معنا أقهر الايلتس - IELTS

ايش الاصعب التوفل او الايلتس لاني اختبرت التوفل حسيته سهل لكن ماعندي
فكره عن اسئله الايلتس !
ممكن يجاوبوا الي عندهم خبره او اختبروا الاختبارين
وثنكيو !

صحيح اختبرت الايلتس بس لكن أعتقد اللي يعتبر التوفل سهل بيكون الايلتس سهل عليه كمان

والمسألة نسبية

هلا وغلا شحالج أختي

بصراحة من أكثر المواقع اللي استفدت منها هي المواقع الامارتية
لقيت فيها مصادر كثير وخصوصا منتدى طلاب جامعة الشارقة
وأحب اللهيه وايد
جات فترة أنا وصديقتي قلبنا اماراتي

بالنسبة لكم الايلتس أسهل لأنه شرط بالتخصص بالجامعات مو مثلنا

خمسة مرررة سهلة وطالما جبتي أول مرة 3 ونص أتوقع بتجيبين الخمسة المرة الجاية
وكويس قمتي تستمتعي في تعلم اللغة

هل ناوية تدرسي هندسة ؟ أو عشان انقطعتي وبتكملين



يسلموا يالغالية على المرور وشجاعتك على سرد تجربتك
وانبسطت كثير بكل كلمة كتبتيها

أكثر شيء يونس يوم ترمسين اللي تختبرك


الله يوفقك وتجيبين الدرجة المطلوبة وأكثر
وخلينا على تواصل
وإذا تحتاجين أي مساعدة بالخدمة

اختي الله يعطيك العافية ويوفقك دنيا واخرة ويخليلك والديك...اااامين

انا بصراحة محبط جدا...خلصت كل امور ابتعاثي والجامعه الكنديه طالبه سكور 6 في كل الموديولز وانا اختبرت قبل شهرين تقريبا وحصلت على 6 في الكتابة والاستماع بينما حصلت على 5.5 في المحادثة والقراءة والسكور الكلي 6 طبعا ما قبلت الجامعه 5.5 قالت لازم على الاقل 6 عشان انقبل في برنامج الدكتورااه ومن يومها وانا خايف اني اختبر مره ثانيه ويتعدل شي ويخرب شي ثاني يعني مشكلتي مطلوب مني على الاقل 6 في كل الاختبارات والان عندي موعد اختبار ثاني في نهاية شهر واحد يعني بعد شهر وبديت اجهز نفسي له والله يستر لان الجامعه عطتني فرصه الى شهر 3 بعد كذا ممكن ما يقبلوني...
يعني ما شاء الله عليك اختي حطيتي مصادر كثيرة مره وصعب علي اني اغطي معظمها في شهر فاذا تكرمتي انك تعطيني المصادر المفيده لوضعي ومختصره

وهل تتوقعين اني ممكن احسن الاسكور تبعي مع العلم اني اتكلم وافهم الانجلش بشكل ممتاز بسبب ان ظروف عملي تتطلب ذلك لكن مدري وش صار معي في هالاختبار مع العلم اني حضرت له خلال 10 ايام...
وهل تعرفين احد قدر يرفع السكور تبعه في المره الثانيه

شاكر ومقدر تعاونك

جزاك الله كللللللللللل خيرررررررررررر أختي سموره

يارب يحفظلك والديك ويحقق لك ماتتمنين ويجعلكم من اهل الجنة

ان شاء الله راح اقدم اختبار الايلس في شهر مارس هنا في السعوديه في معهد برتش كونسل - بالخبر-

واعتمدت كثير بعد الله على نصائحك والمواقع اللي وضعتيها ولا اخفيك ( لا زال الخوف موجود ) الله كريم

حابة اسأل بالنسبة للموقع اللي قلتي استفدتي منه كثير بنسبة 90%
http://www.australianetwork.com/studyenglish/

ممكن توضحين حبيبتي كيفية التعامل مع الموقع

الشي الثاني
الرابط الآخر
http://top2learn.blogspot.com/2008/01/study-english-ielts-prerperation-videos.html
مش راضي يفتح مدري مقفل او فيه مشكله ياليت تشيكي عليه

..

