استفسارات عن مدينة أدنبره

أرجو المساعدة من المبتعثين في ادنبره، احتاج الى انهاء اجراءات السفر قريبا.

ما سبب عدم الرد مع كثرة المشاهدات ؟ هل طلاب ادنبره قليلين او مشغولين بالدراسة ؟

الله يعينكم ويسهل عليكم

واتمنى الرد ولو على بعض الاسئلة اذا ممكن.

نفس اسئلتي وتمنيت ان القى رد ��

اختي انا انتهيت من بعثتي في مدينة ادنبره ولله الحمد .. ايش اسئلتك بالضبط ان شا الله اقدر اجاوبك ؟

ماشاءالله تبارك الله والف مبروك
نفس هذي الاسئله بالضبط

وهل جامعة ادنبره تقبل زوجي لان معدله مقبول
واذا ماتقبله ، في جامعة ثانية في نفس ادنبره ممكن يدرس فيها

^^^

أولا: مبروك التخرج من جامعة أدنبره!

---------

مدينة أدنبره جميله رغم برودتها!
وجامعة أدنبره تصنيفها عالي عالميا وبريطانيا!
------
لآ أتوقع قبولهم المقبول!
راسلتهم زمان ورفضوا قبولي وأنا عندي (جيد)!
الظاهر إنهم يطلبون جيد جدا فما فوق (إلا إذا كان هناك إستثناء لبعض التخصصات فالله أعلم)
-----
عموما جامعة أدنبره تستأهل تحمل تكاليفها مهما كانت لتميزها!

أولا هذا موضوع كتبته اول ما وصلت ادنبره تكلمت فيه عن تجربتي بالابتعاث ممكن يفيدك.
http://www.mbt3th.us/vb/forum66/thread470002.html

بخصوص مدينة ادنبره، المدينة جميلة جدا واهلها لطيفين ولكن يعيبها نقطتين اللي هي البرد و ضغف نشاط النادي السعودي هناك رغم اجتهادهم.

بالنسبة لاجوبة اسئلتي اللي طرحتها بالموضوع الاصلي:
1. انا وصلت ادنبره قبل بداية الدراسة باسبوعين ولكن للاسف كان وقت مهرجان ادنبره السنوي متزامن مع وصول الطلاب وهالشي سبب صعوبة في ايجاد سكن وحتى الفندق اللي اخذته بالبداية قبل ما الاقي سكن كان زحمة واحتجت اغيره مرتين لانهم رفضوا امدد اقامتي لان الفندق كان محجوز بالكامل.
انا وصلت في 1 سبتمبر وشفت الشقة اللي اعجبتني وقررت اخذها في 10 سبتمبر وانتقلت لها في 19 سبتمبر يعني احتجت حوالي 3 اسابيع عشان استقر في سكن

2. السكن اللي اخذته عبارة عن غرفة وصالة وحمام ومطبخ في وسط ادنبره واقدر اوصل للجامعة مشي كان اجاره ب 825 باوند شهريا وكنت اصرف عالفواتير بين 40 الى 80 باوند حسب استخدامنا للتدفئة بالنسبة لحضانة بنتي كانت تختلف تكلفتها حسب الوقت من السنة لاني بالبداية كنت اخليها تروح يومين ونص وكانت تكلفني 350 باوند تقريبا وبالاخير مع الضغط صرت اخليها تروح كل يوم وكانت تكلف حوالي 800 باوند (مع العلم ان هذي الاسعار بعد الخصم لان الحضانة كان عندها خصم خاص لطلاب جامعة ادنبره). احنا بطبعنا اقتصاديين ونحرص اننا نوفر وننتبه لصرفنا لكن بنفس الوقت ما نحرم نفسنا كثير يعني كان زوجي مثلا مشترك بنادي ب40 باوند شهريا وكنا تقريبا كل اسبوع ناكل من برا والحمدلله كانت المكافأة مكفيتنا بالملي بس ما نوفر منها شي ابد.

3. حسب علمي ما فيه فنادق تقدم خصم للنادي السعودي في ادنبره بس زي ما قلت لك نشاط النادي السعودي ضعيف بالمدينة

4. زوجي درس في Edinburgh Language Academy وكان سيء جدا جدا جدا وما انصح اي احد يروح له لانه معهد تجاري بحت وكل يومين مغيرين المدرسين وما يهتمون انهم يحطونك بكلاس يناسب مستوى لغتك.
طبعا زوجي للاسف ما كان عنده فرص يغير معهده لكن حسب ما سمع من زملائه Basil Paterson من المعاهد المشهورة في ادنبره لكن للامانة هو ما درس فيه ولا جرب.

