۩۞۩ معـــــــــــلومات تهم كــــــــــل مبتعث ۩۞۩

تسلمي حبيبتي ( شمالية ) على كل حرف كتبتيه واستفدنا منه

انا لسه في بداية المشوار ( دوبو جاني القبول المشروط ) باقي ورايا اجراءات كتييييييييييييييييييرة ربي يسهلها

ربي يسعدك ويوفقك حبيت اشكرك ع المعلومات المفيدة

يا جماعة الخير انا عندي استفسار ، الوالد يعمل باحدى الملحقيات العسكرية بآسيا ، و انا يا طوال الاعمار ابي ادرس ببريطانيا تخصص علوم سياسية ، جاني قبول من جامعة بانجلترا بمدينة قريبة من لندن ، واحد جاب لي القبول من هناك ، شخص يعرف الوالد الله يحفظه ، و قالي ابوي اني لازم اطلع جواز عادي لان الدبلوماسي يقولون ما بينفع لان باقي له سنتين و يخلص و بيسحبونه مني ، و انا ابي ادرس بكالوريوس .. و اظن اني اذا طلعت الجواز العادي و اكتملت الاوراق اللي طلبوها مني الملحق الثقافي بلندن ، يرفع ابوي اوراقي للملحق الثقافي بالهند و انتظر القبول .. لكن انا سؤالي هنا هل ولد الموفد الدبلوماسي و حالة التقديم حقتي تضمن لي انهم يقبلوني ببعثة و تتيسر الامور ولا الموضوع فيه احتمال رفض؟ و هل اذا هناك رفض هل فيه سبب؟ انا بس هذا اللي شايل همه لاني حاط املي بالله ثم في هذي البعثة ، و هل قبولهم لي بيطول؟ لان الجامعة قبلتني ع السنة الدراسية الجديدة ببريطانيا يعني ببدأ في سبتمبر 2016 يعني بعد تقريباً 6 شهور ، فأبي رأيكم يا اخوان و هل تعرفون احد دبلوماسي قدم بنفس طريقتي و قبلوه ولا كيف الوضع؟ سؤالي بالتحديد عن الملحق الثقافي بالهند اللي هم بيدهم بعد الله قبولي من عدمه .. تكفون ابي اجابة .. لاني اخاف اني ما انقبل ، مع العلم ان الجامعة متكدسة ببعض التخصصات لكن مب بتخصص العلوم السياسية لاني انا شيكت على الجامعة بموقع وزارة التعليم العالي .. و يعطيكم الف عافية

ي هلا اخوي انا ولد القنصل المملكة العربية السعودية في إحدى الدول الاجنبيه

أما بشأن أسئلتك راح اجاوب عليها بالي فهمته لأنه حوسه

"هل ولد الموفد الدبلوماسي و حالة التقديم حقتي تضمن لي انهم يقبلوني ببعثة و تتيسر الامور ولا الموضوع فيه احتمال رفض؟ النظام واحد يتطبق على الكل إلا إذا أبوك يمون على إحدى المدراء الكبار أو وزير التربية والتعليم في المملكه العربيه السعوديه تقدر تتخطى هذي الخطوه ولكن النظام واحد اذا تبيه قانوني وانا عن نفسي أنصحك تبعد عن التقديم في وزارة التربية والتعليم لأنه أبوك مو قاصر عليه الصرف بس يجب عليك ان تعرف الجامعات المعترف بها وهذي حال كل الناس الدبلوماسيين والتجار يأخذون الجامعات المعترف بها في دولتهم عشان يوم يتخرج تعتمد في دولته

و هل اذا هناك رفض هل فيه سبب؟ ايه نعم ينكتب السبب في الرفض

هل قبولهم لي بيطول؟ لا ما يطول يستغرق شهر

هل تعرفون احد دبلوماسي قدم بنفس طريقتي و قبلوه ولا كيف الوضع؟ أنا دبلوماسي وما قدمت لاني ما احتاج اني أقدم على حساب الحكومة

