استفسار عن قرار الابتعاث

بعد يوم او يومين بالكثييييييييير ثلاثة ايام

عبير لا ترسليها بالبريد والسبب (( الخوف يضيع البريد جوازك والفيزا ومشوااااااااار على بال ما توصل اوراقك للرياض ...)) احسن شئ خلي محرمك يروح للرياض معاه جوزاتكم ويعبأ ورقه بإداره البعثات ما تآخذ تعبئه الورقه ثلاث دقائق ... ويسلم صوره من الوثيقه وصوره السجل الاكاديمي وصوره من الفيزا وصوره من الجواز مع الورقه اللي عباها ويجيهم بعد يومين يستلم قرار الابتعاث وخطوتين ويلاقي مكتب الطيار يعطيه امر الاركاااااااب (( بس انتبهي مليون مرررررره وقولي له لازم يصور امر الاركاااااااااب قبل لا يعطي الطيار الاصل لأنه إذا وصلتي الملحقيه تعطيهم صوره القرار ويفتحوا لك الملف ..ولما يجي رقمه بمكتب الطيار يقوله الموظف عن موعد الرحلات وعلى اي خطوط وهو يختااااااار بس نقطه انتبهي لها ..لما يحجز لا يقول ابي ((جده -لندن)) لازم يقول ((المدينه -جده -لندن)) حتى الوزارة تدفع عنكم قيمه التذكره من المدينه إلى جده .. لأنه لو قلتوا نبي جده- لندن ..معناتها حتدفعون قيمه التذكره انتي ومحرمك من المدينه إلى جده ..
انا حجزت ((المدينه -جده-لندن)) واسئل الله التوفيق والمعونه لي ولكي ولجميع الاخوه والاخوااااااات

مثال للتوضيح / لو محرمك وصل للرياض وسلم اوراقه يوم السبت الصباح بدري يعني الساعه 8 مع بدايه الدوام .. ان شاء الله يوم الاثنين الساعه 11 وهو مستلم التذاكر وبيرجع للمدينه يعطيكي تذكرتك ..

مشكور ابو سعد طمنتني الله يطمن قلبك..

الله يديك العافيه ابن المملكه على التوضيح..

بس انا سالت وقالوا انا البريد الممتاز يوصل في نفس اليوم؟؟؟؟؟؟؟؟؟؟؟؟؟؟ويضمنوا وصول الاوراق كامله؟؟؟؟؟؟؟؟؟؟؟
لانوا انا مضطره ارسلها بالبريد!!!!

والله لو قدرتي ترسليها مع اي شخص ثقه بيكون احسن وافضل لأنه بالبريد اشوف ان ربعنا لسى ما تأقلموا على هاذي الخدمه ... اخرجي من بيتكم وشوفي صناديق البريد كيف مكسره ولا صندوق سلم هههههههه .. إذا لك بنت عم والا خاله والا اي قريب بالرياض ارسليها له احسن وهذا رأيي لكن إذا تعذر وجود احد ...
فما لك الا ترسليها بالبريد او تعطونها معقب ثقه ثقه ثقه يخلص لك اوراقك ويجيب لك التذاكر للمدينه .. بس اللي اعرفه لازم يكون محرمك موجود يوم يبي يقص التذاكر ... لأنه لو قلنا انك ارسلتيها وكل شئ تمام .. طيب من بيآخذ اوراقك ويوصلها لمكتب الطيار وينتظر دوره ويقص لك التذااااااااكر ؟؟ الوزارة طبعا لا ..

مشكوور مره ثانيه يابن الوطن...

انا ابغى اخذ بنصيحتك.....من جد ما اضمن البريد بالسعوديه..

اتمنالك التوفيق في دراستك ورحله سعيده..

والله يا عبير انا رسلت اوراقي يوم الاربعاء بالبريد الممتاز وشيكت على حالة الطلب في النت يوم الاحد الي هو امس وتم طباعة القرار يعني ما ياخذ معاكي الا كم يوم... واهو ما بقي الا ارسل احد يجبلي هيه من الوزارة... والله يسهل
اما بالنسبة للأخ ابن المملكة ليش ناخذ صوره من امر الاركاب قبل ما نعطيها مكتب الطيار!!!
قصدك للاحتياط؟؟؟
وبالتوفيق للجميع""

يا اخوااان لا تكبروووون المووضووع وتخووفوون الاخت الكريمه ,,,

انا براااي انك ترسليها بالبريد وهي اصلا وشهي الاوراق كلها صووور مو مشكله لو ضااعت ولو مر يومين ثلاثة ما تغير شي بحالة الطالب في الحالة هذي ترجعين لطريقة الاخوان اللي قااالو ,, الفايدة من طريقتي انا اللي اقترحتها اللي هي ترسليها بالبريد على شان يختصر لك الوقت فالمحرم يروح للرياض مره وحده بس وهو عندما يستلم قرار الابتعاث ويقص التذااكر احسن من يروح يوم السبت ويقعد هنااك الى يوم الاثنين ,,,, وجهة نظر فقط لا غير

تقبلووو مروووري

وعلى فكره عندي وحده من صحباتي رسلت الجوازات الاصليه بالبريد لاحد تعرفه بالرياض عشان يجبلها القرار ورجع الجوازات ايضا بالبريد "الفديكس" ...
وبالتوفيق للجميع""

ارسلي بالبريد الممتاز علىالعنوان الموضح من قبل الوزاره وكلها يومين وحالة الطلب تم طباعة القرار ان شاء الله توكلي على الله والحقي الوقت لا يصير الطيران فل وما تلاقي وقت تروحي فيه قبل الدراسة