۩۞۩ هنا جميع المعاهد المعترفة لبريطانيا واستفسارات المعاهد ۩۞۩

السلام عليكم انا اوصل الندن يوم الاثنين بس في الليل نفس يوم دراستي يعني راح اتغيب اول يوم هل راح يأثر هالشي في المطار ؟ وياليت احد يفيدني عن الاوراق اللي لازم تكون معايا في المطار

عليكم السلام لا ماعليك عادي ما يأثر في المطار والأوراق الي تحتاجها القبول حق المعهد اوالجامعه التأشيرة وهيا في الجواز طبعا ومكان السكن لو عندك القبول حق السكن لو مافي عادي وخد معاك كمان الضمان المالي للاحتياط ولو سلوك فين راح تسكن قولهم أي فندق وياريت لو عندك أحد من أصحابك يعطيك عنوان السكن وقولهم راح اقعد عنده الين الاقي سكن وطبعا لازم يكون في لندن ولا الكدبه راح تنكشف وخلاص ما تحتاج طبعا في أسأله في الأول فين تدرس وفي راح تقعد وراح يقولك لازم تسجل في البوليس عشان تاخد الاقامه قبل 7ايام اسمعه وطنش ولمن تروح الجامعه أن شاء الله راح يفهموك كل شي وبس ما تحتاج شي تاني أهم شي أوراق القبول والسكن لو موجود والضمان المالي توصل بالسلامه

يا اختي الله يرضى عليكي مين مفهمك انو لازم المعهد يبدأ في سبتمبر2016 انتي ادخلي موقع الجامعه الي حابتها وادخلي على مركز اللغه ويعطوكي كل الكورسات الي عندهم حقت السنه كلها وكم تكلف ومتى تخلص وكل الي تحتاجيه تلاقيه في موقع أي جامعه وفي عندك ايميلات للتواصل اما التوجيه لمن تجي أن شاء الله اقرأي في نفس القسم هادا عن الاسئله الي سألوها الي قبلك وراح تلاقي كل الإجابات والي مو واضح نوضحه لكي تحياتي ،،

عندي قبول في سكن طلاب ما احتاج اقول فندق صح

حلو زي الفل ارفق القبول حق السكن ووريه لهم لانه حتى في الطيارة راح تعبي ورقه الهجره ومن ضمنها عنوان السكن فلازم تكتب عنوانك الي مكتوب في القبول

شكراً كثييييير والله يجزاك خير
بعضهم قالولي خذ كل الاوراق اللي قدمتها للسفاره واعطوك اياها يوم استلام الفيزا وكلام كثير من هنا وهناك
ريحتيني الله يريحك دنيا وآخره

للأمانة انا اخدت كل الأوراق الي أحتاجها والي ما أحتاجها عشان ما ابى أحد يقعدلي ليش وفين ومدري ايش خد اوراق السفاره كمان للاحتياط محد راح يطلبك بس خليها معاك تاني حاجه بره الموضوع بس ابى اقولك هيا لمن تروح خلي معاك باوند معدن عشان لازم لو بتاخد عربيه تحط فيها شنطك لازم تدفع باوند في الآلة عشان تطلع العربيه بالتوفيق يارب تحياتي

السلام عليكم ورحمة الله وبركاته ،،،

كل الشكر والتقدير للأخوه والأخوات على هذه الجهود المبذولة ....
،
،
،
تم قبولي بجامعة برمنجهام قبول مشروط ، اختبرت ايلتس في الرياض وحصلت درجة ٣.٥ والمعهد الخاص بالجامعة يشترط ٤.٥ ومحتار في اختيار المعهد والمدينة لدراسة اللغة حتي اصل إلي مستوي يأهلني لدخول معهد الجامعة

ياليت تفيدوني عن المعهد والمدينة المناسبين من وجهة نظركم

السلام عليكم اخوي عبد العزيز

كل التوفيق يارب وعقبال الماجستير شوف للأمانة الي يومك هادا الكل يمدح معهد جامعه مانشستر معهد جدا قوي ورائع وجميل ومفيد انا جربت معهد آخر في برايتون وطلع أقل مستوى من معهد مانشستر على الرغم انه معهد تابع لجامعة لاكن مو زي مانشستر ومعهدها قدم والي فيه الخير يقدمه ربك والمدينة مو غاليه مقارنه بمدن أخرى يعني راح تعيش مبسوط أن شاء الله بالتوفيق تحياتي ،،

الله يعطيك العافيه اخت عهود ما قصرت ،،،