قبول جامعة تخصص ترجمة.. في امل يقبلوني؟:(

لا يا أخي فهمك ما كان دقيق.
يعتمد على الدرجة التي تطلبها الجامعة، فهناك جامعات تطلب مثلا 7.5 (غالباً في أمريكا، ما أعرف جامعة بريطانية تطلب هذه الدرجة لتخصصاتنا) وجامعات تطلب 7.0 وهي الجامعات القوية في بريطانيا، وبعض الجامعات تطلب 6.5 وهو الغالب لمثل تخصصنا، ولا أعرف جامعات تقبل بـ 6.0 في بريطانيا إلا جامعتين وهما Ulster and Bangor.

لاحظ أنا أتكلم عن تخصصات اللغويات والتيسول والترجمة أما بقية التخصصات فيوجد جامعات تقبل حتى بـ 5.5 للماجسيتر.
أما سؤالك عن بقية الدول، فالاختلاف كبير جدا ما بين جامعة وجامعة داخل الدولة الواحدة فما بالك إذا تحدثنا عن دول العالم زيما تقول. ستجد جامعات في أستراليا مثلاً لا تطلب منك أصلا درجة آيلتس بحكم كونك خريج بكلوريوس لغة إنجليزية، وفي المقابل ستجد جامعات في أمريكا تطلبك تقدم درجة الأيىلتس طالما أنك غير متكلم أساسي للغة، حتى لو عندك ماجستير من أمريكا. هذا الاختلاف يجعلني أٌقول لك إنه لا يوجد نظام واحد كما تتخيل في كل الدول، مطلقا.

ومع ذلك فالجامعات البريطانيا إذا كنت حاصل على 6.0 أو حتى 5.5 في بعض الجامعات ستعطيك قبول يسمى قبول مشروط، ثم تطلب منك الدراسة في معهدها للغة الإنجليزية لمدة معينة تتراوح ما بين شهر إلى شهرين أو ثلاثة، وبعد اجتياز برنامجها تدخل الماجستير. وهذا في تصوري احتيال على شروط اللغة لإدخالك للماجستير، وإلا شخص له سنوات يبي يجيب 6.5 في اللغة وما قدر، ثم في الأخير تدخلك الجامعة تدرس شهر أو اثنين على أنها تعويض للدرجة، مستواك ما راح يتغير ولا راح يقفز لـ 6.5 في خلال هالفترة.

تحياتي،،،

اخي الكريم ،، ممكن انا ماقدرت اوصل لك المعلومة بشكل صحيح ،، المعذرة اخي ،، ولكن ما اعنيه لنفرض مثلاً جامعة ما طالبه للماستر درجة 6.0 في الآيلتس ،، طيب عند الحصول على الدرجة المطلوبة ماذا يكون القبول في الجامعة نفسها ،، هل يكون مشروط او غير مشروط ،، بمعنى هل يدرس لغة في معهد الجامعة او مباشرة يدرس ماستر بدون اختبار او مقابلة او اي شي من ذلك .

شاكر ومقدر حسن تعاملك

أنت حاصل على 3، تقبلك الجامعات التي تطلب 3 أو أقل، وقبولك بيكون قبول غير مشروط.
أنت حاصل على4، تقبلك الجامعات التي تطلب 4أو أقل، وقبولك بيكون قبول غير مشروط.
أنت حاصل على 5، تقبلك الجامعات التي تطلب 5أو أقل، وقبولك بيكون قبول غير مشروط.
أنت حاصل على 6، بتقبلك الجامعات التي تطلب 6 أو أقل، وقبولك بيكون قبول غير مشروط.
أنت حاصل على 7، بتقبلك الجامعات التي تطلب 7 أو أقل، وقبولك بيكون قبول غير مشروط.

أنت حاصل على درجة أقل من الدرجة المطلوبة بتعطى قبول مشروط.
أنت حاصل على درجة أعلى من الدرجة المطلوبة بالتأكيد بتعطى قبول غير مشروط.

درجتك هذي 6، راح تجيب لك قبول غير مشروط فقط في الجامعات التي تطلب 6 مثل ألستر وبانقور.
درجتك هذي 6، راح تجيب لك قبول مشروط في الجامعات التي تطلب أكثر من 6 مثل ماشنستر وليدز وبرمقنهام إلخ.


أتمنى وضحت الصورة.

جزاك الله خير اخي الكريم ،، وضحت الصورة ،،

مشكور اخووووووووي ماقصرت بصراحه احرجتني الله يوفقك ويبرد قلبك نفس ما بردت قلبي :P

اخوي سؤال اخير باي جامعة تنصحني لدراسه الترجمة؟ ادري الكل اجمع على انه اقوا جامعه درم بس يقولون صعبه والمنطقه كئيبه

مرحبا اختي

أنا مثلك ابغى ادرس ماستر ترجمة

قدمت على درم وبورتسموث وقبلتني الحمد لله
وقدمت على ليدز ومانشستر وأنتظر يردون علي

ما عندي خبرة أنصحك بجامعة معينة لكني شفتك محتارة مثلي فحبيت أشاركك الهم
بس الحق يقال كثير ينصحون بمانشستر و ليدز

بالتوفيق يا رب

الجامعة قوية
لكن اللي درسوا فيها تخصص الترجمة ما يمدحونها

أنا ما أعرف عن مدى قوة البرنامج بصراحة، لكن الجامعة قوية.

كنت أبي أدرس فيها ترجمة وحصلت على قبول، ورحت زرت القسم، وجدته قسم صغير في مدرسة اللغات يتكون فقط من ثلاثة دكاترة دانيال وبول وخالد، وقابلت دانيال وسولفت معه، ورحت. وأيضاً لما شفت المدينة صغيرة ما فيها إلا نهر ومحطة قطار راس المدينة، ومع ذلك هي قريبة جداً من نيوكاسل، تطلع بالقطار يمكن 10 إلى 15 دقيقة وبسعر يمكن 4 أو 5 باوند. بعدها كان باقي وقت طويل شوي على بداية الماجستير، وبعدها غيرت رأيي ورحت اللغويات والحمد لله

كان عندي صديق درس فيها ماجستير، وكان يمدحها بس طبيعي أنه يمدحها على أية حال. لكن ربعنا في السعودية (ما أدري عن وضعكم أنتم) يحبون اسم الجامعة القوية حتى لو برنامجها ضعيف، وجامعة سالفورد مرت عليها فترة كانت هي المشهورة في الترجمة لكن في اعتقادي أن جامعة ليدز أخذت عليها الجو وبعض الدكاترة انتقلوا من سالفور لليدز.

لو كنت مكانك وفي ظل الخيارات الموجوة حالية راح أروح ليدز.

تحياتي،،،

أفضل من جامعة ليدز؟؟؟؟

يا أخي لو أنا ما أعرف الجامعة وأعرف بريطانيا وأعرف شغل أصحاب القبولات، كان قلت لك ممكن، بس مو صحيح أن هالجامعة أفضل لا في التخصص ولا الجامعة بشكل عام.

لا تظللوا الناس علشان أنتم تحبون أنفسكم كثير، والمفروض المشرف على الملتقى يشوف حل مع هالإعلانات عن القبولات.