هل جامعة ديربي معترف بها أو لا؟

اهلا وسهلا فيك اخوي
وضعك سهل جدا
انا بنفس وضعك بالضبط
بس انا كنت بجامعة البترول
واكيد الدكتور العراقي محمود هو اللي عرض عليك يجيب لك قبول من ديربي
اخي الكريم
اولا
بالنسبه لكندا او بريطانيا : كندا شحيحين جدا ودقيقين جدا بالمعادله ويقولون لك اول شي تعال وبعدين نشوف كم نعادل لك
الشغله ماهي سهله عندهم ابد
يعني المعادله شبه مستحيله واذا حصلت ممكن ما تكون منصفه ابدا
لاني انا كنت افكر ادرس بكندا قبل لا اجي هنا بريطانيا
اما بريطانيا فاسهل شي عندهم المعادله والقبولات لان نظامهم هنا بالسنه ما يعدلون بدقه يعني كورس بكورس
بس يشوفون اي مستوى يناسبك ويعطونك قبول عليه طبعا الدراسه هنا 3 سنوات والاحتمال الاكبر انهم يعطونك قبول على اخر سنه بس
لكن انتبه اذا عطوك قبول لدراسة سنه وحده اللي هي الاخيره بس هل الوزاره بتعادلك الشهاده بعدين ولا لا
الغالب ان الوزاره يقولون لا
المهم انا مخلص 80 ساعه من اصل 133 ساعه في البترول وحولت هنا واعطوني قبول عالسنه الثالثه اللي هي الاخيره بس اسم التخصص ما كان مناسب
وفضلت اني ادرس السنه الثانيه والثالثه هنا في اسم التخصص الافضل
ثانيا
جامعة ديبري : حصل لي معاها فلم هالجامعه
خلاصة الفلم ان فيه واحد مسوي بزنس مع هالجامعه ويجيب قبولات منها ويزعم انه معترف بها من قبل الوزاره
اانا ما عجبني كلامه ورحت للوزاره بنفسي عشان اسال هالسوال عن هالجامعه
وكان الرد غير مرضي لان موظفي الوزاره مع احترامي ماهم دارين وين الله حاطهم
المهم
خلاصة الكلام والكلام اللي يجمد عليه الشارب من ناحية الاعتراف بالجامعه
اي جامعه حكوميه بريطانيه يكون معترف بها لمرحلة البكالوريوس
اما الماستر والدكتوراه فيجب ان تكون الجامعه حاصله على درجة 4 او 5 في ترتيب موقع هيرو في التخصص اللي انت تبي تدرس فيه
وانا اشوف لك ان اضمن شي انك تشوف لك جامعه من قائمة الجامعات الموصى بها من قبل الوزاره وتفك راسك من وجع الدماغ
وعسى الله يوفقك واي خدمه
انا الان بجامعة بليموث