مامعايا للغة كيف اقدر ادبر وضعي

up up up up up up up up u pu pu

اقول ترى الحال من بعضو كلنا من جنبها يمين بلله

بس كل اللي دخلو كتبوا زينا من جنبها

ليش محد دخل كتب وطمنى يكون من اصحاب الخبره اللي مرو بنفس التجربه


هل اللغه سهل انك تتعداها ولا كييف؟؟

وهل الشخص جيواجه صعوبات في حياتو هناك بدون ما يعرف لغتهم؟؟؟

شاكرين لكم حسن استمعاكم وتعاونكم والسلام عليكم ورحمة الله وبركاته...

من خلال تجربتي الشخصية بمطار هثرو في لندن

كانت رحلتي الصباح رحت المطار وخلصت اموري وركبت الطياره و اقلاعنا من المطار بسلام الحمد الله
بعد الاقلاع بساعتين او ثلاث عطوني بالطيارة استمارة قالوا لي لازم تكتب ببياناتك فيها و المشكلة ان الاستمارة بالانجليزي وانا ميييييح انجليزي
اول ما وصلنا ووقفت الطيارة و قاموا الناس من مقاعدهم و بدينا نطلع من الطيارة
بدء الهم ياكلني و رجولي تتنافض مدري وش اسوي
ما عندي لغة ولا اقدر اتفاهم مع احد و الاستمارة ما عبيتها ولا كتبت غير اسمي هذا الي عرفته
المهم طلعنا من الطيارة ولا ادري وين اروح قلت مالي الا حل واحد
الحق الي طالعين معي من الطيارة <<< مسوي ذكي
وصراحة طولنا وحنا نمشي المطار كبير
اخر شي دخلنا صاله كبيرة مررة
و اشوف الناس بدت تصف طابور وهذا الطابور طوييييييييييييييييييييييل
والحمد الله لقيت واحد سعودي واقف في هذا الطابور على طول رحتله وسألته عن الاستمارة
وعلمني ايش اكتب فيها و قالي وقف معنا لان هذي هي الجوازات
و الله و اوقف معهم و اجلس حوالي ساعة واقف حتى باقي قدامي 3 اشخاص ويجي دوري
انا قلت الله يستر هنا المصيبه مدري وشلون ابي اتفاهم معهم
و وصل دوري ورحت للموظف ( ادربي راسي ) جلس يرطن انجليزي وانا اهز راسي مدري وش يقول
عطيته جوازي و ورقة القبول حقت المعهد وسكت الموظف
ورجع ثانيه يكلمني قلتله ( ايم دونت سبيك انجليش ) عرف اني ما اتكلم انجليزي وجلس يكتب استماره ثانية لاني ملخبط الامور في الاستمارة الاولى وخلص اموري ورجعلي الجواز وقالي رووووح الله معك
انا المشكله الى الحين ما اخذت الشنطة ولا ادري من وين اخذها
قلتله (ماي باق ) يعني شنطتي ..... اشرلي باصبعه ووصفلي مكان الشنط
اخذت شنطتي و طلعت من المطار وركبت التكسي
وكنت مجهز ورقة كاتب فيها عنوان الفندق الي حجزت عليه من السعودية وعنوان الملحقة
اخذني التكسي على الفندق و من بكره اخذت تكسي ثاني على الملحقية
و الحمد الله تسهلت الامور من بعدها

فلا احد يخاف او يرتبك اذا ما عنده لغة عااااادي جدا
لانهم في المطار مقدرين الوضع ولو احتاجوا يكلمونك قلهم (ايم دونت سبيك انجليش ) وراح يجيبون لك واحد عربي يترجم (انت مو اول واحد يجي ما يعرف يتكلم انجليزي )

بس افضل شي احجز على الفندق قبل تسافر من السعودية وخذ عنوان الفندق و الملحقية وأكتبه عندك وخليه معك لانها مهمه جدا
لانك بعد ما تطلع من المطار ما راح تواجه اي صعوبه بس وقف التكسي و اعطية العنوان وهو يوقفك عند باب الفندق وهذي افضل طريقه لتفادي الارتباك
وطريقة الحجز سهلة جدا شوفلك اي واحد يعرف انجليزي خله يدخل موقع الفندق و يسوي لك حجز او ياخذ رقم التليفون من الموقع ويتصل عليهم


اهم الاوراق المطلوبه في المطار : 1- الجواز 2-ورقة قبول المعهد 3- اشعة لصدر لتأكد من خلو المسافر من مرض الدرن فقط وممكن ما يطلبون منك الاشعة بس خليها معك احتياط


وبالنسبة للمعيشة هناك اذا ما كان عندك لغة فهي عاااادية جدا
ادخل المطعم و قله منيو(يعني قائمة الاكل) واختر الوجبه الي تبيها و اشر باصبعك على الوجبة وعطه الفلوس

انا مثلا ثاني يوم وصلت فيه لندن رحت ادور محل جوالات ابي اطلع شريحة ولقيت مركز فودافون
دخلته وكان فيه واحد قدامي بعد ما خلص جتني الموظقة تتكلم ما ادري وش تقول ... قلتلها ( ايم ونت نيو موبايل)
هي في البدايه فهمتني غلط تحسبني ابغى جهاز فطلعتلها شريحتي السعودية وقلتلها ( سيم ذس )يعني مثل هذي
قالت عطني 15 باوند وعطيتها و عطتني الشريحة وطلعت


لا تشيل هم هونها وتهون
وصدقني بعد ما تجلس اسبوع او اسبوعين تبي تضحك على نفسك لانك كنت مرتبك على شي مايسوى


واي واحد عنده سؤال او استفسار انا بالخدمة



بالتوفيق للجميع

لا تشيل هم زايد وبس ..

وأهم شيء العناوين .

مشاركة جميلة ومضحكة.

ما شاء عليك اخوي ، ذيب وعرفت تتصرف.

سمعت انه الاطفال فوق 3 سنوات لهم ساعات مجانيه في الحضانه هل هذا صحيح

تجربة رائعة ولن تنسى
لاتنساها عشان يجي يوم وتحكيها لاولادك
الشخص الواثق وحتى لو كان عنده بعض النقص لايؤثر فيه بل يزيده هيبة ورفعة

ومثل ماقالو واثق الخطوة .....يمشي ملكااا


بالنسبة لي ماشلت هم الا امور التنقل من المطار الى الفندق الى الملحقية الى المحطة الي بتوصلني اليى مدينة الدراسة اما بالنسبة للمطار واللغة فمو شايلة همها والله يكون بالعون