اسعار القبولات في بريطانيا

اجل اخوي ابدا من الان التقديم على معهد تجاري لك ولزوجتك كنوع من الاحتياط في حال لاقدر الله درجة زوجتك كانت ما تؤهلها للالتحاق بمعهد الجامعه يكون خيار المعهد التجاري مضمون.

لان اذا اختبار الايلتس بعد 20 يوم و تحتاج النتيجه اسبوعين فتقريبا بتوضح الصوره في نص شهر جون و تقريبا هالفتره تكون الامور فيها زحمه شوي.

سؤال اخير لو تذكر اسم الجامعه عشان اتاكد لك من الدرجه المطلوبه للمعهد .

لاهنت اخوي شف جامعة مانشستر طبعا تخصص انجليزي - تطبيقات لغويه

شاكر ومقدر عسى يوفقك ويحقق مرادك


( تمت المشاركة باستخدام تطبيق مبتعث )

اخوي انا شيكت ولقيت التالي :

اذا زوجتك اختبرت و جابت بالايلتس 5 وفوق فتاخذ شي اسمه بري سيشينال كورس وهو عباره هن كورس يمتد من 3اسابيع الى 20 اسبوع كحد اقصى والتقديم و الدفع اونلاين .. يعني انت تقدر تقدم بالبيت مجانا والرابط موجود ادناه:

Course Dates and Fees (The University of Manchester)


ولو كانت الدرجه اقل من 5 مثلا جابت 4 او 3 وهي الحد الادنى تقدر تدرس بمعهد الجامعه والتقديم مفتوح على مدار العام ومدة الكورس من 4 اسابيع الى ما تقرر الجامعه ان الطالب او الطالبه لغويا ممكن يلتحق بالماجستير او البكالوريوس وبعد التقديم والدفع اون لاين والرابط موجود ادناه :

English for University Study (The University of Manchester)

ونصيحه من اخ لا تقدم لا بمكتب ولا غيره شوف اي احد لغته مقبوله ممكن يقدم لك ولا تدخل بحوسة المكاتب ممكن يقولك قدمت ويخليك تنتظر وهو لا قدم ولا شي .. الموضوع جدا بسيط واي شخص لغته عادية جدا صديق او قريب يقدر يقدم ويساعدك ..

موفق .. وان احتجت شي ان شاءالله الجميع مب مقصرين معاك ..

بالتوفيق ..

تسلم ياغالي والله كانك جبت لي القبول بتجاوبك معي كفيت ووفيت


( تمت المشاركة باستخدام تطبيق مبتعث )

الله يسلمك اخوي ما سويت شي ..

نصييحه اخيره حاول من الان تلتحق بمعهد بمكان اقامتك واختبر ايلتس عشان ان الله يسر وجبت 3 بالايلتس او 4 تنضم لمعهد الجامعه ولو زوجتك بعد جابت 3 وهي الحد الادنى او اي درجه فوقها بعد تكون بمعهد الجامعه فتكونون بمعهد واحد..

نقطه اخيره اذا زوجتك جابت 5 فرح تكون مؤهله للبري سيشنال كورس .. والبريسشنال كورس له تواريخ محدده لازم تلتحق فيها.. اما لو الدرجه كانت اقل من 5 مثلا 4 او 3 فرح تنضم لمعهد الجامعه بأي وقت هي تختاره.

الروابط موضح فيها التواريخ والمعلومات ..

الله يوفقكم ..

السلام عليكم انا من العراق واريد ان اكمل دراسة الماجستير في الجامعات البريطانية تخصص نظم المعلومات الادارية او تكنلوجيا المعلومات الادارية . انا خريج كلية التربية الاساسية قسم علوم الحاسبات وكم يكلفني القبول ارجو الرد بسرعة . وشكرا على مساعدتك

اخوي
في معاهد كثيره تقدر تاخذ منها قبول بالمجان
وتقدر تبدآ كل يوم اثنين وفي اي وقت تحب
ومن المعاهد المعروفه في مانشستر
مانشتر انتو
كابلان
اي اف سكول
مانشستر نيو كوليج
بيرلتز
وغيرها من المعاهد

تقبل تحياتي
القنصل