أسأل عادل العتيبي عن بريطانيا وعن الدراسة فيها .

قـد يكون آلدكتور عآدل آلعتيبي أخبر وَ أفضل من تسألي في هذآ آلموضوع لوجودهـ حآليآ فــي بريطآنيآ ..
وَ لكن من خبرتي آلسآبقة تم آلرد على موضوعكـ .. تفضلي:
http://www.mbt3th.us/vb/forum66/thre...post1062663107

وشكرآ ..

هل الجامعات البريطانيا تقبل طالب محول من جامعة امريكية ؟؟
و هل تعادل له المواد ؟
وشكرا

ودي استفسر منك يادكتور
انا معيد بجامعة أم القرى وطبعا عندي بعثة للماجستير والدكتوراة..
ودي ادرس بجامعة مانشستر متروبليتان تخصص ادراة اعمال وطبعا طالبين درجة 4ايلتس للقبول في معهد اللغة في الجامعة و6.5 ايلتس للقبول في تخصص MBA

طبعا أنا الآن في معهد وجالس اقوي اللغة عندي لانه بختبر بعد شهر تقريبا وربك ييسر ان شاء الله

فانتظر تنتهي اجراءات القبول وقرار الابتعاث حتى اسافر ان شاء الله

فعندي اسفسار عن مدينة مانشستر :
- المعيشة والمواصلات والسكن ( طالع أنا وزوجتي )
- هل تؤيد في البداية اني اطلع لحالي وبعدها بفترة ارجع واخذ زوجتي .. أو اني اخذها معي من البداية
- كم تبلغ المكافاة لي انا وزوجتي ؟
- كيف وضع الحجاب والنقاب في مانشستر ؟
- أي معلومات ممكن تفيدني بها بخصوص الدراسة او المعيشة في مانشستر

وربنا يوفقك ويفتح عليك دنيا وآخرة

هلا بك :

كلا المدينتين جملتين من كل النواحي :

لكن ممكن تكون أكسفورد أكثر في الخيارات وكثرة المعاهد وقربها من لندن .
يورك فيها معهد جدا قوي ولا عمري شفت أحد يذم هالمعهد : لكن مشكلته كثير سعوديين وجدا غالي لو انتي على حسابك .

كذلك اكسفورد المعاهد القوية وخصوصا مرتفعة السعر يقل السعوديين لأن الملحقية ما تقبل فيها .

فماني عارف عن ميزانتك لدراسة اللغة كم بالاسبوع عشان اقدر اعطيك معهد قوي وما فيه سعوديين .

- - - مشاركة محدثة - - -

إذا كانت عادلت للي درسوا في السعودية ومصر من باب أولى اللي درسوا في امريكا .

لكن لازم تعرفين شيء الجامعات تختلف في المعادلة : فأعرف جامعات ترفض نهائيا المعادلة .وجامعات تقبل .

جامعات تعطي اللي معاه دبلوم مباشرة من السنة الثالثة لكن معادلة الشهادات رفضت ذلك .

احسن شيء تقدمين على كذا جامعة وتشوفين الانسب مع الاستفسار من ادارة معادلة الشهادات .والملحقية

هلا بك أولا جامعة مانشستر مترو : اوقفت هذه السنة لقسم الأعمال .فحاول تشوف جامعة غيرها .قبل تطلع .

المعيشة في مانشستر جدا رائعة ورخيصة والمواصلات متوفرة .
ما تفرق لو بتطلع في البداية لحالك او معك زوجتك : لو معك اطفال :يمكن يشغلونك شوي . ممكن تطلع لوحدك وترتب وضع السكن وكل شيء وترجع تاخذهم .
المكافأة : لك : 1160 تقريبا لك . وزوجتك لو غير ملحقة بالبعثة 950 تقريبا : ناسي بصراحة كم .
مانشستر في منطقة ايست مدلاند وغالبا مليئة بالمسلمين فامورك جدا طيبة .

أي معلومات : لا تسمع كلام سعوديين كثير لما تبدأ بمعهد حاول ما تغير كثير .مهما كانت كثرة العرب .مشكلة طلاب المعاهد يسمعون كلام بعض : مثل العمياء تمشط مجنونة

يعطيك العافيه دكتور على الرد .. فيه احد من اعضاء المنتدى افادني ودلني على معهد الله يجزاه الف خير .. وانا بصراحه ارتحت للمكان بس حابه اخذ رايك
فـــي مدينة أو تعتبر قرية ريفيه إسمهآ Girton تتبع مدينة Cambridge فيهآ معهـد تجآري وَ معترف من آلملحقية ..
هذآ رآبط آلمعهد:
Cambridge Academy of English

ايش رايك بالمعهد والمكان لو عندك علم .. وانا بصراحه ماعرف الاسعار واللي يبدفع لي هو الوالد ووبصراحه ابي شي معقول لا غالي مره ولا شي رخيص يعني شي متوسط ومعقول..

Adult General/Examination Courses 2015 : 24 weeks or more per week GBP275/€385
انا اسفه لكثرة الاسئله بس جد ضايعه محتاجه احد يساعدني الله يعطيك العافيه ..

اتمنى الاقي رد على سؤالي بالصفحه السابقه
وماهي المدة التي تلزم للالحاق بالبعثه لان بتكون دراسه على الحساب الخاص
؟
وشكرا

السلام عليكم ورحمة الله وبركاته,,
أخي عادل هل هناك جامعات سمحة أقدر أدرس فيها ماجستير إدارة الأعمال بيناير؟
وهل أقدر أدرس Pre-Master قبل يناير وتصرف علي الملحقية علمآ بأني مبتعث وتبع وزارة الخدمة المدنية

السلام عليكم ورحمة الله وبركاته..
دكتور عادل
ابغى استفسر عن معهد
New College Manchester

لاني ان شاء الله بدرس الماجستير في جامعة مانشستر متروبليتان ومعهد اللغة في الجامعة طالبين درجة 4 ايلتس..

فودي ادرس في معهد الين اجيب الدرجة ثم التحق بمعهد الجامعة


فهل تنصحني فيه ؟

او فيه معاهد افضل منه بمانشستر ومعتمدة من وزارة التعليم العالي ؟

وجزاك الله خيرا

السلام عليكم ورحمة الله وبركاته

الله يعطيك العافية دكتور عادل ويكتب لك الأجر
ما شاء الله عليك شوف كم واحد ساعدته الله يجعلها في ميزان حسناتك

استفسار لا هنت
أنا محاسب في وزارة المالية ومقدم على ابتعاث
وعندي أربع قبولات جامعية مصدقة من وزارة التعليم العالي
بس محتار أيهم الأفضل بالنسبة لي مع العلم أن معي بكالوريس محاسبة من جامعة الملك سعود ومعدلي مقبول
معيار الأفضلية عندي
1- تكون جامعة سهلة الدراسة فيها
2- المدينة تكون غير مملة وكل ما كانت ارخص تكون أحسن
3- يكون فيها مساجد ومطاعم عربية

الجامعات هي
- University of Brighton تخصص Accounting (MSc) طالبين 6.5 في الأيلس
- University of Sussex تخصص MSc Management and Finance هذي طالبين مني بر ماستر مدته 8 أشهر
- Associate College of University of Hertfordshire تخصص MSc Accounting and Financial Management وطالبي بري ماستر مدته 9 أشهر والأيلس 5.5
- Middlesex University تخصص MSc Financial Management طالبي في الأيلس 6.5

تكفى لو ترتب لي الأفضلية حسب معاييري
والله يعطيك العافية