اللي عنده معلومات عن plymouth لا يبخل علينا وخصوصا اللي فيها الان

الاخ عبدالله بن عبدالعزيز حفظه الله او عبدالعزيز بن عبدالله
بصراحه دراستي كانت بتكون في جامعه بلموث تخصص اسنان
وسبق ان زرتها اكثر من مره
المدينه روعه في الجمال وتعتبر مدينه مشهوره في بريطانيا يكفيك ان شكسبير منها
المدينه جدا جميله وفيها مناظر احلى من الخيال تعتبر اكبر من اكستر وعدد سكانها اكثر
المدينه يميزها دفائها ومناظرها وبحرها وطيبة اهلها
مره مره مره الى مالا نهايه مره رخيصه ارخص من اكستر بكثير
السكن فيها جدا جدا رخيص
وهذا الرابط فيه صور للمدينه
http://travel.maktoob.com/vb/travel103639/

هذا من ناحية المدينه اما من ناحيه الجامعه فهي قريبه نسبيا من جامعه اكستر لحد علمي
معاهد اللغه في حوالي معهدين او ثلاثه كويسه بس اقواها معهد (مي فلور جكولج) يكفيك انه هذا المعهد مسؤل عن اختبار الايلتس هنا ببريطانيا وهو معهد قوي من ناحيته الاكاديميه للاسف مادرست فيه ولكن لي احد من الاصدقاء درس فيه
نجي للعرب اكثر ما يميز هذي المدينه قله العرب فيها هناك 4 عوائل مصريه وعائلتين سعوديه
واحدى العائلتين السعوديه مغادره نهائي اما العائله الثانيه الزوج الزوجه على طول مشغوليين يعني ماكان عندك احد عربي اما من ناحية العزاب السعوديين فاكيد فيه بس مو مره واجد
اما الخليجيين حاليا في قروبين القروب الاول والقديم قروب ايماراتي بنهاية جولاي مخلصين ورادين للامارات اما القروب الثاني الجديد فهو قروب عماني وتوهم مالهم الا شهرين


ملاحظه: انا كنت بادرس فيها والى الحين ودي ادرس فيها يعني لا تفوتك ولكن لظروف خارجه عن ارادتي للاسف راحت علي ومن جد راح اتحسف كثير عليها
المدينه لاتفوتها مره روعه
انصح فيها كثير والسكن جدا رخيص انا حصلت شقه سكن فيها واحد من الشباب مره مره روعه وديكورها جدا جميل ومابينها وبين السنتر الا شارع وقريبه من الجامعه وموقعها جدا مميز ولكن للاسف مشغوله الحين الا كان عطيتك رقم صاحب البيت تكلمه
وعندي رابط جدا جميل ومتجدد عن السكن انت بس ادخل وحط المواصفات اللي تبيها في البيت والسعر اللي يعجبك ورااح تحصل اللي تبيه
http://www.primelocation.com

اخيرا: معليش على الاطاله والتاخر في الرد
ولعلمك انا خبرتي قصير هنا وفي ناس درسو فيها من اكستر ويمكن يفيدونك اكثر اتمني اني افدتك في اللي قلته مع تمنياتي لك بالتوفيق

اخوك سامي والا سلمان اختر واحد منها... اهـ

واللي عنده كلام غير كذا يقوله
ويا ليت الموضوع تعم فائدته للجميع