۩۞۩ ملتقى طلاب وطالبات مدينه وجامعة هيرتفوردشاير(hertfordshire) ۩۞۩

جزيل الشكر للكل على هذه الردود الطيبة .... بالنسبة للمدينة اعتقد انها مناسبة للدراسة مثل ما أسلفتوا والمشكلة الأخرى ان المدن المزدحمة تكون خطرة في معظم الأحيان والله أنا درست من قبل في بريطاينا في قرب بلاكبول وتعال شوف الهواشة والعصابات هناك الله .... البكس كل يوم يجينا الواحد منتفخة عينة هههههه لكن طبعا الواحد يشوف وين يروح ..... في بعض هذه المدن بصراحة الواحد ما يأخذ راحته وما دام لندن قريبة من هذه المنطقة فهذي ميزة جميلة جدا .....

عموما الله يوفقكم في الجامعة الجديدة وان شاء الله هذا التغير يكون من صالحكم ولكن عن نفسي بصراحة من المعلومات الي قدمتوها عن هذه المدينة فانا بصراحة احبذ ادرس فيها وان شاء الله بنزوركم بعد

أخي النعماني

انت طالع على حسابك الخاص ؟


وما هو التخصص اللي حاب تدرسه ؟


وكيف تم اختيار هذه الجامعة؟ على أي أساس ؟

يسعدلي صباحك يامحمد ,,
جى على بالي امس انك تعمل تقرير متكامل عن جامعة هيرتفوردشاير, من حجز تذاكر السفر من السعودية لــــــــــــين يومك الأن
اسم اقرب مطار للجامعة؟
اسعار تذاكر السفر؟
انواع السكن الخاص بالجامعة؟ وايش افضلهم من وجهة نظر؟
المواصلات من السكن للجامعة؟
المواصلات من المطار للسكن؟
اسعار السكن؟
تكلفة الحياة تقريبا في الشهر كم تكلف بالسعودي؟ من وجهة نظرك
ايش كمــان ...
ياااربي ساعدووني اتذكر اسئلة مهمة تفيد كل مبتعث
امممم
ايش الاجراءات الرسمية اللي لازم تتبعها من لحظة وصولك المطار؟
كيفية التسجيل في الملحقية السعودية؟ وكذالك القنصلية السعودية؟
تكلم عن الجامعة وخدماتها؟ والعرب الموجودين فيها هل يجتمعون مع بعض ؟يساعدوون بعض؟

وذا جى بعد في بالي كم سؤال ,بعدين اقولهم

ايش قصة Council Tax Exemption Certificate
؟؟؟؟؟
ايش الاجراءات اللي نتبعها عشان ناخذهاا؟؟ تاخذ أيــام ؟؟

