محتاره بالحاسب والمدينه , يا أهل بريطانيا حيـآكم .

السلام عليكم ورحمة الله وبركاته

اول شي اختي الله يوفقك واختاري الشي الى تحسي انك تقدري تبدعي فيه ولا تختاري المسميات الى تحسي انها حلوه وشوف تخصصك لما ترجعي السعوديه هل يخدمك وهل البلد مقبله على التخصص الى بتدرسيه انا شخصياً انصحك بالتخصصات الاداريه يعني موارد بشريه او اداره اعمال او محاسبه لان الحاسب الالي اغلب الشركات تطلبه لمجرد المام الشخص فيه ويوم يكون عندك ماستر حاسب فأتوقع ان مجالك بالتعليم اكثر فرصه


الله يوفقك يارب

يعطيك العافيه اخوي TaReQ4KO على النصيحة .
بالتوفيق يارب .

up

لا اله الا انت سبحانك إني كنت من الظالمين .

والله أختي وهمـ

مدامك غيرتي تخصصك اللي بالبكالورويس من كيمياء إلى حاسب

فأنا أقولك أولاً أبحثي عن الجامعات المعتمده لدى وزارة التعليم العالي

ثم شوفي التخصصات اللي فيها

يعني الحين يمكن تعجبن مدينه مثلاً مانشستر بس الجامعه اللي فيها ماافيها التخصص اللي ابغاه

فلذلك شوفي الجامعه اول وهي اللي تحكم لتس بالمدينه

وتخصص التصميم والجرافكس حلو بس محدود يعني يركز على جانب واحد فقط..,

والله يوفقك..,,

يعطيك العافيه أكبر همي , وفعلاً أنا بحثت في بعض الجامعات وحتى في ملتقى الحاسب هنا بالمنتدى ما قصروا
التخصصات اللي حسيت اني فهمتها شوي نظم معلومات اداريه ( بين الحاسب والاداره ) وأمن المعلومات , واللي فهمته انه علوم الحاسب اصعب الظاهر , والمعلوماتيه الحيويه .
يمكن باقي التخصصات مافهمتها لانها متخصصه بالحاسب اكثر بس بحاول احدد شي والله ييسرها لي ولكم .