تجربة معيدة مبتعثة (سبتمبر 2015)

السلام عليكم
مساء الخير ..
عزيزتي حابه استفسر منك
كم أخذت منك موافقة الوزارة ؟
لأن الجامعة حالياً ارسلت موافقتها للوزارة و مضى الآن قرابة الشهر
للأسف إن موعد دراستي قد قرب، و لا أعلم ما العمل !

هو نفسه kings education لتعليم اللغة ؟
لاني ابا اروحه و محتار

السلام عليكم .. بخصوص ادنبرة .. انا جاني قبول فيها بس ابغا اسال عن الجامعة و المدينة بشكل خاص ..

١- الجامعة صعبة دراستها جدا؟ ولا صعبة مقبولة؟ انا جدا جدية بس ما ودي اروح و اقعد في توتر لما اتخرج..
صعوبة الجامعة تكمن في اختلاف اسلوب التدريس عن ما تعودنا عليه في جامعاتنا السعودية فهي تعتمد بشكل كبير على الSelf Learning فليس كل ما تقيمين عليه تكونين قد درستيه في المحاضرة بالضرورة. ولكن اذا كنتي مجتهدة فلن يكون هذا عائق بالنسبة لك بإذن الله

٢- كيف المدينة معاكي ؟ تملل ؟ كبيرة او صغيرة؟ الجو برد مقبول ولا لا يطاق (الوالد بيرافقني و شايل هم البرد) .
المدينة هي عاصمة اسكتلندا ففيها جميع الخدمات اللي ممكن تحتاجينها ولكنها في نفس الوقت صغيرة الى حد ما وهادئة فهي من هالناحية اشبه بالقرية وهذي ميزة لا تجدينها في كثير من المدن. بالنسبة للبرد هي باردة طوال السنة باستثناء اسبوع ولا اسبوعين بالسنة. جميع الاماكن المغلقة والبيوت يكون فيها تدفئة بالتالي دايم تحتاجين تلبسين لبس صيفي خفيف وفوقه جاكيت ثقيل وقت الخروج. بصراحة انا تعودت على البرد بسرعة ولم انزعج منه ابدا ولكن اهلي كانوا لما يزوروني ينصدمون من شدة البرد ويقولون ليش ما قلتي لنا نجيب ملابس اثقل.

٣- كيف اسعار المدينة ؟ انا قريت الراتب مع حق المرافق تقريبا حوالي ٢٠٠٠ باوند في بريطانيا. هل يكفي و بزيادة؟ او مرة مقسطة على عمرك ؟ خصوصا السكن. الشقق الي لقيتها الي فيها غرفتين ارخص شي كان حوالي تقريبا ٦٥٠-٧٠٠ باوند في الشهر. (يعني نهاية الشهر يبقا شي savings ؟ ) .
تعتبر الاسعار متوسطة، انا اخذت شقة غرفة وحدة جنب الجامعة ب825 بالشهر بالاضافة لحضانة بنتي كانت تكلفني من 800 الى 900 باوند والباقي لبقة المصاريف وكان يكفي واحيانا يزيد. ما أشوف اني كنت مقسطة على عمري كثير كنا تقريبا اسبوعيا نطلع سينما او عشا وكان زوجي مسجل في نادي صحي .. فالمبلغ يروح منه جزء للترفيه مو كله لتغطية الاساسيات فقط وهو بالاخير يرجع لك ولاحتياجاتك وطريقة صرفك.

٤- المواصلات كيف ؟ هل لو أأجر/اشتري سيارة افضل لي او اعتمد على المواصلات العامة؟
اذا كنتي ساكنة قريب من الجامعة ما انصحك تسوقين نهائيا لان الباص بيكفي حاجتك وزيادة، انا جلست هناك سنة وما احتجت اسوق لاني كنت قريبة جدا من الجامعة ووسط المدينة وجميع الخدمات قريبة. بالنسبة للباص ممتاز واستخدامة سهل وممكن تستخرجين بطاقة باص شهرية بمشاوير مفتوحة وعندهم عليها خصم خاص للطلاب.

٥- كيف المدينة مع المسلمين؟ فيه عنصرية ؟ وهل فيه مساجد ؟
وقت وجودي ما لاحظت ولا تعرضت لاي عنصرية وبالعكس المسلمين منتشرين بشكل كبير وفيها اكثر من مسجد اهمها مركز الملك فهد الاسلامي وهو مقابل الجامعة تماما.

مسرع ما مرت الأيام
شكرا لكل من نفعني بمعلومه , بنصيحه وفائده

تو اشيك على ايميلي وجاني تنبيه بمشاركه جديده على الموضوع

الله يذكرك بالخير يا صاحبه الموضوع A Sharp ويذكر الكل بالخير وأخص الأخت ليان27

وابشركم تخرجت وإن شاء الله ناويه اكمل دكتوراه السنه الجايه

دعواتكم وشكرا لكم على كل ما تقدمونه في هذا المنتدى