سؤالي بالتحديد عن الملحق الثقافي بالهند اللي هم بيدهم بعد الله قبولي من عدمه شدخله الهند اذا انت تبي تدرس في بريطانيا واصلآ شدخلها السفارة كلها في دراستك اذا تبي تدرس على حساب الحكومه يكون مرجعك الأساسي وزارة التربية والتعليم في دولتك وأي قرار يجي من وزارة التربية والتعليم في دولتك أما ملحق الثقافي عباره عن ربط بينك وبين وزارة التربية والتعليم في دولتك مثل شغل أبوك أبوك عمله هو ربط بين وزارة الدفاع و الداخليه و العساكر السعوديين الموجودين في الخارج مثل الهند

اذا تبي نصيحتي تعال في جامعة واشنطن للدراسة العلوم السياسية اذا كنت دبلوماسي لأنه الجامعه هذي في كليه العلوم السياسية ما تقبل غير وزراء و أمراء ودبلوماسيين وكبار الشخصيات في العالم وقبولها صعب جدآ

جزاك الله خير ع المعلومات
ولكن انا لي فقط تعليق على التضخيم العجيب !
https://polisci.wustl.edu/
https://www.polisci.washington.edu/about
انا بحثت في الجامعة اللي قلت عليها, ووسعت نطاق بحثي لجامعات واشنطن الاخرى
وكذلك بحثت في بروفايل الطلاب الدراسين والمتخرجين, كلهم ناس عادية و بعضهم كذلك blue-collar .. ماشفت وزراء ولا حتى مندوب وزير
خلاصة الكلام: أترك عنك نفخ الريش

أهلا اختي تووتة ماشاءالله عليج تحبين تنصحين رجاء تواصل مع the American University كليه علوم السياسيه و اسئليهم هو قبول فيه ولكن صعب لأنه نسبه كبيره من الدبلوماسيين موجوده في كليه علوم السياسيه أما قبول في الكليات الآخرى عادي

السلام عليكم..
موضوع رائع ح جدا الله يحزاك الخير
سؤال ...هل يصرفون رواتب للمرافقين الي معاي وجايين بفيزا سياحيه
وهل اقدر اطلع فيزا دراسيه لأولادي وزوجتي...علما ان قرار ابتعاثي لدراسة اللغه والماجستير؟
الرجاء وفضلا لا امرا اذا احد يقدر يساعدني يراسلني على الايميل هذا؟

abufarah.yhotmail.com
لان توي سجلت في الموقع هذا ولا عندي خلفيه كبيره كيف حيكون الرد او زي كذا؟!!!
وشكراً لكم

لا يجوز وضع ايميلك الشخصي لأنه مخالف
بشأن طريقه الرد يكون في المنتدى عن طريق اقتباس كتابتك
أما بشأن موضوعك لا لأن تمشي لهم أعانه وذلك بسبب التأشيرة والإقامة في الولايات المتحدة الأمريكية يجب عليك ان تغير الفيزا إلى أقامه مرافق مبتعث بدال B2 إلى F2

نعم تقدر ويوجد هناك طريقتين ولكنك انت راح تطلع فيزا مرافق وليس سياحه
اذا كانت التأشيرة B2 يجب عليك ان تستخرج قبول من المدرسة المراد الدراسة بها وتحويل التأشيرة من B2 إلى F2 عن طريق إدارة الهجرة الموجوده في مدينتك "بعضهم يمشون معاملتك اذا جبت لهم إثبات انك تدرس في أمريكا وهم عيالك وبعضهم يقولون لك لازم ترجع وتطلعها من دولتك ومليون سالفه وسالفه علمآ أن النظام واحد"
اما اذا طلعت تاشيرة F2 لأن تحتاج سوى قبول مدرسه و الملحق الثقافي سوف يتكفل في دراستهم

سؤال للاهمية عن معهد في اكسفورد هل في احد يعرف عنه شي وكيف مستواه ياليت احد يساعدني The Oxford English Centre

بعد طول غياب 13 عاما عدت لهذا الملتقى الجميل الذي خدم طلاب الابتعاث شكرًا للقائمين عليه وشكرا للعضو المتميز شمالية على مواضيعها الشاملة الله يكتب لكم جميعا الاجر

الله يسعدك ويجزاك خيرررر .. صحيح الموضوع قديم جددددددداً لكن حسيت نفسي فهمت كل شي يخص الابتعاث. ماقصرت والله الشمالية .. أتمنى تكون الى الان موجوده وتقرأ ايش نقول 🙏🏻❤