مرحبا أخوي
وشكراً لثقتك
أعرف كثير أول اختبار حصلوا على 6 وثاني اختبار ارتفعوا وحققوا اللي يبغوه ودرجتك طبيعة جداً .
أول اختبار أنت بتعرف طريقته وتقدر بحول الله تحقق المطلوب بتلافي الأخطاء السابقة
ما شاء الله درجتك في الكتابة عالية وهذا دليل أنه تمتلك لغة جيدة تؤهلك لدرجات أعلى في الجوانب الأخرى . ربما بسبب الحظ كانت القراءة صعبة أو المحادثة تحتوي على أسئلة يصعب الإجابة بشكل فوري عليها وتحتاج إلى تفكير وهذا ولا يجعلك تظن أن الخطأ في نفسك .
هذا الموقع
http://www.ielts-exam.net/
+
كتاب 101 useful hints جداً ممتاز للمحادثة كثير أسئلة بنفس صيغتها تتكرر فيها فحاول تقرائها وتحضر لها أجوبة واختبر مدة حديثك مع ساعة حاول تجيب على كل سؤال فيما لا يقل عن دقيقة . في فكرة جيدة جرب تختبر نفسك مع صديق يطرح عليك الأسئلة أمامك بشكل مباشر أو عن طريق استخدام المايك بالانترنت
من الأخطاء الشائعة في المحادثة الإجابة المقتضبة أو نعم ولا والاكتفاء بها
الهدف هو إظهار مقدرتك على الحديث فإذا شعرت أنك غير قادر على إبداء رأيك في موضوع غريب مثلا كالاحتباس الحراري لا ترتبك تحدث بما تعرف وقل لمن يختبرك بأنك لا تملك المعلومات الكافية وستجيب كما تستطيع . توقفك عن الإجابة بالنسبة للمختبر يعطي إيحاء بأنك لا تمتلك الكلمات المناسبة للتعبير .
سر نجاحك في المحادثة الثقة والتحدث بأريحية وخفة ووضوح في نطق الكلمات مع محاولة التحد باكسنت وهناك مواقع كالبي بي سي تحسن لك الاكسن.

بالنسبة للقراءة هي معضلة للكل بسبب ضيق الوقت بس بعون الرحمن الدرجة المطلوبة 6 في متناول اليد إذا ركزت على التقنيات . في كتاب Ace the Ieltsيختصر لك كل شي والكتاب صغير وخفيف ممكن تقراءه في 3 -4 أيام لو اعتبرنا قرأت جزء من الاختبار باليوم.
أمامك تقريباً شهر على الاختبار لو يومياً تدربت بتخصيص ساعتين إلى ثلاث يومياً سترى التحسن في الاختبار وحاول تختار ساعات صفاء بدون وجود أي إزعاج مثلا قبل الدوام بساعتين . ركز على جوانب الضعف ولكن لا تهمل الجوانب الأخرى . التدريب مهم جدا لأنه مرة ع مرة بتلاقي نفسك تحل أسرع وتخلص.
الاستماع يمكنك رفعه إلى 7 بكل بساطة وسهولة بس ركز على التمرين والاستماع لمحادثات مختلفة .
بالنهاية لا تشك بقدراتك إذا تيقنت بأنك ستحصل على الدرجة ستحصل عليها بعون الله وأبعد عنك الإحباط ولا تقلق نفسك أمامك فرصة كبيرة جداً مع التدريب. أنت حضرت بعشر أيام وحصلت على درجة حلوة فما بالك شهر بالتأكيد راح تحصل على درجة جدا عالية.
خلك متفائل وواثق وبعون الرحمن تحقق المراد لأنه سهل وقريب من متناول يدك بس أشعر بأنك متردد ومتخوف بعض الشيء


موفق يارب

هلابك قلبي
ويجزاك كل خيييير

أظن المدونة انسحبت او انحذفت هاليومين

لي رجعة مع شرح الموقع

بالنسبة للي الاسئلة استفدت منها في المحادثة هو

http://www.ielts-exam.net

سمووووووووووووووور

في أول الموضوع وعدتينا انك تسويلنا الموضوع pdf

وينه ؟؟؟؟؟

أنا انتظر

هلا قلبو

عند وعدي أنشات نسخة جاهزة بس بعدلها وشوف الروابط الغير شغالة

خبرك الأسبوعين الماضية كلها انشغلت فيها مع المعهد والفيزا
والنت مش ولابد

الله يسهلها دعواتك

السلام عليكم ورحمة الله

أولا الله يجزااااااااك خير اختي مشتاقة لحلمي ويكتب لك الأجر ويحقق لك حلمك اللي مشتاقة له

الموضوع مفيد جداااااااااااااااا وكلمة رائع قليلة فيه


بس حبيت أستفسر عن شغله انتي قلتيها وهي لما غيروا مكان الاختبار من مقر النساء الى مقر الرجال !!! ووجود كاميرات مراقبة في قاعة الاختبار !!!! وانه اللي اختبرك المحادثة رجال !!!!

صراحه لما قريت هالمعلومات حسيت بمغص في بطني وكان فيني نوم وطار من الفجعة


لأن ما أتخيل نفسي أختبر بدون نقاب في مقر الرجال وفي قاعة مزودة بالكاميرات لا وكمان يختبرني رجال .. أحسها صعبة مرررررره


يعني تجربة الاختبار في حد ذاتها صعبة عاد مع وجود هالظروف أكيد بتكون أصعب من وجهة نظري





عموما الله ييسرها