شي ما فهمته في القبول الجامعي

يوم كامل
33 مشاهدة
ولا رد !!!!!!!!

مافيه شي مهم ..
الترانسكريبت .. اللي هو كشف الدرجات الاصل والشهادة الاصل
درجة الايلتس .. ومايكون حصلت عليها قبل 1 نوفمبر 2013
6.5 الدرجة العامة .. 6 في الرايتينق كا اقل درجة .. وباقي السكيلز 5.5 اقل درجة ..

الله يعطيك العافية أخوي
بس وشهو ACCA

وعليكم السلام

ACCA اختصار Association of Chartered Certified Accountants
شهادة مهنيه بريطانيه في مجال المحاسبه

عباره عن 14 ماده ( اللي عنده بكالوريس يعفى من 4 مواد ويتبقى له 10 مواد ) وهي عباره عن مرحلتين :

مستوى F اختصار FUNDAMENTALS ( عباره عن 9 مواد) يعفي منها 4 مواد اللي عنده بكالوريس محاسبه
ومستوى P اختصار PROFESSIONAL ( عباره عن 5 مواد) 3 مواد + مادتين اختياريه

اولا/ مستوى F ( عباره عن 9 مواد)

F1 Accountant in Business
F2 Management Accounting
F3 Financial Accounting
F4 Corporate and Business Law
وهذه المواد اللي معاه بكالوريس محاسبه يحصل على exemption ( اعفاء )يعني ما يحتاج يختبرها
F5 Performance Management
F6 Taxation
F7 Financial Reporting
F8 Audit and Assurance
F9 Financial Management
وهذه هي المواد اللي طالبه منك الجامعه تحصل على اعفاء منها بالاضافه للمواد اللي سبق ذكرها


ثانيا / مستوى P ( عباره عن 5 مواد)

P1 Governance, Risk and Ethics
P2 Corporate Reporting
P3 Business Analysis

وبعدها يتم اختيار مادتين من المواد الاربعه التاليه:-
P4 Advanced Financial Management
P5 Advanced Performance Management
P6 Advanced Taxation
P7 Advanced Audit and Assurance

وبكذا يصير المجموع 10 مواد بعد الاعفاء من ال4 مواد الاولى لطلبه البكالوريس في المحاسبه f1,f2,f3,f4


وهذا المصدر للمعلومات اللي ذكرتها بخصوص acca
ACCA Qualifications course exams and modules | ACCA | ACCA Global

وفي موقعهم فيه قاعده بيانات تحط اسم الجامعه والتخصص ويجيب لك ما هي الاعفاءات اللي تحصل عليها !

انا طبعا خريج جامعه الملك سعود ( بكالوريس محاسبه ) وحصلت ع اعفاء من المواد ال4 الاولى اللي هي F1,F2,F3,F4
https://portal.accaglobal.com/accrwe...Pfm=-zwachdr2a



بس الغريب واللي الى الان ما فهمته ليش الجامعه طالبه منك الاعفاءات من acca ؟؟؟؟؟؟؟؟؟
يعني اعفاءات f1,f2.f3,f4 مقدور عليها اذا كان عندك بكالوريس محاسبه
لكن اعفاءات f5,f6,f7,f8,f9 ( هنا المشكله )
يعني فيه بعض الجامعات مسويه اتفاقيات مع acca لو الطالب درس مواد معينه يحصل على اعفاءات من بعض اختبارات الacca

بس العكس ان الواحد يحصل على اعفاءات acca علشان يقدر يدرس بجامعه فهذه اول مره اسمع فيها صراحه من جد شي غريب !!!!!!

بالتوفيق اخوي ، وترا فيه جامعات غيرها فيها ماجستير المحاسبه

الله يعطيك ألف عافية أخوي رائد
كلمة شكراً فعلا ولا شي في حقك

غريييبة جدا جامعة تطلب مني شهادة مهنية بريطانية لدراسة الماستر
ع العموم انا عندي قبول في أكثر من جامعة بس اخترت برايتون اللي منها ذا القبول لأنها جامعة متعاونة حسب ما نقل لي

العفو يابو عمر ،، ما سوينا شي

تصدق بسالفتك هذه فتحت عيني ع جامعه اسمها University of the West of England في مدينه بريستول كنت حاطها في القائمه عندي
فيها تخصص ماجستير المحاسبه والماليه ،، سبق وقرأت entry( متطلبات القبول) حق التخصص بس ركزت ع الايلتس فقط ومريت ع هذه العباره في متطلبات القبول مرور الكرام بدون ما انتبه


رابط ال entry( متطلبات القبول) للتخصص في الجامعه
Accounting and Financial Management - UWE Bristol

طبعا المقصود ب all of the Fundamental papers
بجميع المواد بالرمز F المذكوره بالرد السابق ( F1 to .F9)

لذلك ارجو من اخواني واخواتي الباحثين عن قبول ماجستير المحاسبه أو ماجستير المحاسبه والماليه في بريطانيا التنبه لهذه النقطه ،، وياريت كمان يابو عمر من بعد اذنك لو تضيف في عنوان الموضوع ( شي ما فهمته في القبول الجامعي) تضيف عباره ( ماجستير محاسبه ) ,,,,,, علشان يكون واضح وتعم الفائده للجميع

بالتوفيق