التقديم على تذاكر السفر

١- يحق لك طلب تذكرة سفر كل ٨ اشهر تقريبا.
٢- يستثنى من ذلك اللي فيزته تنتهي خاصة المرافقين اللي جايين ع فيزا سياحية .
٣- للحجز تتصل ع مكتب الطيار بمانشستر وتحجز وراح يعطوك رقم حجز.
٤- تدخل ع بوابة المبتعثين > طلب تذكرة سفر > في خانة الحجز اكتب رقم الحجز اللي أخذته من مكتب الطيار .
٥- بعد يوم بالكثير يومين راح يتصل بك الطيار يقولك وصلهم الضمان المالي من الملحقية ، اذا حابب تأكد الحجز السابق او تبي تغير بالحجر .

ملاحظات : بعض الطلبة ما يتصل ع الطيار يحط اي رقم حجز من عنده بالبوابة ولما توافق الملحقية راح يتصل الطيار ويكلمك ع الحجز لكن احتياطا افضل الاتصال ع الطيار ..
الطيار يعطي فرصة يومين وبعدها ينلغي الحجز وفي حال ان الملحقية تأخرت بالرد تقدر تتصل بالطيار وراح يجددوا الحجز ليومين ثانيات.. وحتى ان انتهى الحجز الموقت عادي يحجزون لك ، هم يهمهم انه يجيهم الفلوس من الملحقية ..
الحجز راح يكون من مقر البعثة الى اخر نقطة في السعودية .. يعني مثلا السكن في السعودية الدوادمي وحيث ان الدوادمي مافيها مطار دولي فمضطر تطلع الى الرياض ومنها الى الدوادمي.. لذلك يحق لك تذكر من مانشستر الى الدوادمي..
من مانشستر الى الرياض ع اي خطوط ومن الرياض للدوادمي ع السعودية..

اتمنى يكون شرحي واضح ووافي والله يوفقك..


قال ﷺ : (لئن أمشي في حاجة أخي حتى أقضيها، أحب إلي من أعتكف في مسجدي هذا شهرًا).
( تمت المشاركة باستخدام تطبيق مبتعث )

شكرا جزيلا
الله يجزاك خير ويوفقك