ماهي افضل بطاقة فيزا للبريطانيا ؟

لا إله الا الله !! فوق يآجماعة الخير

انا ماعندي خبرة في الأمور ذي
وانا كمان اسبوع كذا وطالع دراسه قررت اني فك حساب هناك احسن
لاكن الوالد الله يحفظه طلعللي من سامبا و الاهلي وانا عندي الانماء
وفي مواقع تفظل الراجحي !
تقدر تشوف في كل بنك ع كل عملية سحب كم ياخذو !
لاكن نصيحتي لك وكما نصحوني الشباب فك حساب هناك عشان تسحب ع كيفك
هذا الي عندي اتمنا افدتك

^ يعطيك العافية يالغالي , وبنتظار بقية الاعضاء !!

معقولة يا اخوان محد منكم يستخدم فيزا !! احد يفيدنا بالله !!

بطاقة الفيزا هي شيء ضروري لكل شخص مسافر خارج المملكة لسببين : أنها اكثر أمان من حمل النقد (الكاش) - مقبولة في جميع نقاط البيع

أخوي العزيز ما شرحت لنا وضعك وهل أنت مبتعث او مسافر لغة لفترة قصيرة ,, المبتعث في الغالب ما يحتاج بطاقة الفيزا و يقدر يستغني عنها لو أخذ معاه مبلغ بسيط بالإضافة لبطاقة الصراف العادية لحسابه السعودي و بالكثير شهر راح يكون عنده حساب في بريطانيا و تنزل فيه المكأفاة أو يحول له أهله فلوس من السعودية على نفس الحساب إذا كان على حسابه الخاص

عشان ما أتفلسف عليك كثير راح اعطيك تجربتي مع فيزا الراجحي الائتمانية (مو مسبقة الدفع)
الفيزا ممتازة في المشتريات يعني سعر الصرف جيد جدا تقريبا , يأخذ البنك سعر الصرف و يضربه في 1.15% على كل باوند تاخذه
مثال لو اشتريت بالف باوند بالفيزا و كان سعر صرف الباوند في السوق 5.6 ريال - البنك المفروض يأخذ 5600 ريال عليك بس البنك راح يأخذ عليك 64.4 ريال زيادة عشان مشتري بعملة غير الريال السعودي

طبعا الماستر كارد يأخذون 1 % فقط , بالنسبة للسحب النقد أفضل تسحب من بطاقة الصراف أحسن من الفيزا لأن بطاقة الصراف حقت الراجحي يخصمون عليك 16 ريال على كل سحبه فقط و تقدر تسحب إلى 800 باوند من بعض الصرافات في بريطانيا .. نقطة ثانية للآسف سعر الصرف لما تسحب من حسابك يكون أعلى من السوق و ما له نسبة ثابتة واضحه من البنك

أتمنى اكون افدتك و لو تقدر توضح لنا معلومات أكثر عن سفرك ممكن يساعدوك الشباب في الحل الافضل لك

الله يجزاك خير ويوفقك , انا فعلا سآر عندي التبآس بالموضوع ! الان انا راح اطلع على حسابي ان شاء الله مدة شهرين بالكثير !

وطبعا حسب ماسمعت ما اقدر افتحلي حسآب هناك الا في حالة اذا كنت بجلس اكثر من 6 شهور !!

انا فعلا سآر عندي التباس بالموضوع !! الان انا ابي بطاقة مسبقة دفع يقدر الوالد يحولي فلوس كل ما حتجت !! فما ادري وش آختار !! ( فيزا مسبقة دفع ) ! وما ادري وش افضل البنوك ؟ بناء على سعر الصرف ؟ او رسوم السحب على كل عملية ؟

اللي يقدر يفيدني الله يسرله امره , وبنتظارك بارك الله فيك

في بنك اسمه Santander اظن
وعادي فتحو لي حساب وانا لفترة اقل من ٣ شهور بس انهم ياخذو ٥ باوند شهريا رسوم خدمة ..

يعطيك العافية , لكن هل في فآئدة بخصوص فتح حسآب بنك في بريطانيا ؟ ولا اذا كان معي فيزا مسبقة دفع مايحتاج ؟

مع العلم بروح ان شاء الله , ادنبرة

توكل على الله و خذ فيزا الراجحي مسبقة الدفع و الله يسهل لك أمورك , اذا انت مرتب امورك من هنا و دافع رسوم المعهد و السكن , ما راح يكون عندك مصروف كثير تحتاجه في الشهرين 1000 باوند ممكن تكفي وزيادة

انا زي نظامك يا صاحبي , بس قالو لي خذ معك كاش بما انك دفعت حق المعهد يصير المبلغ بسيط اللي بتاخذه معاك ’ وموضوع فتح الحساب هناك ان شاءالله مو صعب افتح حساب واودع كل فلوسك فيه .. واذا عندك طريقه ثانيه علمني - ببحث من جهتي أكثر وانت كذلك - حبذا لو تنزل لي رقمك برايفت .. لأن دخولي شبه ضعيف هنا ..