احد عنده فكرة عن النت عن طريق USBمن بريطانيا بليز يتفضل

السلام عليكم ورحمة الله وبركاتة

الحقيقة خلفيتي بسيطه لكن اللي أعرفه أنه USB جميع الشركات فودافون وغيرها تعطي عروض جيده منها عقد ومنها ما يسمى( باي آس يو قو ) ...
الرسالة اللي وصلتك عاديه لكن العيب في هذا النوع من الإشتراكات الإنترنت أنه لما تكلمي بالماسنجر وخاصة بالكاميرا بسرعة تخلص عليك القيقا اللي هم معطينك ثم يبدون يحسبون عليك الزيادة في الدقائق أو الساعات ( ماأدري تحديدا كم ) وتتفاجأ بالفاتورة ليست الحقيقة 15 باوند شهريا وإنما 0000 باوند بالإضافة VAT اللي هي ضريبة الحكومة على جميع الخدمات 17.5 %

فيه عند شركة CARPHONE عرض إسمه فيرجن حلو يجي معه خط تليفون وأغلب اللي أعرفهم مع الفيرجون أو البي تي ....

أنا داري طولت السالفة وهي قصيره بس معليش وآسف على ذلك

اختي هنادي

الله يهديج قولي امين

شحقه تشترين اليو اس بي

كان سالتي اول!!

انا فريت كل الاماكن وسالت

لقيت انه كل شركات اليو اس بي تشترط 3 جيجا بالشهر؟؟؟؟؟؟

انا متعود انزل افلام وبرامج غير اني اكلم هلي 20 ساعة صوت وصورة >> يعني ما يمشي معاي

والسعر كم من 15 الى 20 بالشهر حسب السرعة

ريحت بالي واخذت شبكة تلفزيون مع تلفون مع برودباند انترنت ب 20 فقط

لا وازيدج من الشعر بيت >>>> مافي سعة محددة بالاضافة السرعهة 4 ميغا


والرسالة اللي ظهرت لج معناها تعديتي الداون لود المسموح لج ال 3 جيجيا بالشهر

وراح بعدين يرسلون لج رسالة تحذيرة زي ما شفتي
وبعدها يخب عليج للميجا اعتقد باوند و 60 بنس

يعني انتي الخسرانه

لا والله لا طولت و لاشي ..بالعكس مستفيده منك لآنه انا ما اعرف اي شي وما اعرف احد عشان كده سألتكم استفيد منكم ..
اوكى ..بالنسبة لعرض الشركة ..الشركة اسمها CARPHONE والعرض مندرج تحتها حق الفيرجون او البي تي .؟؟ كده صح؟
عموما مرة اشكرك من جد ..

اللهم آمين يارب
بالنسبة للسؤال ...انا ما عندي أحد أسأله هنا ما اعرف احد ...
او اذا تقصد شركات النت ..فبصراحه ما اعرف ايش الفرق بين دا ودا
وانا مستأجرة الشقه لمدة 3 شهور ..فقولت بلاش موضوع التلفزيون والتلفون لآني حانقل ..

طيب يا جماعة الخير اللي حصل حصل ...
الحل ؟؟ اقتراحاتك؟؟؟؟
هل ينفع اعمل مثلا زيك ..وانا متعاقده مع الفودا فون؟؟ ...واذا ينفع هل لما اغير سكني عادي ولا لأ؟؟

شور عليا

السلام عليكم ورحمة الله وبركاتة

مره أخرى ... أولا كم مده العقد مع فودافون إن شاء الله مايكون سنه أو أكثر لكن بما أنك غير مستقر وسوف تنقل سكنك فالله يعينك أستمر على الوضع الحالي ( تراه مش بطال) وفيه ناس كثير ماشين على الوضع لكن ليس الأفضل أكيد وأيضا خفف ماسنجر وكاميرا وتحميل ...
مع أنه ممكن أنك تلغين العقد بس تدفعين مبلغ وقدره ( ) ما أدري ..لكن ما أنصحك خلك على وضعك وبعد كذا لما تغير سكنك وتستقر إن شاء الله أسأل ماهي أفضل العروض في ذلك الوقت والله يسهل أمورك أختي ....