يسعد مساكم جميعا
في البدايه احب اعرف شىء مهم هل بتدرس لغه او بتدخل الجامعه على طول واذا بتدرس لغه هل بتدرس في الجامعه (UH) او في المعهد (HIBT).
راح احاول اجاوب على الاسئله بالترتيب
اسم اقرب مطار للجامعة؟
مطار هيثرو بلندن
اسعار تذاكر السفر؟
تعتمد على حجزك على اي خطوط وعلى اي فئه وعلى الموسم ما اقدر اعطيك سعر محدد.
انواع السكن الخاص بالجامعة؟ وايش افضلهم من وجهة نظر؟
الجامعه لديها مجمعين سكنيين واحد منها جديد(de Havilland campus)والاخر اقدم منه طبعا لك الخيار بعدما توصل انك تشوف الاثنين وتختار منها حسب اللي يناسبك ممكن تبحث عن عائله او سكن خاص خارجي اذا لك رغبه طبعا لغير العوائل انا انصح بسكن الجامعه لانه آمن وداخل الجامعه . ضروري اعرف اذا بتدرس في المعهد او الجامعه لان عليها راح تتحدد خيارات السكن داخل الجامعه.(يجب ان تستفسر من الجامعه عن امكانية السكن في تاريخ وصولك لان اذا ما حجزت احيانا توصل وما تلقى سكن داخل الجامعه).
المواصلات من السكن للجامعة؟
اذا سكنت في السكن الجديد فيه باص مجاني من والى الجامعه بالنسبه للاقدم ما تحتاج مواصلات لانه قريب او بالاحرى داخل الجامعه.
المواصلات من المطار للسكن؟
ممكن تستخدم القطارات بس اذا ما عندك خبره راح تكون صعبه عليك شوي خصوصا اذا معاك عفش انصحك تاخذ سياره خاصه وتعطيها اسم المدينه و رقم صندوق البريد
(hatfield AL109BT) وبعدها يوصلك بحدود 65 باوند للجامعه
طبعا تقدر تطلب سيارة من لمطار اول ما تنزل رح لاستعلامات المطار ويعطونك ارقام الشركات الخاصه بالتوصيل او اتفق مع الجامعه يستقبلونك في المطار بنفس السعر تقريبا.
اسعار السكن؟
اتوقع انها موضحه في رسالة القبول بالتفصيل بس لاتسكن عندهم الين تتاكد من السعر بالضبط والمده.لان الدفع عندهم للفصل كامل ماهو بالشهر او الاسبوع ممكن تدفع حق فصل كامل ومدة الدراسه اقل بكثير اتمنى تتاكد من هذه النقطه.
تكلفة الحياة تقريبا في الشهر كم تكلف بالسعودي؟ من وجهة نظرك
من وجهة نظري انها تعتمد على الشخص نفسه بس احب اطمنك ان المكافأه راح تكفيك اذا تجنبت المصاريف الزايده (اللي مالها داعي)
ايش الاجراءات الرسمية اللي لازم تتبعها من لحظة وصولك المطار؟
طبعا تروح للملحقيه حتى لو اضطريت للسكن في لندن وتكمل اوراقاك هناك تحتاج منك يوم كامل ويستحسن لو معاك احد يعرف المنطقه عشان تسهل عليك كثيروبعدما تخلص من الملحقيه تروح على طول للجامعه ومعاك اوراقك وتبدا دراستك الله يوفقك
كيفية التسجيل في الملحقية السعودية؟ وكذالك القنصلية السعودية؟
بالنسبه للتسجيل في الملحقيه خذ اوراقك كاملة معك لا تترك شىء ورح للملحقيه وهم هناك راح يعلمونك كل شىء ويفتحون لك ملف ويرسلونك على المشرف حقك بس خل اوراقك ومن ضمنها صور لك وقبول الجامعه وشهادتك واثباتاتك . ولا تنسى تسجل جوازك في الملحقيه بعد
تكلم عن الجامعة وخدماتها؟ والعرب الموجودين فيها هل يجتمعون مع بعض ؟يساعدوون بعض؟
بالنسبه للجامعه الكلام عنها يطول عموما الجامعه مستواها او تصنيفها متوسط فيه مرافق كثيره
مكتبه ومعامل انترنت وصاله رياضيه وملاعب ومركز طبي ومطعم وعدد الطلاب فيها تقريبا يتجاوز ا لعشري الف طالب من جنسيات مختلفه فيها عرب وسعوديين فيهم الخير وما يقصرون مع احد واذا تحب تفاصيا اكثر عن الجامعه ادخل على هذا الرابط
http://www.herts.ac.uk/
بالنسبه ل Council Tax Exemption Certificate
ماعندي عنها اي خلفيه
اتمنى اكون قدرت اغطي ولو نسبه بسيطه من استفساراتك
طبعا احس ان اجاباتي عامه نوعا ما اذا فيه نقطه معينه تحب نفصل فيها اتمنى تقولي عليها وانا اكتب لك بالتفصيل في اي وقت .
واتنمى لك التوفيق ان شاء الله

أخوي صمت الغربة عفوا توني انتبه على سؤالك

انا برأسي 3 تخصصات دقيقة ولا واحد في جامعتنا وهذا اللي مخليني انوي أطلع

ولو انك سلطان كان قلت لك وش التخصصات هههه

اللي سألت عن حقت الضرائب والله فيه أشياء كثيرة ببريطانيا عروضات وبطاقات واعفاءات لكن ماني من النوع اللي يدوخ رأسه بهن وفيني شوي عرق سوداني وكسل

نصيحة للبنات

حاولن ماتجن الديرة لأنها طفش وعلى ما أعرف فيه عائلة او عائلتين سعوديات بس

والله يوفق الجميع واي سؤال الشباب مايقصرون ان شاء الله

شكراً اخواني على الردود والمعلومات القيمه

ولاتحرموا من يحتاجون مثل تلك المعلومات..

لاتنسوا ذكر الله والاستغفــــــــــــار..

مشكوووور أخوي محمد
يعطيك ألف عافية والله انك وفيت بكل اللي يدوور في بالي للأن, بس الله يعينك كل شوي ناطه لك بألف استفساااار
الله يعطيك طووولة البال وتتحملني

على فكره انا راح ادرس وامتحن الايليت في السعودية وبعدها برووح على طووول ادرس ماستر في الجامعة
بس دعواااتكم اعدي الامتحان واجيب الدرجة المطلوووبه 6 ..