لمن درس اللغة في بريطانيا ... حدثنا عن تجربتك

كنت برد بس يوم شفت كل الحقول المطلوب الاجابه عليها هونت.ههههههههه...لاني بالمعهد اللحين اذا طلعت بجاوبك ان شاء الله
وبالتوفيق

والله موضوع شيق وجميل...
لكن منو الفاضي الي بيرد على كل هذي الاسئله لكن ننتظر ونشوف....

فكرة حلوه
اتمنى من الاخوان التفاعل
لفائدة القادمين الجدد

الموضوع شيق لكن الرد يحتاج لعصف ذهني (:
نرجو من إخواننا المبتعثين إثراء الموضوع في أسرع وقت لأنهم هم السابقون ونحن اللاحقون ..

قبل كل شي انت تطلب معلومات تعجيزيه
وثانيا
الحين كسلان ما تدخل مواقع المعاهد وتكتشف بنفسك
وما شاء الله جاك كل هالنشاط تكتب كل هالتحقيق !!!!!!
ما شاء الله عليك
والله ودي ارد بس ما في امل اجمع كل هالمعلومات
بالتوفيق

انا بكتب اللي اقدر عليه...

من ناحية المدينه اسمها(n0rthampton) مدينة تبعد عن لندن حوالي 45 ميل 50 دقيقه بالقطار مدينه جميله ورخيصه وفيها اسواق حلوه ومطاعم حلال واسعار الشقق فيها معقوله من 500 الى 600 مفروشه وقريبه من السنتر وفيها مسجدين واحد يخطب الخطبه بالعربي....
لكن الا اللحين ماشفت سعوديين مع اني سمعت انه فيه كم واحد يدرسون في جامعتها ... وعلى طاري جامعتها تراها موب ذاك الزود يعني تقييمها نازل شوي الا في بعض التخصصات قوي بس والله ماعرف بالضبط اي التخصصات اللي فيه قويه ...والمدينه اكثر مافيها هم الصوماليون من العرب اما الجالية الهنديه والباكستانيه فهم موجودين بقله.....ويوجد بالمدينه محطة باصات كبيره ومحطة قطار بعد لاباس به...

من ناحية المعهد....فيها معهدين واحد northampton coolege معهد قوي وماعتقد فيه سعوديين ويقع في السنتر وله فرع في كم قريه قريبه من المدينه
المعهد الثاني bosworth college معهد جيد لكن اقل جوده من الاول يقع شمال المدينه بتجاه طريق الجامعه والمعهد هذا اذكر ان العائله اللي كنت ساكن معهم يوصون فيه يقولون تدريسه قوي وانا صراحه ماجربته....

من ناحية السكن....ذكرت ان المدينه رخيصه نوعا ما يعني اسعار الشقق من 500 الى 600 غرفتين مفروشه والعوائل اذكر سعرها بالصيف كان 95 واللحين والله مادري....

النصيحه....ماقدر اقول شي بس اتوقع ان هالمدينه تصلح لتعلم اللغه لأن العرب قليل نوعا ما فيها....

انا ساكن وادرس في لندن بس مادري هالموضوع يشمل لندن ولا لا

اشكر جميع الاخوان

الاخ ابو جبل : ما قصرت جعلك تسلم كفيت و وفيت

الاخوان اخر زيارة و ابو خليل و النبراس المضيء : حياك و همتكم معنا

الاخ عبدالعزيز بن عبدالله : حياك اخوي و لا تصعبها كل المسئلة تعبئة نموذج و بعدين الموضوع هو سرد تجربة شخصية لاخوان لنا سيكونون اكثر مصداقية ان شاء الله

الاخ غريب بموطن الازهار : بارك الله فيك و الموضوع شامل لاي مدينة بريطانية و لندن هي العاصمة ما عنها غناة

عموما بارك الله في الجميع و وفقهم الله في ما ذهبوا له