يا مبتعث لا تبطل دراسة وترجع للديره

July 16th, 2008, 07:54 PM

السلام عليكم ورحمة الله وبركاته
الحمد لله رب العالمين والصلاة والسلام على أشرف الأنبياء والمرسلين أما بعد .........

حصل في الأونه الأخيره حالات والله ما هي في مدينتي اللي أدرس فيها بس و إنما عدة مدن بريطانية
واللي هي رجوع الطالب الى السعودية بالعاميه (ما أعجبه الوضع )
والله ما ألوم إدارة البعثات في بريطانيا الفترة هذي يلحقون أي واحد في البعثة بدون ما يستقعدون له (الحاق بالبعثة يعني جاي دارس على حسابه بعدين يدرس على حساب الدولة )
والله يا عندي ناس في سكن الجامعة ما كملوا يومين الا وهم راجعين والله حرام عليهم كان من أول قال ما أبغى البعثة وأعطى الفرصة لغيره
صح إن الحياة صعبة ويبيلها حبال ورجال ومشاكل وناس يتمحرشون فيك على الطريق قدام الله وخلقه
بس يقولك يعرف الرجال عند الصعاب

الحمد لله على نعمة التي أنعم الله بها علي كأني ولله الحمد في السعودية لا غربه ولاش الحمدلله
واحد من الشباب كاتب رد يمكن أكثركم شافه يقول فيه (إن الواحد اذا شاف سعودي كأنه يشوف جني )
أنا عرفت قصده هو يقصد إن أول سؤال يسأله الواحد اذا يبي يجي بريطانيا
يقول هاه المدينة فيها سعوديين كثير ؟
والله ما ترتاح الا اذا كنت مع سعوديين اذا جلست لحالك والله إن تهلوس وترجع مع من رجع الى الديرة
و إن كنت تبي لغة والله ما حد بيجيك بيلقمك الى عندك
و إن قصدك تبي تجلس في غرفة في سكن الجامعة وتكلم اللي ساكنين حولك ( الأجانب ) والله ما تلاقي أحد وإن لقيت تلاقي نفسك أحسن بمليون مرة منه
فالواحد لا قال سعودي لا يتنرفز والله ما يخدمك الا هو والله ما يعلمك الأماكن الي ينصحك تروح لها الا هو
وما يحذرك من الأماكن المشبوهه الا هو بعد الله عز وجل

• نشر عبر تويتر
• نشر عبر فيسبوك
• نشر عبر جوجل