شرح ممكن تساعدني في اختيار مدينة ومعهد لدراسة اللغة تمهيدا لمرحلة الماستر ؟؟

وعليكم السلام

تختلف التجارب من شخص لآخر .. نصيحتي أبحث عن معهد يوجد به برنامج ( بريساشونال كورس ) وأبدأ معه اللغة العامة ثم اللغة الاكاديمية ثم أكمل الدراسة بنفس الجامعة التي يخدمها

هذي وجهة نظري والله يوفقنا وإياك

وعليكم السلام ورحمة الله وبركاته

كم المدة اللي تتوقع انك تقضيها في المعهد قبل التحاقك بمعهد الجامعة ؟
وسؤال ثاني كيف حددت مستواك؟ هل اختبرت ايلتس من قبل؟ او اخذت اختبار تحديد مستوى؟

قد تكون لغتك مو بالمستوى اللي تتوقعه فلو كانت افضل من ما تتوقع ممكن تلتحق بمعهد الجامعة مباشرة في المدينة اللي تختارها، اما لو كانت لغتك ضعيفة فقد تحتاج تاخذ لك سنة لغة عالاقل عشان تجيب درجة ايلتس تاهلك للقبول في معهد الجامعة. فتأكد انك محدد مستواك بشكل صحيح عشان تقدر تقرر.

جرب تاخذ الاختبار في هذا الرابط، راح تلقى بعض المعاهد يقيمون المستوى بالرموز من A1 الى C2 فعشان تعرف انت اي مستوى

Free English Level Test - How good is your English? Which English exam is right for you?

وجهة نظري الشخصية، جامعة اكسفورد وكامبردج افضل جامعتين في بريطانيا واكيد بيكون القبول فيها صعب لكن هذا ما يمنع انك تقدم عليها لان اكيد شهادتك منها ما راح تكون زي شهادتك من اي جامعة ثانية ولكن على حد علمي ان اكسفورد وكامبردج ما عندهم قبول مشروط او معهد لغة يعني ما راح يقبلونك الا لما تجيب الدرجة المطلوبة بالايلتس بس ماني متاكدة الافضل تتاكد من موقعهم غير كذا كل المدينتين يعتبرون من المدن الغالية فاشوف انه ماله داعي تضغط نفسك ماديا في فترة اللغة على امل انك تقبل في وحده من هالجامعتين. اختار لك مدينة حلوة ادرس فيها اللغة وبعد ما تجيب الدرجة المطلوبة قدم على كل الجامعات اللي حطيتها بالقائمة ولما تحصل على اكثر من قبول اختر المدينة والجامعة الانسب.

وبالتوفيق.

من الاختيارات التي ذكرت، اعتقد ليدز ومانشستر تعطيكم معظم الامور التي تطلعون اليها ،هي:
١. برامج اللغة الانجليزية
٢. السكن لك ولاسرتك
٣. المدارس للاولاد