اسئلكم بالله تريحوني و تقولوا لي رايكم ...

انا رائي انك تكملين هنا في جده غير وبعدين اذا الله كتب لك انك تروحين تكملين دكتوراة في اي مكان يكون افضل لك بالنسبه لزوجك ماله ومال وجع الراس من العمل حقه خليه يكمل هنا في جده وبعدين بالنسبه للعمل هنا ماتفرق ترى اذا جبتي ماستر من الخارج او من الداخل نفس المرتبةافضل شي استخيري الله واستشيري اهل الخبرة من اقاربك وكما قال المثل ما خاب من استشارالله يوفقك لدينك ودنياك

انا احس تدرسي هنا الماستر بما انو الجو اسهل للدراسة وراح ترتاحي نفسيا
لانو في ديون وسلف .. وزوجك موظف اريح لكم تقبلو الماستر في عبد العزيز
وربنا يسهلك الدكتوراة في الخارج..والاستخارة اولا واخيرا
الله يسهلك امورك

والله يا سمور , شكلها هنا والله اروق

موفقه ان شاء الله ياختي

والقرار مفروض تتخذينه بنفسك وتشوفين الاصلح لنفسك وتحسبين الايجابيات والسلبيات في كل الحالتين

بس من رايي انا مادام اموركم هنا ميسره انتي وزوجك
كملوو هنا وبعد الماستر اطلعوا دكتوراه سوا
وقتها ان شاء الله ولدكم يكون كبر شوي وتدخلونه على المدرسه على طول
لاني حسيت ان امورك هنا كويسه وموضوع البعثه راح يحوسكم خصوصا زوجك وعمله وديونه
وبرضه ابنك والحظانه

هاذي وجهة نظري الشخصيه والباقي عليك انتي استخيري الله سبحانه


والله يسهل لك امورك
ويوفقك

تحيتي

سلااااااام عليكم
اولا الله يوفقكم جميعا
دحين انا اشوف يعني خليني اقلك بما اني مبتعث برضو الهدف من البعثة انو الواحد يطلع ويرجع عشان يلاقيلو وظيفة كويسة تعيشو حياتو
اما بالنسبة لوضعك فصدقيني بما انو ربنا منعم على زوجك بوظيفة وكمان انتي وهوا حتاخدو ماجستير ومع بعض كمان واموركم ميسرة ومستورة مالكم ومال الهجولة يعني مسستقبلكم قيدو في يدكم انشالله خلاص مضمون عارفين طريقكم وعارفين وضعكم وكمان الماجستير لما ياخدو زوجك من هنا حيفيدو في وظيفتو مافرقت هنا ولا هناك بما انو موظف اساسا فحيفيدو كثير في وظيفتو وحيفيدك كمان
صدقيني ترى الهجولة والروحة ماهي سهلة خاصة في وضعكم انتو لو انو زوجك موظف قطاع خاص ومستعد انو يسحب عليهم يعني وظيفة مافيها مستقبل كان اقلك اوووكي افضل بكتير
وبعدين على قولك الديون والالتزامات والحوسة والدنيا يعني حتدخلو نفسكم في متاهات
لكن انا في راي انكم كملو اموركم هنا مادامها مسهلة من وظيفة والقدرة على اكمال الماجستير يعني ربنا مسهلكم هيا فالافضل اشوف انكم تكملو هنا وكل صيف اطلعولكم ا ي دولة سياحة هنا ولا هنا
طبعا هادا مجرد راي لانو البعثة للمتزوجين انا اشوف انها ماهي بدي السهولة خاصة اللي عندهم اطفال ازا انتي من دحين دختي من كتر الاسئلة اللي جات في بالك فكيف لما تروحي
انا ما احب احبط احد واللي يقلك فرصة العمر ومافرصة العمر معليش انا اشوف انها فرصة العمر للعاطل اللي مو ملاقي لسا وظيفة ولا اللي لسا توهم متخرجين طازة وماعندهم شي اما اللي قيدو عندو وظيفة كويسة وعندو كمان فرصة لاكمال الماجستير فيريح دماغو ويقعد مبسوط انا من ناحيتي لو اني موظف وظيفة رسمية كويسة ما كنت حاروح بعثة
والله يوفق الجميع واستخيري

و الله ريحت صدري يا (ترقب) الله يريحك

براد ابو اربع ة يا شيخ الله لا يوقف شي في طريقك و يرزقك ب الفردوس الاعلى مع حبيبنا محمد صلى الله عليه و سلم
قول امين

والله يجزيكم الخير

الاخت لولو
اولا وهو الاهم الله يوفقك في اي مكان
تانيا
انا اقولها بصراحة انا ندمانة بنسبة70% عشان رحت البعثة
اولا زوجي موظف في الخطوط ولم يتم الموافقة علي اجازته
اعطوه اجازة من الرصيد 3شهور وطلع معايا على امل الالحاق لم يلحق ولم تتم الموافقة على الاجازة حتى الان
وفي الاخر رجعت السعودية واولادي خليتهم عند امي بسبب غلاء الحضانات والجو البارد وقلة الاماكن المناسبة للاطفال
وطلع معايا والدي مرافق
وحوسة تانية يبغوا توكيل من زوجي وحكاية طويلة
وفي الاخر والدي زهق ويبغا يرجع السعودية
ولكن كفاية
لازوجي ولا اولادي معايا
واعتقد انو نعمة الاهل اهم من الغربة
بمانو الامور مستقرة
فاحمدي الله على نعمة الاستقرار
واتمني لكي الخيار الصائب

اختي مشمشة ليش ما وافقوا على الحاق زوجك؟
الله يخليكي ردي انا مسافرة على امل اخوي يدرس
الجميع قلي الحاق المرافق مضمون!