مساعدة ضايعين بموضوع الفيزا لوسمحتوا ساعدوني

بانتظارك بفارغ الصبر: D

اللهم اغفر لوالديك وارحمهم ويجزاك ويجزاهم الجنه يااارب

( تمت المشاركة باستخدام تطبيق مبتعث )

اولا: حتى يحصل المبتعث الاساسي على فيزا تاير ٤ لابد ان يكون معه درجة ايلتس لا تقل عن ٤ .

لذلك انا انصح زوجك انه يختبر ايلتس الان ممكن يحصل على ٤ .. و ٤ سهلة جدا موووو صعبة..

ثانيا: اذا ما قدر يجيب ٤ ايلتس يطلع بفيزا طالب زائر أقصى مدة لهذا النوع من الفيز هو ١١ شهر. طبعا ما يقدر يأخذ معه مرافقين .. لذلك يضطر انه يأخذ المرافقين معه بفيزا سياحية او فيزا طالب زائر ان كان المرافقين يرغبون بالدراسة..

في حالتك وبما ان معك ٥ بالايلتس يحق لك ان تحصلي فيزا تاير ٤ وترفقي معك فقط ابنك اما الزوج لا لانه مبتعث أساسي والبعثة باسمه..

طبعا حتى تقدري تستخرجي تاير ٤ لازم يكون معك خطاب باسمك للسفارة انك مبتعثة ، لكن انت الان مرافقة ولست مبتعثة ، وحتى المعهد هناك عشان يعطيك الكاس نمبر عشان فيزا تاير ٤ لازم ضمان مالي او تدفعي رسوم التسجيل..


انا انصح زوجك انه يدرس كم شهر في معهد تجاري ويختبر ايلتس بعد ٣ شهور وان شاء الله يحصل ع الدرجة المطلوبة..
خصوصا انك ايضا راح تدرسي وتقدري تستخرجي طالب زائر ..

بالنسبة للطفل يعطونه فيزا سياحية ٦ شهور بعدها ترجعوا السعودية تجددوها او تغيروها الى تاير ٤ في حال ان زوجك حصل على الدرجة المطلوبة بالايلتس..

اتمنى جاوبت بشكل واضح واي سوال انا حاضر


قال ﷺ : (لئن أمشي في حاجة أخي حتى أقضيها، أحب إلي من أعتكف في مسجدي هذا شهرًا).
( تمت المشاركة باستخدام تطبيق مبتعث )

معناتها الخيارات هي:
1/ نكون انا و زوجي فيزتنا طالب زائر واولادي الثنين زائر وبعد 6 شهور لازم يرجعون.
سؤالي بهذه النقطه.. زوجي معه ضمان مالي من شغله لانه مبتعث. لكن انا مامعي. عشان استخرج فيزا طالب زائر لازم ضمان؟ واذا ماعندي لازم كشف حساب ؟

2/ الخيار الثاني انا استخرج فيزا تاير فور واولادي يكونون مرافقين معي.
ماهو الافضل ؟ زوجي يكون مرافق معي على فيزتي رغم ان معه ضمان مالي؟ او يطلع هو لحاله طالب زائر؟

اسسسسسسفه والله سامحوني ابثرتكم :"(

( تمت المشاركة باستخدام تطبيق مبتعث )

في الخيار الاول :
ممكن ان زوجك يكلم مرجعه عشان يعطوه ضمان مالي للمرافق يقدمه للمعهد وخطاب للسفارة من اجل التأشيرة .. لان اصلا المرافق يحق له الدراسة ويقدر حتى ينضم للبعثة ..
فيه احتمال ان مرجعه يقول دراسة المرافق من صلاحيات الملحقية بلندن ولما توصلوا هناك تقدري تدرسي.. لكن في هذه الحالة ما تقدري تروحي الا سياحية ..

الخيار الثاني :

برضه حلو بس تحتاجي ضمان مالي حتى تقدمي للمعهد وتحصلي على الكاس نمبر. كذلك خطاب السفارة .. ويروح أولادك معك مرافقين وزوجك يكون فيزا طالب زائر ..
ولما يحصل على الدرجة المطلوبة ترجعوا للسعودية وهو يجدد على تاير ٤ ويسجلكم معه مرافقين ..

