شريحة جوال بريطانيه فري

الله اعلم يمكن لوجه الله ببس اخذ حذرك وتأكد

شكرا اعياد والله يديم عليك الاعياد

يا أخوي انا ما أعرف شيء عن هذي الشرايح بس في لندن يوزعونها يالشوارع ..واناعن نفسي اقول (ان كان فيه خير ...ما كان رماه الطير)

واحسن لكلمن توصل لندن بالسلامة انت والمدام توجه لأقرب محل تلفونات واشتري شريحة Vodafone او Orange هذي الشركات اللي تحضرني حاليا وفيه كثير ...

بس اضمن الشيء اللي تشتريه بنفسك ...واصحك تأخذ شيء من أحد هناك

قول Thank you وبس

تحياتي

هذا شبكه اسمها ثري ستور شركه قويه وعملائها كبار وتعتبر من شركات الرخيصه

فودفون وارونج من شركات الغاليه وقليل من بريطانين يستخدمونها الا طبقه عاليه لغلاء سعرها

تفكيرهم دقيق يحسبون البنس قبل الباوند

طيب ابي اسال سوال بعد اذنكم
من وين اخذ شريحة جوال
يعني هل عندهم مثلنا مكاتب للجوال او شركات زين او موبايلي
ووالي مجرب ياليت يقول لنا كيف اسعارهم وخدماتهم

اخي غريب بموطن الازهار هل تنصحني فيها وهل سعر المكالمات فيها معقول

أيوة عزيزتي
فيه مكاتب للجوال مثلنا بس مثل شركاتنا شركات ثانية بس بصراحة اسعارهم انا ما اقدر اقول لك اذا هي غالية او لا مقارنة بالشركات الثانية ..مثل ما قال الاخ العزيز

بس انا قلت الشركات اللي انا اتعاملت معاها شخصيا ...

والله ييسر

بالنسبه لشرائح الشحن تعتبر اغلب الشركات مثل بعضها بس اغلب شركات تقدم عروضات مثل ثري تعبي بعشره بالايام العاديه بالويكند ينزلولك عشره باوند مكالمات مجانيه
او فودفون تعبي خمسه باوند نهايه الاسبوع يعطوك مكالمات مجانيه لامحدوده تستخدمها طول الويكند

بس بالنسبه للعقود تاخذ معاهم عقود شهريه فيه شركه تي موبايل من افضل العروضات الى الان بالاسواق هو تاخذ شريحه جوال 30 باوند شهريا يستقطعونها من حسابك مقابل 1400 دقيقه مجانا ورسائل لا محدود

1400 كثيره انا بعض الاوقات يوم يخلص الشهر يبقى عندي رصيد 500 دقيقه

وممكن تاخذ عقد من فودفون وتعمل معاهم اتفاقيه على خمسه ارقام انك تكلمهم فري وقت ماتبغى بدون مايحسبون عليك بس يكونو من شبكه فودفون نفسها الارقام الاخرى

ووفي منفاسات قويه جدا وتقريبا هم ست شركات اتصالات

وافضل شركات رخص مكالمات دوليه للسعوديه هي ليكا موبايل وليبارا

بس انا افضل استخدام بطائق الي هي كروت مسبقه الدفع مثل زجول بالسعوديه وافضلها اي فون تاخذها بخمسه باوند تعطيك 120 دقيقه للجوال وتباع باي بقاله

تحياتي لك

شركة 3 من اقوى الشركات في نضري...ولها معي الان سنه ميه ميه وافضل عروض مقدمه لبطاقات مسبقة الدفع هي من شركة 3 فتقدر تشحن ب25 باوند ويعطونك 700 دقيقه لأي خط في بريطانيا واي شبكه و100 دقيقه من شركة 3 الى 3 ....صراحه هي المفضله عندي وعند اغلب الشباب اللي اعرفهم فهي تعطيك دقائق مجانيه وبدون ارتباط بكونتراكت ماتعرف كيف تخلص منه .....ومااعرف احد جربها وماعجبته........وحتى عروض الكونتراكت اعتقد في شركة 3 عندهم عروض رخيصه مره 20 باوند شهريا يعطونك جهاز n95 مطور اسود ومعه 700 دقيقه وحوالي 300 رساله وماني متأكد بالضبط من العدد بس حول هالارقام