إلى طلاب بريطانيا

حياك الله اخوي

اول شي الف مبروك على القبول بالبعثة وان شاء الله ترجع رافع راس اهلك

عزيزي اول شي تسويه اشعة لصدرك عن مرض الدرن تاخذه من المستشفى واذا فيه تقرير عن الاشعة افضل لك

الشي الثاني قبل تجي لبريطانيا تأكد من المعهد متى يبدأ ولازم تتصل عليهم وتتأكد من سكنك وعنوانه افضل لك سواء عند عائلة او سكن طلاب

شغلة مهمة صور شخصية كثر منها مكشوف الرأس وبعد صور الوثائق كلها من بطاقة أحوال وجواز وبالنسبة للملحقية عندهم ماكينة تصوير يعني ممكن تستعين فيها لتصوير الفيزا مع ختم الدخول

طبعا الشهادة لازم الاصل مترجمة للانجليزية بس ما ادري عن اختبارات القياس وهالشغلات ان شاء الله الاخوان المبتعثين بكالوريوس يعلمونك

الملحقية يمديك تخلص منها بيوم اذا جيت بدري ومثل ما قلت لك اهم شي عنوان السكن اذا معاك ترتاح كثير مع انهم بصراحة بعضهم بطيئين بقوة ذاك اليوم تمنيت لو انا اللي ادخل بياناتي بالكمبيوتر ناس ميتة بصراحة وتحس ان اغلبهم قريب متعينين ما يعرفون كثير من الاجراءات بس ان شاء الله تتسهل هم بصراحة متعاونين

صرف المكافئة تبدأ من تاريخ وصولك لبريطانيا وما يصرفونها الا نهاية الشهر ما ادري اذا انت بيصرفونها لك على طول اذا جيت او بيصرفونها الشهر اللي بعده

بالنسبة للمصاريف والله شف حاول يكون معك اكثر شي تقدر عليه وهي بصراحة تعتمد على صرفك وعلى المدينة اللي انت رايح لها وبلدتك ما ادري عن اسعارها لكن اذا مضبط امور السكن قبل تجي وتأكدت بنفسك من الجامعة او المعهد ان شاء الله ما تصرف كثير لكن لو مثلا 1000 باوند حلو يمكن تعتبر كثيرة ويمكن قليل تعتمد عليك وعلى الظروف وخل مثلا معاك ماستر كارد للحاجة فيها فلوس

هذا اللي عندي واتمنى اكون افدتك ولا تشيل هم كثير ان شاء الله تتسهل امورك واذا فيه اي سؤال احنا بالخدمة