موظف حكومي + عندك قرض + مرافق لزوجتك ادخل هنا

بسم الله الرحمن الرحيم والصلاه والسلام علي اشرف الانبياء والمرسلين سيدنا محمد عليه افضل الصلاة واتم التسليم

اخواني الموظفين الحكومين المرافقين لزوجاتهم

بحكم وظيفتي بالتعليم ماكنت اقدر اقدم على بعثه لان الشروط تنص على ان لا يكون المتقدم موظف

وكان عندي رغبه اكمل تعليمي بالخارج وجاتني فرصه اقدم لزوجتي لاكمال الماجستير لان نجاح

الزوجه هو نجاح لزوجها

والحمد لله تم قبول زوجتي بالمرحله الرابعه على بريطانيا

لقيتها فرصه ادرس واكمل تعليمي بس كان فيه عدة عقبات امامي
اول عقبه
(عندي قرض اسهم من بنك الراجحي وكله طار مع الاسهم)
الحل
(اتصلت بالبنك عالرقم المجاني 8001246666 كلمتهم وقالت له انا بطلع بره ادرس وعندي قرض قالى سوي سداد مبكر للمديونيه قالت ماعندي قال والله اول مره تمر علي الحاله وما اقدر افيدك قلت له يعني يضيع مستقبلنا عشان قرضكم وماودكم تصبرون لين نرجع ترى محنا شاردين قالى شوف انا ما اقدر افيدك لاكن اتصل على الرقم المجاني لفرع المتاجره والتمويل وهم مختصين بهالامور وهذا رقمهم 8001241222 شرحت له نفس السالفه قالى ياطويل العمر روح وكمل دراستك والحساب بينزل بالسالب وبتدخل على البلاك لست ولما ترجع البنك راح يسوي لك اعادة لجدوله لسداد المديونيه والله يوفقك قلت الحمد لله هذى انحلت وجزاك الله الف خير )
ثاني عقبة
(كيف بيكون وضع عملي وانا مرافق لزوجتي )
الحل
(رحت لاداره التعليم وقلت لهم ياجماعة الخير ترى الوضع كيت وكيت وكيت قالوا نعطيك اجازه مرافق وتحسب لك بالخدمه قلت طيب جزاكم الله خير)

ثالث عقبه

(لو فرضنا المبتعث الرئيسي خلصت فتره دراسته وانت باقي ماخلصت)
الحل
سألت مختص بالموضوع وقالى ان الطالب المرافق يضم للبعثه ولو خلص 75% من مرحله البعثه تمدد له الفتره يخلص 25% المهم لها اكثر من حل

توكلوا على الله واستخيروا وتراها فرصه وباقي اخر مرحله للبعثات الى هي المرحله الخامسه والاخير والمصدر اليوم جريدة عكاظ


الرجاء دعوه منكم لي ولاهلي ولوالدي في ظهر الغيب