طلاب ابتعاث النخبة، والكل اريد مساعدتكم

انا لست من طلاب النخبة لكن بحثت عن شروط القبول من جامعة Imperial college London
اولا الثانوية العامة السعودية لا يعترفون فيها فيجب دراسة سنة تحضيرية من مكان معتمد مثل Warwick IFB و UCL UPCSE هذي المعاهد في بريطانيا أما بخصوص الدول الأخرى فلديهم الكثير من الخيارات الا السعودية ليست من ضمن القائمة، و هذه احدى العوامل، العامل المهم أيضا اللغة الإنجليزية اختبار الايلتس يفضل يكون ٧ و ما فوق، لكن جامعة امبيريال يطلبون ٦.٥ وما فوق في تخصصات الهندسة، العامل الثالث عند التقديم من UCAS سيطلبون منك نبذة ذاتية (Personal Statement) فهم مهتمين أيضاً بشخصيتك و شغفك للدراسة.
و حاليا سيتم قبول المتقدمين الى السنه 2019 فلديك اقل من سنة لتلبية هذي المتطلبات و التقديم قبل شهر May القادم. أما بخصوص الدراسة في 2018 فتم اغلاقها.

انا ثانويتي علمي مقررات و النسبة 97 و الايلتس 6,5 و قدمت على جامعات في استراليا و لم يقبلوني الا بقبول مشروط. فقلت اجل افضل عشرين جامعة كيف بيقبلوني قبول غير مشروط؟
يمكن يستثنون اللي جايبين ايلتس عالي 8 ولا 8 ونص مادري والله اللي فهمت ان السنه التحضيرية جدا مهمه حتى بالجامعات السعوديه غصب عنك تدرس تحضيري لو جبت ١٠٠ ما تفرق.
الله يكتب اللي فيه الخير حاليا انا متوجه لبعثتك وظيفتك و بعدها يمكن انقل لبرنامج النخبه لمن احصل قبول بالجامعات العشرين بعد م اخلص سنة التحضيري عن طريق بعثتك وظيفتك.

اشكرك على الرد.

رجعت قريت شروط ابتعاث النخبة ، ومكتوب تجيبين قبول من افضل 20 جامعة الموجودة بالموقع.
او افضل 20 جامعة بتخصصك !

انا ابي بكالريوس هل ابحث عن الجامعات اللي فيها تخصصي؟ وتكون معتمدة؟

احترت ايش نسوي من ايش نجيب القبول،
و انا باذن الله راح اقدم ايلس .. وراح اجهز له واجيب درجة زينه
لكن بس يعتمدون على الايلس؟ و اول شي ندرس المعهد اللي يبون درجة منه وبعدها نقدم على الجامعات عشان يقبلوننا؟

انا والله ماعندي خبره واصغر التفاصيل العادية راح تفيدني جدا

و هل هذه الجامعات الي حددتها تطلب قبول ايش؟ مشروط او غير مشروط

طيب ليه م تقدمين على وظيفتك بعثتك دام التسجيل مفتوح.
لان النخبة مفتوح طول الوقت فمايحتاج تستعجلين عليه أما وظيفتك بعثتك فهو اكثر واقعية و تقدرين تحصلين قبول من افضل الجامعات العشرين أو المئتين بقبول مشروط و م يطلبون ايلتس حاليا كل اللي يبونه درجات الثانوي و اختبارات قياس، لكن اختبري ايلتس فاقرب وقت و اختبريه مرتين الاختبار الاول بيكون ك تجربة و الثاني بيكون أكثر جدية. المهم احب اوضح ان وظيفتك بعثتك هو الطريق الصحيح للوصول إلى برنامج النخبة لان القبول الغير مشروط يتطلب مننا دراسة سنة تحضيرية ثم التقديم على أفضل ٢٠ جامعة.

بعد م تختارين تخصصك و مسارك فبعثتك وظيفتك وقتها باشري فالتقديم على جامعات امريكا و بريطانيا من قائمة ال٢٠٠ جامعة موجودين فالموقع الرئيسي و حاولي تنقبلين قبول مشروط عشان تدرسين التحضيري و برنامج الابتعاث م بيمانع من هذا الشي ثم إذا خلصتي التحضيري وقتها تقدمين على ٢٠ جامعة و اذا حصلتي قبول تقدمين على النخبة و تكملين معاهم

اول خطوة كنت اتمناها كان وظيفتك بعثتك ، لكن للاسف سنة التخرج الثانوي اقل بسنة فقط من المطلوب
مع ان كل شي ممتاز , لربما بالامر خيرة.

لكن هل تقصد بان برنامج النخبة ليس واقعي؟ يعني مستحيل احد ينقبل فيهم؟ ليش

سنة تحضيرية؟؟ مو الشرط الوحيد اني اجيب ايلس؟ من غير شروط وظيفتك بعثتك طبعاً

طيب كيف ادخل جامعات النخبة بامريكا