كلام نواعم .... من شيفيلد

أختي مبتعثه عندي سؤال ........الي هو وشو ملخص بحث الماستر الي أعرفه أنه ملخص مكون من صفحتين مثلما أفديتني من قبل بس أبي أعرف الصفحتين هاذي وش ينكتب فيهم أسئله من عندهم ....ايش يطلوبن فيها بالتحديد

دكتر سماهر
اعتقد انه ممكن
ولكن يمكن مراسلة الجامعة من هذا الراب
http://www.sheffield.ac.uk/sic/yourc...udiarabia.html

وهذه الروابط بها معلومات عن دراسة الب والتقديك للجامعة
http://www.shef.ac.uk/prospectus/sub...bject=Medicine
http://www.shef.ac.uk/international/...rgraduate.html

بالتوفيق

اختي ام فهد

كل ملخض بحث يعتمد على الموضوع

ولكن هناك اسس عامة ساكتبها هنا مثل ما كتبتها بملخص بحثي:

1.A brief description of why the study is relevant:

على اي اساس تم اختيار موضوع الدراسة او البحث ، ما هي اهمية موضوع البحث

1.Formulation of the problem to be studied:
ما هي الفضية الاساسية او المشكلة التي يتناولها البحث

The objective of the study
ما هو هدف البحث

1.Methods and materials
المواد المستخدمة والادوات والمنهجية زالمراجع

1.A time table.
جدول زمني للبحث او الدراسة


موفقة باذنه تعالى

معليش أختي أنا ماني فاهمه حكاية البحث بالضبط كنت أحسب يعني أسئله عن أشياء ثانية ......طيب هذا البحث يكون من أساسيات الي يتم فيها قبول الطالب ولا بعد مايقبلونك يطلبونه منك .....وشكرا

اختى مبتعثة عربية


الف شكر لك على المعلومات القيمة التى تفيدينا فيها

وعلى الخدمات الكبيرة التى قدمتيها لى ولغيري

الله يرزقك ويوفقك في دراستك

والف شكر لك

وجزاك الله خيرا

رووووعة يا نواعم

مرحبا

اعرف بنفسي، انا سعودية طموحة حاصلة على ماجستير لغويات من جامعة الملك عبدالعزيز.

بعد التحية والاعجاب بفكرة كلام نواعم، حبيت اطرح فكرة وهي ان كل وحدة تختار موضوع جديد للحديث وبعد 5 مشاركات اي وحدة تطرح موضوع جديد للحوار.

ابدأ أنا (اذا سمحتولي طبعا). أختار موضوع العزيمة والتحدي

لتشجيع اي اخت تفكر في السعي وراء تحقيق طموحاتها احب احكيلكم نبذة عن حياتي. زي أي بنت عربية اتقدم لخطبتي شاب (زوجي العزيزحاليا) وأنا في سنة ثانية من الجامعة. تزوجت وأصريت على اكمال دراستي الجامعية. وبالفعل وفقني الله وحصلت على الشهادة في الوقت المحدد بقليل من الاجتهاد وقليل من الذكاء الاجتماعي في التعامل مع الزوج واهله وكثير من الامل بالله تخرجت بتفوق من كلية الاداب قسم اللغة الانجليزية. بعد ذلك انجبت ابنتي (kid 1) وبعد سنتين قبلت في برنامج الماجتستير جامعة الملك عبدالعزيز وانجبت ابني (kid 2) وعلى نفس المنوال تخرجت بتفوق والان هدفي هو الحصول على الدكتوراة.

رحلة البحث عن الدكتوراة، في البداية لجأت لجوجل فكتبت اسم التخصص الي انا حاباه وجنبه كتبت phd in Britain على اساس اني قررت ادرس ببريطانيا نظرا لقربها من المملكة وتخصصي هنا افضل من اي مكان ثاني. وكانت نتيجة البحث الجامعات اللي تقدم تخصصي فقط وكانت حوالي 7.
ركزت على 4 منهم. درستهم دراسة من خلال مواقعهم الالكترونية على اساس اعرف الاسلوب اللي يعجبهم في كتابة البروبوسال. هذه العملية تستغرق حوالي 5 اشهر. جامعة ما ردت علي نهائيا وجامعة قالتلي انتي جايبة في التوفل 90 احنا ما نقبل الا 93 (سخافة على 3 درجات هذي احنا نعطيها بونس)، المهم جامعتين قبلتني واستخرت الله وكملت مع نوتنجهام.
وانا الان في مرحلة انتهاء اجراءات البعثة. مبدأيا شكلي حروح في يناير.

أختي أحييك في كلام نواعم وأحي أصرارك .......وماتتخيلين أن أصرارك هذا يشجع الكثير من بنات حواء وأنا طبعا وحده منهم ....وأنا لنفس أسبابك أخترت بريطانيا بس أنا لسى مطوله عشان أبدأ مرحله الماستر بس كيف كانت الدراسة مع الكتاكيت حقك أنا عندي بنوته ولد الله يخليهم لي بس مستصعبه الدراسة وأنا أم ...هل كانت ساعات المحاضرات والمذاكره كفايه وهم بالحضانه ولا أستلزم وجود مساعدات ....والله يوفقك وعقبالنا يارب

عزيزتي ام فهد
سؤالك في محله. بالنسبة للطالبة الام اصعب شي عندها هو توزيع الوقت. بالنسنة لتجربتي الشخصية كانت بنتي في سن روضه اول لما بدأت الماسترز، فسجلتها في حضانة جامعة الملك عبدالعزيز. كل صباح نروح انا وياها للجامعة وفي الظهر نرجع نلاق عبودي (ولدي عمره حينها سنتان )قاعد في البيت مع المساعدة (اندونيسية مسلمة) واجلس معاهم فترة الظهر حتى المغرب (حتى تخلص بنت الحلال شغل البيت) وبعد ذلك نبدأ مرحلة استعداد الاولاد للنوم وبعد ما ينامو بالعافية ابدأ انا المذاكرة 3 ساعات يوميا و12 بالليل انام ونصحا ويبدا الروتين.

هذا اليوم العادي، ولكن زي مانتم عارفين لابد فيه يوم خرجة للسوق او زيارة اجتماعية اودعوة من الزوج على مطعم (مافيها شي الواحد برضو محتاج يرفه عن نفسه) وطبعا الخميس والجمعة الفلة الاكبر الا اذا كان عندي اختبار او تسليم بحث او برزنتايشن.

بالمختصر الامور كلها نسبية وتصب في ان كل وحدة تحاول تكيف نفسها مع الوقت اللي تقدر تحصل عليه.
بالتوفيق لكل البنات والامهات.

اختي العزيزة عاشقة الجنة
انا رايي تراسلي الجامعة وتسالي عن المواصلات
لانه ساعات الجامعة بتوفر مواصلات باجر لبعض المواقع او هم يدلونك في مسئلة المواصلات
وما دام التخصص قوي لا تترددي
والمواصلات عامو ممتازة برايي في بريطانيا
واذا انا موجودة (باروح على ديسمبر ) هافضل معاكي لحد ما تستقري تماما

موفقة حبيبتي