ملاحظة: خلي قبول المعهد لزوجك وقبولك بنفس المدة حتى يعطوك فيزا لنفس المدة انتم الاثنين حتى لا يضطر احد انه يرجع قبل الثاني..

الخيار الاول مناسب اذا زوجك شد حيله اول ثلاث شهور من بعثته وحاب الدرجة المطلوبة انه يرجع باقرب اجازة يجدد على تاير ٤ ان كان لسا في بداية اللغة ..


قال ﷺ : (لئن أمشي في حاجة أخي حتى أقضيها، أحب إلي من أعتكف في مسجدي هذا شهرًا).
( تمت المشاركة باستخدام تطبيق مبتعث )

بسم الله الرحمن الرحيم وبه نستعين.

موضوع الأخت هو لا يحتمل القسمة على اثنين وهو:

تأتي بضمان مالي لمدة الكورس الذي حصلت عليه من معهدها وهو تقريبا 8 أشهر والضمان المالي هو على عدد أشهر الدراسة مضروب في تقريبا 800 باوند لكل فرد من أفراد الأسرة

فمثلا لو كانت عدد الأسرة بمافيهم الأب والأم 4 فيكون الشهر تقريبا 3200 باوند طبعا قد ينقص لأن المعيشة للشخص الواحد المقرر للشهر في بريطانيا مابين 700 و 900 وبإمكانهم يتأكدون من المكاتب المتخصصة لإصدار الفيز.

تقريبا 3200 لمدة 8 أشهر تقريبا 150000 ريال سعودي وتكون غير مستخدمة في الحساب لمدة28 يوم وأفضل البنوك لإعطاء شهادة وضمان بنكي هو بنك الراجحي.

بعد توفير هذا المبلغ والشهادة البنكية للضمان المالي هذا ومدة 28 يوم وقد تكون متغيرة المدة فعليكم التأكد أيضا من المكاتب المتخصصة مثل مكتب افيقا الدور الأرضي في مركز التأشيرات الموحد بالرياض.

المطلوب فقط عليكم
هو الضمان المالي( الشهادة البنكية من البنك )
صور الجوازات
صور شخصية
قبولات من معاهد اللغة لك ولزوجك....ويفضل بأن زوجك لا يرفق أي قبول له..لأن بيكون دبندن عليك ويحق له الدراسة في أي معهد...وعند وصوله هنا بريطانيا يتقدم بطلب ضمان مالي له ولك عن طريق فتح بوابة له في الملحقية ويطلب ضمان مالي لكم جميعا للمعهدين.( ويفضل أيضا التأكد من هذه النقطة من المكتب المختص..كانت الطريقة كذا لكن قد تكون تغيرت).

وأوراق أخرى لا تحضرني حاليا.

ما سبق هو الحل الوحيد لخروجكم من مأزق رفض أولادك أو رفضكم جميعا..أو قد يتسامحون ويعطونكم فيزة سياحية ولكن لا يحق لكي الدراسة وبعد 6 أشهر تسافرون مرة ثانية للتجديد بحال زوجك حصل على درجة آيلتس للتاير فور.. او إنهم قد يرفضون فكرة إنهم يعطونك فيزة سياحية ولا فيزة أيضا دراسية وهي مستبعدة جدا لأن عندك أطفال..

فمن الصعب المجازفة في أي طريقة عدا ما ذكرت ومن لديه أي طريقة غير هذه فلينور الأخت.

علما لو كان قبول الأخت 6 أشهر لم يعطوها تأشيرة تاير فور ترفق معها أسرتها وهي لديها قبول لغة 8 أشهر فالنظام اكثر من 7 أشهر يعطون الأسرة كلها فيزة تاير فور.

مشكوررررررين والله ماقصرتوا كلكم بردودكم الي تبرد القلب
الله يجزاكم كل خير ويرحم والديكم
اتضحت لي الرؤيا وان شالله ربي يكتب الي فيه الخير يارب

الله يسعدكم

( تمت المشاركة باستخدام تطبيق مبتعث )