لاتخلون أحد يضحك علينا في بريطانيا

حياك الله اخوي والله يوفقك ويوصلك بالسلامة ويسهل لك كل امورك ..

زي ما قالوا الاخوان فوق صعبة نعطيك تفاصيل كل الاسعار في بريطانيا لكن ممكن انك تحدد الاشياء اللي انت مهتم فيها او اننا نعطيك رؤوس اقلام واساسيات في المشتريات في بريطانيا ..

بالنسبة لي ورأيي الشخصي حاول انك تتعامل مع السوبرماركتات الكبيرة .. ازدا ASDA افضلها بالنسبة لي .. ولدل LIDL بعده ... وعندك تسكو TESCO .. وعندك كذلك اذا كنت في اسكتلندا سوبرماركت اسمه سكوت ميد SCOTMID .. وفيه سوبرماركت ما جربته ابدا لكن اسمع انه رخيص واسعا منافسه اللي هو الدي ALDI .. هذي كلها من أفضل الأماكن اللي ممكن الواحد يتسوق فيها واكيد فيه غيرها ما اعرفه او راح عن بالي .. مع العلم ان في بعض هالسوبرماركتس تلقى اشياء ارخص حتى من السعودية ..

حاول تبتعد عن محلات وبقالات الاسيويين المنشرة في كل مكان اللي هم النيوز ايجنتس وغيرهم .. طبعا هذي الاماكن للاشياء الاستهلاكية .. الصيدليات فيه عندك بوتس BOOTS وفيه بعد اماكن للالكترونيات زي Argos و Currys .. وفيه أماكن البضاعة المستعملة اللي هو كاش كونفيرترز Cash Convertrs والمحل هذا بالذات منتشر في كل بريطانيا وعنده بضاعة مستعملة بجودة عالية يضمنها لك لمدة شهر بعد الشراء .. ما جربته ولكن اللي جربوه من الشباب يمدحونه ..

أتمنى اني افدتك وافدت الاخوان باللي اقدر عليه وزي ما قلت لك هذا رأي شخصي قابل للخطأ .. وأكيد فيه غيري من الأخوان خبرته اكثر ويعرف أشياء أكثر ..

اذا ممكن أفيدك أو اي أحد من الأخوان في أي شي انا حاضر باللي اقدر عليه ..

الله يوفقنا وياكم ..

لا تشلون هم كل شي مسعر وان شاء محد يضحك عليك لكن تختلف احيان الاسعار مثل سعر المياه كل شركه لها سعر وانتا تختار الشركه الي تناسبك .
ويوجد بعض الاختلاف البسيط كل ماقربت من السنتر يكون اغلى بفرق 30 بنس او 20 بنس .
لكن لما تشتري من واحد عربي فك عينك تمام لان احيان عليهم حركات تفقع القلب

ليه وطلعت الليل ممنوعه يعني ؟؟
المعهد حسب ما سمعت انه يخلص على المغرب ؟؟

ولا تقصدون تالي الليل ؟

الله يعطيك الف الف عافية على الرد
وياسلام عطيتنا كم سوبر ماركت ... وبعد صيدليات ومحلات الكترونيه
والله من جد يعطيك العافيه والله يوفقك ...
وماقصرت على النصايح اللي عطيتنا : )

يعطيك العافيه يالغالي وماقصرت يابورسمث
وانا معهدي في بورسمث اللي هو المعهد الجديد سكول بورسمث الجديد
وش رايك فيه بالله زين ولا شين
وماقصرت يالغالي

تطلع المغرب شكلك ماخذ 30 ساعه

أتوقع تالي الليل يعني من الـ9 وورا
خبرك سكر ونكر

حياك يوفي

اخوي يكفي انك هلالي ثنياني .. لووول .. ولاعب كول اوف ديوتي

الله يوفقك حاضرين لكل الاخوان باللي نقدر عليه ان شاء الله .. ولو تبي احد يستقبلك في مطار لندن ويوصلك للملحقية ترى موجود واحد عربي معه سيارة كبيرة ويوصل باسعار مسبة جدا وارخص من الباقين .. يعلم الله مالي فيه اي معرفة او علاقة او فايدة ولكن رغبة في مساعدته بحكم انه مسلم في بريطانيا ورغبة في مساعدة الاخوان اللي بيجون بريطانيا .. اذا كنت ما ضبطت امورك من هالناحية علمني والرقم موجود ..

الله يوفقنا واياكم ..

والعربي ذاا ياااخوي فرعون مضمون ولالا ؟

هلالي مشكور على الموضوع والشكر موصول للاخوان الي ردوا قبلي

فرعون من هو السائق .. لا يكون مصطفى الجزائري؟

وبكم يوصل الى السنتر في لندن ؟

نبغى بالله نعرف اسم السائق وجنسيته وكم بالضبط ياخذ؟؟؟؟