دراسة الماجستير في بريطانيا

السلام عليكم
عليكم السلام و رحمة الله و بركاته

أنا ابي اكمل دراسه ماستر لكن معدلي 3.45 من 5 هل بقدر أقدم لمن يفتح التسجيل بالبعثه او السستم رح يرفض اني اكمل التسجيل لان معدلي مخالف للشروط؟
راح يرفض لأنه المعدل المطلوب 3.75 من 5

واذا لا ما أقدر هل أقدر ادرس على حسابي لغه واقدم على البعثه ولا لازم أدرس ساعات على حسابي بعدين احول؟
لازم تدرس بالجامعة ويكون معدلك جيد وما اعلاه وكم ساعه اذا بنظام الكورسات؟ 9 ساعات جامعية

وكيف ببدا اقدم ، اقدم على الجامعه اول او المعهد؟ ماني عارفه ايش الطريقه ولا اعرف احد شخصيا يقدر يساعدني

كلهم نفس شي المهم أن التأشيرة ما تأخذها إلا بقبول جامعة

هل اقدم على شي الحين قبل يفتح التسجيل حق البعثات ؟
وانت شدخلك في البعثات؟؟ روح خذلك قبول جامعة وطلع تاشيرتك وادرس على حسابك ويوم تخلص 9 ساعات جامعيه سو طلب تحويل من طالب دارس على حسابه الخاص إلى برنامج خادم الحرمين الشريفين للابتعاث الخارجي بعدين يطالعون في ملفك ومعدلك وبإذن الله يوافقون
(علمآ بانه يوم تأخذ تاشيرتك وقبل ما تسافر افتح ملف طالب دارس على حسابه الخاص)

وابي اكمل ببريطانيا بجامعه معتمده مثل كامبريدج او وارويك
الجامعات تقدر تبحث عنها في موقع وزارة التربية والتعليم العالي>سفير>الجامعات الموصى بها
اما بشأن الجامعات الي انت ذكرتها ما تقبلك مع الدرجة الي انت حاصل عليها إلا بالحظ

واذا احد يقدر يفيدني بمعاهد ممتازه هناك؟
أي معهد معتمد من British Council معترف فيه

وتقريبا كم بتكون التكاليف للمعهد والسكن لمدة تقريبا 6 اشهر؟
تختلف على حسب مصروفاتك و المدينة الي انت ساكن فيها ولكن المعهد يتراوح من 40 الف إلى 80 الف ريال سعودي ولكن المتوسط السعر للمعهد هو بين 56 إلى 64 الف ريال سعودي لمدة 6 أشهر وكما قلت يختلف التكاليف على حسب المدينة ومصروفاتك بس بإذن الله راح تتعدى عن 100 الف لمدة 6 أشهر

بليز افيدوني لان ماعندي خلفيه على اي خطوه للتقديم
عادي مو لازم يكون عندك خلفية ولكن لازم تتعلم حالك حال أي شخص احنى بدينا واحنى ما نعرف شي وتعلمنا ولحد يومنا هذا مو متعلمين الي فيه الكفايه لأنه الشخص ما يولد وهو متعلم الشخص يولد وهو يتعلم

وشكرا
العفو