۩۞۩ هنا جميع المعاهد المعترفة لبريطانيا واستفسارات المعاهد ۩۞۩

السلام عليكم ورحمة الله وبركاته

لو سمحتوا لو ممكن تفيدوني بمعاهد اللغة الموصى بها في مدينة مانشيستر in writing
علما بأني مستواي اللغوي متوسط و أود في أن ألتحق بمعهد اللغة بمانشيستر لتحسين مستواي الانجليزي عامه والمستوى الكتابي خاصه لأني أختبرت الايلتس وكان عند نقص في القسم الكتابي
أكيد أنا كل كلامي عن Academic English و ليس General English
علما بأنني سوف أدرس اللغة لمدة شهرين فقط

فأرجوا توجيهي ولكم جزيل الشكر والتقدير

السلام عليكم اخوي ركان الله يوفقك يارب وتوصل بالسلامه انا مبتعثه لبريطانيا مدينه مانشستر حبيتني افيدك وأصلح بعض المعلومات السابقه أولا بالنسبه للمدن الي اخترتها ترى مدينه بروتسموث موجودة في الجنوب وطبعا مدن الجنوب غنيه عن التعريف جمال مع غلاء لو تبى تدرس اختار مدينه جميله أو قريبه من مدينه جميله ممكن تروح في الاجازه لزيارتها من واقع تجربتي انا في مانشستر ويوجد فيها جميع التسهيلات بالاضافه الي قربها من اكتر المدن الجميله والمهمة وفيها معاهد قويه وانا ادرس في واحد منهم وهوا معهد Ulc تابع لجامعة مانشستر وهوا اكاديمي بالنسبه لو تبى معهد تجاري عندك معهد into كويس مقارنه بالمعاهد الأخرى بالنسبه للمنطقة مو غاليه ووسائل المواصلات جميله جدااااا وبالقطار ساعتين بس إلى لندن وساعة إلى ساعتين الأماكن الجميله الزيارة اما بالنسبه للسكن مع العائله سهل جدا تلاقيه ويوجد في المدينه جميع المطاعم العربيه الي ممكن تتخيلها وما يحتاج تروح لندن لو تبى كل يوم تأكل اكله عربيه غير تقدر بالنسبه للشعب مو فرندلي وهادا الطبيعي عن الإنجليز مو معناه انهم أشرار بس كل واحد في حاله ومافي أحد فاضي التاني عشان كدا قرار كويس انك تسكن في عائله أتمنى أكون غطيت جميع الاسئله الي تفكر فيها

أتفق معك تماما، وأرى مانشستر خيار جيد بل ممتاز.

بحثت بما فيه الكفايه , واخترت معهد a2z رأيكم فيه هل هو جيد الى حد ما او سيء - اي احد عنده رأي اخر اتمنى يطرحه مشكورين ...

انا درست في المعهد في الدروس الليلية
انا بالنسبة ليا ما استفدت كثير لانه حطوني في مستوى اقل من الي انا عليه لاني كنت جايب ٦ ونص في الايلتس وما استفدت شي.
مع العلم انه في الدروس الليلية غالبية الطلبة من اسبانيا.

لكن كنت الاحظ انه في الدروس الصباحية غالبية الطلبة عرب، ممكن تكون طريقة تدريسهم جيدة لكن العرب جدا كثير.

وبالتوفيق في اختيارك

الله يعطيك العافيه , الله لايهينك عندك خبر ب اسعاره , في فتره الصباح شورت تايم وهل المعهد يوفر لي سكن مع عائله او ابحث انا بنفسي وش الحل ؟


واذا فيه احد ثاني جرب هذا المعهد في فتره الصباح ياليت يتفضل بإجابه ..

السلام عليكم
انا ان شاء الله راح احاول اجيب قبول من جامعه مانشستر لكن احتاج استفسار عن معاهد اللغه ..

١- ايش الفرق بين الدراسه بين المعهد الاكاديمي والتجاري ؟ هل المعهد الاكاديمي يبدا يعلمني اللغه تمام او يكون الدراسه فيه اكاديميه تحتاج لغه متطوره !! لان لغتي انا ضعيفه الى متوسطه .
٢- افكر اخذ معهد في مدينه غير مانشستر .. في مدينه بورنموث حبيت المدينه من خلال قراءتي عنه وتجارب بعض الاصدقاء لكن ابغى افضل المعاهد المعتمده في المدينه عشان ابدا اراسلهم ..

وشكراً

وعليكم السلام
اخوي سعود انا ادرس في مانشستر وبالتحديد في معهد جامعه مانشستر واحب اقولك ابدا لا تفكر في أي معهد في مدينه تانيه انا انته اصلا تبى تدرس في جامعه مانشستر فماله داعي تروح مدينه تانيه المعهد جدا محترم والمادة العلميه جدا مفيده الي بندرسها بس عشان تقدم للمعهد لازم يكون عندك شهاده ايلتس مو أقل من 4، المدرسين جدا متعاونين وعندهم كل يوم كلاسات خاصه للتحضير للايلتس مره مفيدة ، ، بالنسبه لسؤالك عن الفرق بين المعاهد الاكاديميه والتجارية الفرق تقدر تستنبطه من الكلمه نفسها تجاري وأكاديمي صراحه انا ما انصحك ابدا بأي معهد تجاري لأسباب سمعتها من بعض الدارسين فيها انو هدفهم الأول الربح ناهيك عن الماده العلميه الي يقدموها ليست بمستوى وكفاءة المعاهد الاكاديميه أما بالنسبه للمعهد الأكاديمي اقدر اقولك أن الماده الي بناخد ها جدا ممتعه ومفيدة والمدرسين على مستوى عالي من التعليم والتعامل وكفاية انه المعهد تابع لجامعه مانشستر يعني لو جبت الدرجه المطلوبه لتخصصك في المعهد ما تحتاج اختبار ايلتس يكتفو بشهادة المعهد أو ممكن تدخل البريسشنال كورس يعني جدا حلو التعامل معاهم بالاضافه الى انك في معهد جامعه عريقة يتيح الالتحاق بمعهدها انك تقدر تستخدم جميع المرافق الجامعيه من مكاتب لأقسام للكمبيوترات كل شي فماتحتاج تشتري كتب لانو انته حيكون عندك أكبر مكتبه جامعيه تستعير و تدرس فيها 24 ساعه ولا تقفل لك حريه الاختيار بس هادا رأيي أتمنى أحد يفيدك بمعلومات تانيه

شكراً لك على المعلومات
السؤال الان : انا لغتي اقل من المتوسط فما اعرف هل المعهد الاكاديمي يبدا يعلمني من البدايات للغه ؟؟

^^^
معهد أكاديمي ما يعني أنه ما راح يعلمك الجينيرال
راح تتعلم مثلما تتعلم في المعهد التجاري بس التعليم في الأكاديمي أفضل

معهد جامعة مانشستر الأم بطل بصراح وسبق ودرست فيه شخصيا حوالي ٣ أشهر قبل أكثر من ٦ سنوات أعتربها من أفضل فترات اللغة إذا كان المعهد ما يزال يقدم نفس المناهج.