حوار رخصة السواقه للمبتعثات في بريطانيا

February 18th, 2016, 05:32 PM

السلام عليكم جميعا
الهمزه م ادري وينها اليوم ف راح يكون فيه شفرات ب الكلام تحت

انا اخترت اتكلم عن المبتعثات تحديدا لاني منهم و لاني كنت ابحث عن موضوع الرخصه بالنسبه لنا و مالقيت اجابه

طيب
من اهم شروط الرخصه:
1-لازم تكون 17 و اكثر
2- تكون موجود ببريطانيا لمدة لا تقل عن 3 سنين
و غيره ممن الشروط النظاميه المعروفه
نبد بالجد:

اولا:لازم يكون معك provisional License
اللي هي موقته
طيب كيف تحلصين عليها؟
عندك طريقتين
1- تروحي اقرب بوست اوفس و تاخذين فورم اسمه D1 تكملينه و تدفعين الفيز و ترسلينه الي DVLA, Swansea, SA99 1AD.
مكتبهم في سوانزي
2- اونلاين - طبعا اسهل - رابط التسجيل موجود تحت
https://motoring.direct.gov.uk/servi...AP&_nfls=false

3- وصلت رخصتك الموقته
اقدر اسوق فيها : اي نعم تقدرين
بس لازم يكون معك شخص عنده رخصه من بريطانيا لا تقل مدتها عن 3 سنين و عمره فوق 21 سنه
اقدر اسافر فيها : مع الاسف لا، ممنوع استخدامها في الطرق السريعه خارج المدن.

ووش بعد
4- تواصلي مع اقرب مدرسة سواقه لك موجوده اعلاناتهم في كل مكان
! نصيحة لا تدفع اونلاين لهم او على الجوال، قولي ابي ادفع للمدرب/ه في السياره
ليش؟ لان غالبا ما يرفعون السعر عليك


!اشتري بكج ساعات مثلا 10 ساعات سواقه مع المدرب/ه
اغلب المدارس توفر اول ساعه ب سعر رمزي
ما يمنع تجربين ادا ارتحتي، كملي و اشتري بكج كامل.


كم يكفيني وانا م سبق لي جلست خلف عجلة القياده؟ يعتمد على العمر و التركيز بس ب شكل عام بحدود 15 ساعه كافيه لاجتياز الاختبار


الخطوه المهمه*
اولا:
اختبار Theory Test
سعر الاختبار: 23 باوند

بعد م تجيك الرخصه ادخلي اونلاين احجزي موعد لاختبار الثيوري في اقرب سنتر منك.
من هنا تحجزين ///

https://www.gov.uk/book-theory-test

وشهو طيب ؟ هو عباره
- عن 50 سوال اختياري
-و 14 مقاطع صغيره

درجة النجاح 43 من 50 بالجز الاول
الجز الثاني : 44 من 75
الجز الاول: يبي لك مذاكره من قلب، لانه مو سهل. بس فيه رابط راح ازودكم فيها تقريبا اغلب الاساله منها
الجز الثاني: لعشاق القيم راح يكون سهل جدا لان فقط اذا حسيت ان فيه خطر قادم تنقرين المواس و انتهى.

FREE UK Driving Theory Test Practice: DVSA Mock Theory Test!

الرابط اللي فوق موقع توب تست من اهم المواقع اللي استفدت منها ..


ثانيا:
بعد ما ربي يفتحها عليك و تنجحين
نجي للخطوه الجميله جدا: the practical test

https://www.gov.uk/book-driving-test

احجزي موعد لاختبار السواقه العمليه من الرابط اللي فوق في اقرب سنتر لك اذا تحبين
طيب المواعيد حيل بعيده وانا جاهزه: اوك
احجزي و رسومها 64 باوند
عندك ست فرص تقدرين تغيرين حجزك
طيب ؟ شيكي شبه يوميا من 6 - 11 ونص ليلا راح تلقين اختبارات اقرب لان غيرك كنسل اختباره او اجله .. فرصتك ..

الخطوه الاخيره:
جا وقت الامتحان ووش اسوي؟
تكونين معطيه خبر لمدربك/مدربتك ان يوم اختبارك كذا و بالوقت الفلاني
طبعا يآجرك سيارته/ا ب مبلغ و قدره غالبا 80 باوند
تروحين معه/ها الى مكان الامتحان

مع الاكزامنر؟
show me and tell me
الجز الاول

يطرح عليك اساله من اهمها./ تقرين لوحة سياره بعيده عنك ب 20 متر تقريبا
و يسالك عن اجزا السياره مثلا وين زيت السياره و كيف نتاكد ان القير يشتغل .. الخ



رابط من اليوتيوب يشرح لك كيف ب يكون اختبارك.. ما نبي نسميه اختبار ب نقول تجربتك لانها من اجمل التجارب حقيقة


و اذا خلصتي راح يخبرك اذا نجحتي او لا لا يسمح الله > محدثتكم رسبت مره.


و بكذا تحصلين على الرخصه الكامله اللي تاهلك تسوقين السياره ب اي مكان حول بريطانيا و ممكن تاخدين انترنشال اذا قدمتي على ذلك..

طيب رسبت ؟ عادي انا قبلك
انتظري 10 ايام عمل
و احجزي مره ثانيه و اهم شي تحطين خبر عند المدرب/ه لانك راح تستاجرين سيارته/ا و راح يكون معك بسنتر الاختبار

طيب سيارتي موجوده و ابي اتدرب عليها:

حلو ، احجزي مدرب/ه او احد معه رخصه كامله اكثر 3 سنين
و لازم السياره تكون تحت الانظمه ؟ كيف
١- تدفعين الروود تاكس
٢- MOT
٣- تامين على السياره ( الله على الاسعار ) تجلط بما انك متدربه جديده
٤- سليمه معافاه من اي صدمات او عطل ( حاله جيده)ر
تقدرين ايظا تختبرين بها اذا تبين.


و ادري اني تقرير مختصر لكن حبيت اوضح الفكره لاي مبتعثه و انتبهوا انتبهوا من اي فرد/ شركات تستتغلكم و تقول حنا نقدم لك ب مبلغ و قدره .. ؟
الموضوع سهل تقدرين تسوينه ب نفسك و نظاميا ..

اي اساله يسعدني اجاوبكم عليها ..
و لاتحرموني دعوااتكم احبتي ..

• نشر عبر تويتر
• نشر عبر فيسبوك
• نشر عبر جوجل