دراسة الطب في ايرلندا......

مرحبا أختي ..
وش تنصحيني بمعهد لـُغة مُمتاز في Dublin ؟

الله يجزاك خير ؛
.

الله يعطيك العافيه ....
لو نطلع من الدراسة والجامعة .... الوضع هناك كيف من ناحية .............
المطاعم وهذا اهم شي ...
الانترنت ..... تلاقيه موجود عند العائلة او لازم حجز وتاخير...
النوادي ... خاصة العاب الدفاع عن النفس ...

التنقل هناك كيف .... القطارات والباصات 24 ساعة او يحصل تاخر على المعهد والجامعة ..
ولو ابغى امتلك سياره اقص رخصه وخلاص او فيه اجراءات ثانية للاجانب ....
وهل هي ضرورية ان الشخص يكون عنده سياره اومو لازم ..... ( اكثر الشباب على الحديد ....)

thanks .....

.>>>>> كل امس وانا جالس احفظ كتابته <<<<<<.....

السلام عليكم
عن اذنكم عندي كم سؤال

اذا ابغى اقدم على جامعة Trinity College Dublin
هندسة ميكانيكية
احد يعرف كيف طريقة التقديم
شكرا

مرحبتين...

ماعندي الخبره الكافيه ...بس من خبرة زملائي ... American college اختيار جيد ^^ وكلهم يمدحونه ...

وهي كلية ..بس يقدمون لغة ..

وها موقعهم ...

http://www.amcd.ie/

يامرحبا بك...

دبلن ..مدينة هاديه وعريقه ...وامنه ... ومعاملتهم للعرب جيده وافظل من البريطانيين ..بحكم كثرة الجاليات عندهم ...

والمطاعم الحلال متوفره ...مطاعم ايرانيه ولبنانية ومصرية ...وغيرها يعني لاتخاف ...

والنوادي ماعندي الخبره الكافيه بس انا سرت gym لفترة ...

بس الي اعرفه الشباب يسيرون ويلعبون كرة يعني فيه نشاطات ...^^

والانترنت ...لاتحاتي ...علا حسب العايله انته تقدر تطلب بس انا افضل الوايرلس مثل clear wire جيده جدا والاسعار ممتازة ...تتصل فيهم وياخذون منك المعلومات ويوصلون الجهاز خلال يوم ... وافظل من الارضي والوايرات واسعارهم اغلا بكثير...


وبالنسبة للتنقل...الباصات العمومية افظل الحلول دائما ...بالعكس تصل اسرع من السيارات في معظم الاحيان ... والباصات ماتتاخر ابدا ..بشكل متتالي... وكلها تنزلك في الداون تاون بحدود 15 دقيقه ..

ومواقف الباصات متوفرة في كل سكه من سكيك دبلن ... و الباصات لها طريق خاص عشان جي توصل قبل السياير االي تعلق في الزحمه يوميا ... وبالنسبه للسياره الطلاب معدودين الاصابع الي عندهم ..ممكن تحتاجلها عقب يوم تدرس سنه 2 و3 طب ...يوم يكون دوامك في مستشفيات خارج دبلن ^^

والليسن ...تقدر تطلعه من السعودية ... عادي الرخصه الدولية تقدر تطلعها من اي مكان السعوديه ولا دبلن .. ^^ ...والسيارات اتوقع اجراءاتها عاديه وعندنا طلاب بسيايير بارقام الامارات والكويت بس طبعا مخالفين ^^

وانشالله افدتك ...

تحياتي ^^

وعليكم السلام والرحمه

اذكر يوم كنا نقدم عالجامعات ...جامعة الترنتي طلبو منا الحضور الشخصي للمكتب وتسليمهم الفورم الي مليناه ..بس طبعا مابيطلبون هالشي منك لانك non-EU student ومب متواجد في دبلن

وهاي شعبة التسجيل والقبول ممكن تفيدك تقدر تتصل فيهم في فترة الدوام وتسالهم

http://www.tcd.ie/Admissions/

وانته undergraduated اكيد ... ^^


تحياتي

الف شكر

تحياتي

American college

الله يعطيك العافية ..
أمم، بس سُؤال - لا هنتي - بالنسبة للغة الإنجليزية في إيرلندا ..
اللكنة المُستخدمة بريطانية أو أمريكية ؟

وبالتوفيق للجميع ؛
.

لاشكر علا واجب ^^

ويعافيج ^^

الaccent في ايرلندا هي اللكنة الايرشيه ...المعروفه جدا ...يتكلمون بطريقة مختلفه تقريبا لا هي بريتش ولا امريكان ... بالنص ..كريهه شوي لوول بس تتعودين عليها ...واهون من البريطانيين وايد ...

check it out من اليوتيوب كتبي irish accent وسمعيها

^^ تحياتي