بالنسبة لسؤالك ما ادري اذا يقبلونه او لا بس حسب شروطهم بالموقع ما اعتقد يقبلونه لكن هو ممكن يجرب ويشوف ما يخسر شي. بالنسبة للجامعات في ادنبره هي فيها جامعتين غير جامعة ادنبرة اللي هي جامعة هيريوت وات وجامعة نابيير.
كل الجامعتين موصى بهم من وزارة التعليم لكن اعتقد انهم مو في قائمة الجامعات المتميزة للوزاة لكن ممكن تتاكدين من هالنقطة.

واذا تسمحين لي اقترح عليك تشوفين مدينة شيفيلد اذا انتي مو حريصة على جامعة ادنبره بالذات، انا ما رحتلها بس لما كنت ابحث عن جامعات بريطانيا ومدنها قبل ما اروح كانت من المدن المقترحة لان جوها ادفأ واسعارها ارخص.

- - - مشاركة محدثة - - -

شكرا لك اخي الكهل الطموح والله يبارك فيك ويوفقك

لله يكتب اجرك على الردود
طيب النادي الرياضي ايش يقدم بالضبط
ومعليش كم مكافأة البعثه الي تعطيكم هي لان احنا مثلكم اقتصاديين ويمكن حتى النادي مانروحه ههه
وأولادي كم يعطوهم
ولدي عمره 13
والبنت 9
وولد 4 سنين
والصغي حيكون عمره سنه
انا ناويه احسبها بالملي واضيف عليها اذا قدرت
واولادي الصغار اذا كانو الاثنين في الحضانه مايسوولهم خصم
وبالنسبه لي انا تخصصي دراسات اسلاميه
ايش افضل التخصصات بالنسبه لي
ممكن ابدع في الاديان
في السياحه
في الكمبيوتر
في الجغرافيا
في رياض الاطفال
في التغذيه
في علم النفس
في وحده قالتلي في تخصص عن الحوار بين الدكتور والمريض
حسيت ان حلو
في ادارة المطارات او اي شي في المطار

ايش برأيك ممكن اتخصص فيه وألقى وظيفه حلوه بعدين
ودي بوظيفه حلو زي هيئة الطيران المدني او في وزاره او في مكان تكون رواتبه حلوه وله مميزات

الله يكتب اجرك ويوسع في رزقك يارب

^^^

صقره أحسبيها صح وخليك صقره!
الوضع متوتر وقد ولى زمان الطفره!!
والظاهر ان امتداد التخصص حجر عثرة!!! ههههههه

-------
----

ط§ظ„ظ†ط§ط¯ظٹ ط§ظ„ط³ط¹ظˆط¯ظٹ ظپظٹ ط§ط¯ظ†ط¨ط±ط§ (Edinburgh) – ط¯ظ„ظٹظ„ ط§ظ„ط¯ط§ط±ط³ ظپظٹ ط§ظ„ظ…ظ…ظ„ظƒط© ط§ظ„ظ…طھط*ط¯ط©

===============


على فكرة النادي السعودي نادي اجتماعي بالدرجة الاولى واعضاءه عملهم تقريبا تطوعي لمساعدة وارشاد القادمين الجدد، وكذلك القيام نشاطات أخرى تساعد على التعارف والتآلف والتعاون بين المبتعثين ومرافقيهم! ( مع العلم إن الكثير من النوادي السعودية يغلب عليهم الجمود والخمول)... لذلك الكثير لا يعتمد عليهم بل يعتمد على نفسه...والاعتماد على اللنفس فضيله!!!!!!


==========================



ط§ظ„ظ…ط®طµطµ ط§ظ„ط´ظ‡ط±ظٹ ظ„ظ„ظ…ط¨طھط¹ط« ط¨ط§ظ„طھظپطµظٹظ„ – ط¯ظ„ظٹظ„ ط§ظ„ط¯ط§ط±ط³ ظپظٹ ط§ظ„ظ…ظ…ظ„ظƒط© ط§ظ„ظ…طھط*ط¯ط©

==========


ط¯ظ„ظٹظ„ ط§ظ„ط¯ط§ط±ط³ ظپظٹ ط§ظ„ظ…ظ…ظ„ظƒط© ط§ظ„ظ…طھط*ط¯ط©

===========================

أحسبي لأسوأ الاحتمالات وهو دراستك على حسابك الخاص بالكامل اذا لم تتوفر لديك شروط الانضمام للبعثة بالكامل!

حتى لو انضميتي للبعثة لن يكون دخلك المادي مثل المبتعثة المعيدة والتي الظاهر انه يحسب لها تقريبا ثلث راتبها الاساسي من الجامعة + مكافأة الملحقية الشهرية!

موضوع امتداد التخصص ومتاهاته سأوضحه لك لاحقا في موضوعك الثاني.... لكي لا نزاحم الأخت الكريمة هنا بموضوعها وبما انك فاتحة موضوع مستقل عن وضعك وآمالك العراض!!! هههههه

-------
عذرا للإحباط غير المتعمد للأخت صقره وشكرا مرة أخرى لمؤسسة هذا الموضوع المفيد ان شاء الله.