كلنا أو بعضنا أول ما نصل هنا نقدم على أشياء وبعد كذا نروح نسأل يقولون لنا ليه ما سويت كذا وكذا لكن قدر الله وماشاء فعل ...

تحياتي ........ز

على الأرجح بأن العقد مع فودافون مدته 18 شهر. طبعا الإنترنت بهذه الطريقة حلو لكن مشكلته أن هنالك حد مسموح به للتحميل. ممكن تروحين لهم يا أختنا, أقصد فودافون وتسوين ترقية للخدمة تبعتك عشان تناسب استخدامج للنت.

مدة عقدي ياهمي 24 شهر
والله مني عارفه ..اخاف استمر ويكون تأخير الوقت مو في صالحي وبعد كده لما الغي ادفع مبلغ جامد ..
في نفس الوقت اخاف الغيه دحين وعادي ..طيب والبديل
فشكلي زي ماقولت استمر عليه لغاية ما اشوف فين حاستقر
اشكر مرورك ومعلوماتك القيمة بالنسبالي ..

24 شهر ..سنتين كاملين حلوين

انشالله شكلي حاعمل كده حاروح واشوف الوضع معاهم ....والله يعين ..

مقدرة مرورك لاستفساري المهم..شكرا لك يا اخي الفاضل

ماخاب من استشار

ثاني شي يا اختي انا بعد ما اعرف احد في شفلد .. واخوي اللي في لندن قالي خذ يو اس بي احسن!

قلت اوكيه لكن انا عندي خبره ب اليو اس بي من ايام موبايلي في جدة

كانو ع الاقل معطيني 30 جيجا بالشهر >>> حلوة >> كنت اوصل 25 تقريبا >>>

فلمن رحت وسالت محلات الجوالات >>> طبعا كذا شركة >> اورانج , ثري , فودافون....

كلهم قالو لي 3 جيجا بس >>> واذا انت جق انترنت وتنزيل ما ينفع لك >> هذا بس للايميل والتصفح >>>> لانهم حاطينه للضرورة >> زي البلاك بيري


ما عليج من قصة حياتي اللي فوق


نجي للمهم



زين يا اختي اسمعيني عدل

مادام الفاس طاح بالراس >>> ماشالله مشتركه باطول كونتراكت سنتين >> شنو خايفه النت يخلص من السوق


جذي راح تضيعين 15 باوند شهريا مع انج يمكن تستخدمينه اسبوع بسبب وصولج للحد المسموح>> هذا اذا ما نسيتي وكملتي تصفح وتحميل يمكن بدال 15 تدفعين 60

والله حرام


ولو حسبتي ال15 شهريا لمدة سنتين>>> بدون فائدة!! >>> شوفي تطلع كم 360 باوند >> واعيد واقول لو وقفتي عند حدج وما زدتي عن ال3 جيجا فقط

قلت بدون فائدة ! >> لانج من الناس اللي تدخلين منتديات وتشوفين الصور وهذا ياخذ من الحجم المسموح لج >>> بالاضافة الا انج محتاجة افلام وبرامج للانجلش من اليوتيوب وغيره>> ولابد انج تاخذين راحتج بدون تحديد!!
فاذا كان فسخ العقد بيكلفج مية باوند >> اظنج انتي الكسبانة

وبالنسبة لشبكة سكاي مع التلفون والنت >>> نعم تقدرين تنقلينها معاج اي مكان لو غيرتي المدينه حتىّ >> وصدقيني راح تستفيدين من الشبكة مو بس النت >> لان عندهم قنوات مرة حلوة وتفيد حق اللغة >>>> بالذات مسلسل فريندز والسيزون الجديد حقه


اتمنى اني افدتج >>> وكل الاعضاء المهتمين بالامر


وهذي ميزة الغربة يالطيبين >>>>> تعلمك الاعتماد على النفس شباب ولا صبايا