الإندومي .. إلى متى وأين؟؟؟

والله بصراحه بالنسبه للأكل هنا موجود كل شي وخصوصاُ بالبقالات العربيه صحيح ان السعر اغلى تقريباً 70% على المواد الغذائيه لكن ارخص من الشحن
انا امس مستلم عفشي من مطار هيثرو مشحون لي من الرياض
كلفني الكيلو في السعوديه بحدود 15 ريال وكلفني هنا ضريبة وتحميل ونقل من المطار الكيلو بحدود 15 ريال اخرى يعني الكيلو بيكلفك حول الـ 30 ريال
فما بالك لو مشتري 10 كيلو رز من السعوديه .. شحنها بس بيكلفك 300ريال غير قيمة الرز اللي قول هي بحدود 90 ريال او اقل مادري بالضبط .. وتقدر تلاقي نفس هذا الحجم هنا رز ابوكاس بما قيمته 110 ريال فقط
نصيحة لا تشحنو شي كل شي موجود هنا ,, والله يعينكم على الغلاء وبالعافيه مقدماً

وجهة نظر صائبه الحقيقه

انا اشوف انك تاخذ معك عشره كراتين
واربع اكياس رز ابو كاس 45 كيلوو
وكم خروف مقطع تقطيع ثلاجه وموزع في اكياس صغيره عشانه صعب تحصل لحوم حلال احسن لك خذ معك من السعوديه

وربع حاشي من اللي يحبه قلبك نفس السبب السابق لصعوبه توفر الحاشي وصعوبة توفر الحلال

وعشر كراتين دجاج حجم الف

غير كراتين المعلبات
واهم شي اللبن تراه مافيه في بريطانيا
اتفق مع شركة الصافي تعطيك حملة دينا كامله

وش بعد


اتوقع كافي


موفق اخوي وبالهناء والعافيه

للمعلومية رز ابوكاس اللي في بريطانيا تعبئة سورية ، يعني لا تستغرب الطعم ،فيه رز مشابه في تسكو اسمه تيلدا بسمتي الكيلو بـ 3 باوند أعتقد، بس ممتاز جداً

لابد للشباب من التفاعل صراحة أنا ودي الموضوع يتثبت لكن هو بهاك الأهمية لكن نبغى تفاعل من الشباب وشكلي بأضيف استطلاع ألأندومي ام التمر