فاتني التقديم على المرحلة الرابعة و مرافقي حاليا موجود في بريطانيا

تكفوووووووووووووووون الفززززززززززززززززعة أحد يرد عليا
خصوصا اني ما لقيت وسيلة للتواصل مع موقع وزارة التعليم العالي

في ناس كثير مثلك وأتوقع انهم بيروحوا بنفسهم الوزارة
لا تضيعي على نفسك وانتي روحي لهم هناك يمكن وسيلة الاتصال ماتفيدك بشي

نا انصحك تستغلي الوقت وتدرسي اللغة هنا وانا انصحك بمعهد بيرلتز لانه ممتاز وانا مجرباه شخصيا الين يجي وقت التقديم وتقدمي والله يسهلك وتكوني ماضيعتي وقتك على الفاضي

قرأت ان الا فاتهم التسجيل لظروف عادي يروحون الوزارة ويقدموا أوراقهم

مشكلتي انو مصيري مربوط بمرافقي لأنو موظف و بس تنتهي مدة دراسته رح يرجع ,عشان كدا أتمنى انو إجراءات الموضوع ما تطول كتير ..
عموما مشكورين عالمرور و المواساة ..

اختي حياتي رساله, اولا لا زم تعرفي انوا اخوكي ماله دخل بموضوعك نهاءيا!! ليش؟ عشان اخوكي , على حسب كلامك انه موضف يعني هو في بريطانيا مو تبع التعليم العالي, واصلا اخوكي لو في واحد بيلتحق به يكون فقط زوجته, لان الاخت يلحق بها اخوها اما الاخ يلحق به زوجته, يعني الولد لا طلع يدرس ما يبغاله مرافق, لا كن البنت لو طلعت تدرس يبغالها مرافق.
وانتي لو قبلت اوراقك الوزاره, زي ما قالوا بعض الاخوان, لا زم يكون في مرافق معاكي الى بريطانيا, لازم يكون في مرافق جاهز فاضي مو مرتبط باي وضيفه, لا زم تنتبهي لهذه النقطه.
والله يوفقك. اخوكي السيد الهاشمي

اخوي السيد الهاشمي
انا اول مرة انتبه لهادي النقطة فعلا اخويا مبتعث من جهة عمله و مالو علاقة بوزراة التعليم العالي
بس هادي الجملة ضحكتني
(لازم يكون في مرافق جاهز فاضي مو مرتبط باي وضيفه)
يعني المرافق لازم يكون متفرغ لعملية المرافقه يعني ما ينفع يسوي اي شي تاني ممكن يشغلو أو يعطل أداء مهامه المرافقيه ...ههههههههه الله يسهل بس

اخوي السيد الهاشمي
جزاك الله خير و شكرا جزيلا لانك نبهتني ....

شكرا لك اختي, انا قلت هذه النقطه عشان هنا في الملحقيه بيسئلوا مرافقك: هل تشغل اي وضيفه في السعوديه؟ وكمان بيوقع على انه يكون مرافق لك طول مدة البعثه.
والله الهادي