يا أخوان جامعة برمنغهام ولا وريك ؟

للرفع بليييييز جاوبوني

انا بالصدفة شفت هالمنتدى وانا اتصفح النت.. والله انا سجلت في هالمنتدى بس علشان أرد على استفسارك لأن شفت للحين محد رد عليك وانا بحكم تجربتي اقدر اجاوب على السؤال..

انا درست في جامعة warwick وتخرجت منها.. و coventry قريبة من منطقة birmingham فكنت أزورها كثير..

بشكل عام مستوى جامعة Warwick أفضل من جامعة Birmingham ..
جامعة Warwick من أفضل الجامعات في بريطانيا.. ودائما تكون في الtop ten بل الtop five
وهالشي يعني إنها صعبة.. ومستواها عالي.. واللي عنده شهادة منها أكيد الناس بتنظر له وكأنه محقق إنجاز كبير جدا..

لكن هالشي ما يعني إن جامعة Birmingham مستواها غير جيد.. بالعكس.. هي أيضا من أفضل الجامعات في بريطانيا.. ولها تاريخ وسمعة ممتازة.. لكن بالمقارنة.. Warwick أفضل وأقوى..

لكن سؤالك عن الكآبة.. وبصراحة انا من خلال تجربتي.. بالفعل.. Coventry كئيبة جدا.. عكس Birmingham مدينة رائعة وجميلة وكبيرة.. فيها كل شي.. وكنا دايما نروح لها في الweekends.. وفيها مجمع كبير جدا وحلو..

الحلو في Warwick إن المدينة الجامعية جميلة جدا.. يعني فيها كل اللي يحتاجه الواحد.. سوبرماركت.. gym.. مركز رياضي كامل فيه مسبح وملاعب.. سينما ومسرح.. مطاعم.. 3 فروع لبنوك.. شركة تأمين.. شركة سفر وسياحة.. يعني بصراحة مدينة جامعية متكاملة.. هالشي يعطي ميزة لهالجامعة.. وفي ناس وايد يعتبرون إن المدينة الجامعية لwarwick من أفضل المدن الجامعية في بريطانيا..

ما عندي فكرة عن المدينة الجامعية لجامعة birmingham لأني ما زرتها..

نصيحتي لك.. بما إن المهم عندك هو الابتعاد عن الاكتئاب.. اختيار جامعة Birmingham .. لأن مستواها الأكاديمي ممتاز، رغم أنها ليست أقوى من Warwick.. والمدينة جميلة جدا..

ولكن إذا كان يكفيك كونك في مدينة جامعية جميلة ومتكاملة.. بغض النظر عن كون السيتي كئيبة.. فWarwick ممكن تكون خيار جيد.. و جامعة Warwick تبعد عن Coventry City Centre حوالي نص ساعة بالباص.. وعلى العموم في حال اختيار Warwick هناك خيارات للابتعاد عن الكآبة.. مثلا الذهاب إلى Birmingham في الweekend .. محطة القطار تبعد عن الجامعة حوالي 20 دقيقة بالباص.. والقطار ياخذ حوالي 20 دقيقة إلى birmingham يعني الرحلة تاخذ حوالي ساعة إلا ربع من جامعة warwick لوسط مدينة birmingham.. ومن الخيارات الأخرى للابتعاد عن الاكتئاب هو الذهاب لمدينة Leamington Spa واللي ممكن الواحد يروح لها بالباص مباشرة من الجامعة.. والمسافة حوالي نص ساعة (أو أقل).. المدينة صغيرة بس حلوة.. فيها خيارات كثيرة من المطاعم مثلا.. وفي عدد كبير من طلبة جامعة Warwick اللي يفضلون إنهم يسكنون في Leamington بدلا من السكن في المدينة الجامعية.. لكن العيب في هالشي إنهم يضطرون ياخذون الباص كل يوم روحة وردة.. بس في المقابل يكونوا في مدينة صغيرة وجميلة وغير كئيبة بشكل عام.. ولكن الناس اللي يفضلون المدن الكبيرة مثل London و Birmingham ممكن ما يعتبرون Leamington مدينة كثير حلوة.. لأنها صغيرة..

آسف إني طولت عليك.. بس حبيت أقدم شرح وافي..

المختصر المفيد:
Warwick أقوى وأفضل.. ولكن مدينة Coventry التي تقع فيها الجامعة كئيبة.. لكن في خيارات للابتعاد عن الاكتئاب مثل الذهاب لBirmingham في الإجازات..

Birmingham مستواها ممتاز أيضا ولكن مو بمستوى Warwick .. مدينة جميلة جدا وكبيرة وفيها كل شي.. اللي يحبون إنهم يكونوا في مدن كبيرة.. Birmingham خيار ممتاز لهم..

وانا حاضر للإجابة على أي سؤال..

تمنياتي بالتوفيق إن شاء الله

جعلك ربي ذخر
وجزاك كل خير
ولا رد لك سؤال

كفيييييييت ووفييييت
للآن نفسي ياخوي بالثنتين
بس يمكن اختار وريك لان اهم شئ الدراسة والواحد يغير جو بالويك اند

سعيدة جدا جدا جدا بطرحك وتفصيلك بارك الله فيك

يا سيدي يكفيني شرف انك سجلت بس لاجل ترد علي اكرمك ربي
ونفسي تكلمني أكثر عن تجربتك في وريك

انا فاضل عندي الكثير من التساؤلات

انا حادرس Linguistics عذريني باطول عليك لان مثلك كنز
واخوي مرافقي تخصصه تربية خاصة بس ماشفت شئ عن التربية الخاصة بالجامعة او ما عرفت ابحث عن الكورس يمكن ابحث في Education ؟؟

كذلك ياخوي انا حاختبر ايلتس وان شاء الله ربي يتمم لي واحقق ال score المطلوب

اخوي على اساس بيدرس لغة فأبي اختار له معهد قوي وقريب مني
فهل أختار معهد الجامعة نفسها أو .....؟؟

بعدين اليوم اقترحت عليه يختبر ايلتس واللي يجيب فيه يجيبه ويكمل فقط كورسات اختصارا للوقت

فايش رايك يا طويل العمر ...

وكمان ابغى اعرف تقييم كل تخصص على حدة في الجاعمة نفسها لاجل اقدر احدد معترف به ولا لأ عندنا بالسعودية

مشكووووووووووووووووووووووووووور

تتوقع ألقى بيت غرفتين لي ولأخوي بأقل من 500

كذلك فين تفضل السكن ؟؟

بحريني مشكور جدا..

كيف الأسعار في هذه المدينة .. لأني انوي التقديم على وارويك .. سواء في المدينة الجامعية او خارجها ,,

السسلام عليكم ماشاالله شكلكم تخرجتم
كيف الجامعه انا وددي ادرس ماجستير ياليت تفيدوني