معلومات عن جامعة سري University of Surrey

June 6th, 2015, 08:12 PM

السلام عليكم ورحمة الله وبركاته
من باب رد الجميل لاعضاء المنتدى .. راح اكتب معلومات عن جامعة سري في غليفورد


آولا الموقع
جامعة سري تقع جنوب لندن ( المسافة بالقطار 35 دقيقة).
تقع في قيلفورد (10 دقايق مشي عن التاون سنتر).
تقع بين اكبر مطارين في بريطانيا... هيثرو ( 35 دقيقة بالسيارة) وجاتويك (40 دقيقة بالقطار)
تقع شمال بورتسموث (55 دقيقة بالقطار)
الخلاصة
موقع مميز قريب من كل شي والتنقل بالموصلات العامة من والى قيلفورد سهل ورخيص<< مثلا تاكسي الى مطار هيثرو (35-50) باوند .. قطار الى لندن مع الاندرقراوند (14) باوند
ثانيا المدينة
صراحة هيا مو مدينة هي اصغر من مدينة ( لو تلاحظو يقولو Town center مو city center ) فيها مول صغير جدا واغلب الماركات المعروفة موجودة في High street (مو مشكلة لندن قريبة)
الناس الموجودة هنا راقية جدا ( اغلبية السكان من الطبقة المتوسطة واعلى)
عيوب المدينة
1- اكبر مشكلة في المدينة السكن << السكن جدا غالي في المدينة وياريت على كذا قديم مرة( تقارن باحياء شعبية في السعودية لو كان السكن في 800 الى 900 )باوند
الاسعار لغرفة واحدة تبدا من (800 الى 1200) باوند بالشهر ( مكافآة المبتعث الفرد في حدود 1100)
2- شركة الباصات الموجودة في المدينة مو قد السمعة ( يعني عادي يتاخر الباص ولا تسمع كلام ماتفهمه << اغلب السواقين من اوروبا) والشي الثاني التحرك في المدينة من 8:00 الى 9:00 صباحا
و 5:00 الى 6:00 مساءا جدا صعب بسبب الزحمة (المشوار في الاواقات هاذي ياخذ 45 الى ستين دقيقة << في غير الاوقات 15 دقيقة بالكثير)
3- لا يوجد مسجد في المدينة
في مدينة مجاورة يسكن فيها السعوددين خصوصا العوائل اسمها وكنق تبعد بالقطار 8 دقائق ،، السكن احدث (قليلا) وارخص (قليلا) وفيها مسجد
الجامعة
التخصصات اللي يجيها طلاب الدرسات العليا في الجامعة ( فيزياء، علوم حاسب، وتوجد تخصصات غيرها بس الاغلب هنا)
اي سوال انا حاضر وكذلك النادي السعودي في سري مايقصر ( ابحث عن صفحة النادي في الفيسبوك)

• نشر عبر تويتر
• نشر عبر فيسبوك
• نشر عبر جوجل