعض الاسئلة جدا عامة بينما يجب ان يكون هناك تعاون من قبل الطرفين (السائل والمجيب)..

والأسوأ جدا
استغلال هؤلاء المحتاجين ممن يبحثون عن قبول ..
بالرد السطحي = الرد غير الصحيحة = اعطائهم خيارات سيئة

اتمنى من كل من يشعر بالعجز ولا يستطيع تقديم مساعدة
القراءة .. او رفع الموضوع...
اما الرد من اجل الرد
فلا اعتقد ان احدا يرضاها على نفسه


اعتقد عن الغالب ممن يدخل هنا هو محتاج للمساعدة ..
او يحب تقديمها
لذا فمن يحمل نوايا ليست الى هؤلاء ولا الى هؤلاء
الانصراف معتدال سر

حتى يستطيع اللاحقون ايجاد ردود ذكية ومناسبة


تحياتي لك

كلامك عين العقل .. وأكثر شي يقهر الي يقول راسلني عالخاص .. طيب خلي الناس تستفيد من خبرتك ..

عموما كل التوفيق للجميع

راسلني عالخاص ..
أكثر عبارة تقهر ..
وكأنه يقول للبقية اللي داخلين الموضوع يقرون الردود .... .. من أنتم ؟!
ومنهم من يفعلها بدون قصد
لكن للأمانة فيها تجاهل كبير لبقية القراء والمتابعين للموضوع ..

وفي شيء ثاني ...
هل هو حسد وخوف من بعض المتابعين والا الجامعات صارت أملاك خاصة لبعض المبتعثين
بحيث أن عندهم المعلومات والخبرة
بس يحتفظون فيها !!

(قلت فئة) ولم أعمم لأن التعميم من الجهل ..

تحياتي وتقديري ..
وان شاء الله أصحاب الاراء المختلفة يطلعون على هالموضوع
لأنه يشكل علامة استفهام تحتاج لنقاش حتى المنتدى يوصل لاعلى مستوى

بس مداخله أحيانا لما أحد يطلب تراسله خاص فبيكون الأغلب يحتاج معلومات خاصة ممكن ماتحب تشاركها مع الكل لاسيما لو كان هيعبي عنك أوراق أو يراسل جامعه أو معهد باسمك فيحتاج معلوماتك من الاسم الكامل والايميل على الأقل ولو فيها تسجيل فعنوانك كمان فهالمعلومات مايحتاجها كل العالم أن تشوفها وغير أن عالميا يعتبر فيها خطر لأي أحد متربص فيك مثل لو حطيت عنوانك أو تكتب ايميل وتبتلي بشركات لسبامز فممكن يكون الغرض من طلبه مصلحتك

وفي ناس غرضها تنصب عليك بعيد عن رقابة المنتدى
النصب ينعرف لو طلب تحول له مبلغ أو رقم الفيزا أو تسأله وتحسه مو عارف اصلا هو ايش يسوي
هو ممكن يكون امين وبس بيدفع ثمن ابلكيشين للجامعة ويطلب منك بس بها الحاله تطلب يعطيك رقم الابلكيشين وكيف تدخل عليه والأوراق إلى عباها ويعلمك كيف تدفع للجامعه إلى اشتغل كل هالشغل كعمل خير ماراح يكون عنده أشكال مع هذا . بس الي ينصب أو لفلوس هتتحول لمكتب هذا هيتردد ويطلع مئة حجه




( تمت المشاركة باستخدام تطبيق مبتعث )

والله اخي الكريم كلامك صحيح ..

لكن الهدف من كلامي ان بعض الاخوان يطلب قبول وبس لا يسال لا عن مدينة ولا عن ترتيب الجامعه ولا شي .. يعني قمه في الاتكاليه ..

وقد اكون مخطأ لكن اعتقد ان الهدف من المنتدى مشاركه ونقاشات جاده .. اما ان المنتدى تحول الى مواضيع ابي قبول وابي قبول بمعهد ومن هالكلام .. انا ضد هالشي لكن بالنهاية قد اكون مخطئ و قد اكون مصيب ..

كلامكم عين الصواب وموضوع بوقته بصراحه لكثرة عروض القبول الموجوده بالمنتدى

واللي يقهر بالموضوع اذا في احد سئل عن مدينه مثلا ولا عن مستوى الجامعه يجي اشخاص يقولوا تبي قبول راسلنا ع الخاص
طبعا في كثير منهم يطلب مبلغ مادي عشان يتوفر القبول مع انه التقديم في الجامعات البريطانيه اساسا مجاني ولا يحتاج اي مبلغ مادي
وثانيا في اشخاص متعاقدين مع معهد او جامعه معينه ويعطونهم نسبه 10% <<(متاكده من النسبه واحيانا في معاهد تعطي اكثر ، بالاضافه الى امتيازات ثانية كورس مجاني وكذا) من قيمة الكورس فتخيل انه ياخذ منهم عموله ومنك عموله
استغفر الله مابي ادخل في النيات بس بصراحه مثل المنشار طالع واكل ونازل واكل
بس انه احد يسال عن معهد ولا جامعه معينه تجي وتقول له اوفر لك قبول كانه القبول في يده بصراحه اوفر
اتذكر لما كنت في المعهد كان واحد من جنسيه عربيه قالي لو تبي اوكسفورد اقدر اوفر لك قبول فيها بس عمولته اقل شي 800 باوند وترتفع حسب قوة الجامعه طبعا قاعد يبني لي قصور في الرمال

بس بصراحه في شي يغيضني اكثر من اعلانات القبول

الناس اللي ترد على الاعضاء وتعطي من وقتها عشان تساعدهم بالنهايه تلقى كاتب الموضوع يسكت ولا يرد حتى بكلمة شكر للشخص اللي يرد عليك
صحيح ماحد يبي شي غير الاجر بس في حاجه اسمها تهذيب واداب عامه المفترض الواحد يتبعها
اسفه اذا خرجت عن مسار الموضوع

موفقين واتمنى انه الاداره تحط خطوط على هالنوع من المشاركات

كلامك صحيح اختي .. وانا والله ضد ان الشخص اصلا يستعين باحد يقدمله غير زميل او صديق له .. اما ان الشخص يرسل جميع شهاداته لاشخاص ما يعرف عنهم الا ايميل فهذا شي غلط..

عموما مثل ما تفضلتي انتي والاخوات والاخوان الكرام .. الهدف من المنتدى هو الارتفاء بالمواضيع لتعم الفائده لجميع زوار هالقسم .. والي خلاني اكتب هالموضوع انا شخص كنت ابحث عن بعض الاجوبه لاستفسارات معينه لكن كان اغلب مواضيع المنتدى بخصوص توفير القبول ..

ختاما الله يوفق الجميع ..