++ تجمع معهد كابلن أسبيكت .....أدنبــــــــــرهـ ....!!! حياكم===

لورنس اول شي مشكوور على المعلومات وما قصرت

لكن خوفتني بصراحه من المعهد لاني من اول سامعه انه سيء

لكن انا قلت بروح واتوكل على الله اجرب حظي لانه كل شخص وله وجهة نظره وآراآهـ

وانا حاطه ببالي ان ما ارتحت فيه على طول بغير على معهد بازل او معهد جامعه هيروت وات


وبالتوفيق للجميع

يعني دحين الي فهمته ان احسن معهد في ادنبرة :هاريوت وات
طيب كيف نظامه؟في اختبار؟
و كيف المدرسين؟

ايه كفو محتاجين الدعاء ترا كثرو منها عشان ارد << ذلكم صح

مافهمت وش تقصدين باجراء التحويل !! اذا مابديتي دراسه كلمي الملحقيه اذا وصلتي وقولي ماابي المعهد ذا مو زين بكيفي مابيه عطني شي ثاني او تقولين له اسم المعهد الثاني
طبعا ماابي اوهقك بس لو انا بمكانك بسوي كذا وبنشب لهم لين يغيروني لانهم موظفين عشاني انا مو عشانهم .
اما الحيين اللي قلتيهن اول مره اسمع بهن لكن ادنبره كلها راقيه اللهم كم حي ومو كله بس منطقه معينه
ودائما الحي البايخ اللي فيه عصابات اللي يكون فيه سكن للفقراء والظاهر ادنبره فيها اربع اسكاانات فقرات << جمع المذكر السالم عندي منعدم معليش
اسكني قريب من السنتر قريب من المعهد كل الاحياء زينه
انا سكنت في منطقه قرانتون وكانت حقت عصابات بس ماعمري شفت شي ولا تحرش وولا شي
وصارت لي مشاكل بالسنتر بشارع البرنسس ستريت بكبره
يعني ماتعتمد على الحي
لكن نصيحه دورو حي يمر فيه باص 22 هع هع قاهرني هالباص اكثر شي بالديره كل خمس دقايق يجي باص ولا يوقف ابد
علموني وين المعهد اللي تبونه واقولكم وين تسكنون
لجامعه هاريوت وات اسكنو في شارع قورقي او سلات فورد
لجامعه هاريوت وات النورث بردج ومابعده
لكابلن عادي لو تسكنون في ابعد شي مايدققون على الحضور
لكن نرجع ونقول على حسب المعهد تدورين السكن
كابلن يوفر لكم سكن ويعلمكم كم المسافه بالدقايق من البيت للمعهد واي باص تاخذونه قبل لاتجون


سؤالك بالنسبه لشبكه المواصلات
هنا المواصلات حلوه صح انها ارتفعت شوي قبل اسبوعين بس عادي
بطاقه باص لمده شهر اذا كنت طالب تحت 25 سنه بـ 41 باوند والتجديد بـ38 باوند
وبدون بطاقه الرحله اليوميه اي باص بـ 3 باوند
ورحله وحده بـ1.20 باوند
وللدشير الباص النايت اذا معك بطاقه تحط البطاقه وتنق 1.50 باوند
واذا مامعك بطاقه بـ3 باوند
واحلى تحيه للدشير

سؤالك بالنسبه لبرد ادنبره
ماشفنا برد
افتح الدريشه بالليل
ماالبس شتوي شتوي يعني البس عادي تي شيرت وجاكيت واذا دخلت الفصل شلت الجاكيت لانه حر
مره رحت للندن قسم بالله ثلجججججججت
ميزة ادنبره انها محاصره بسبع تلال
يعني صعب يجي هوا وصعب يجي ثلج لكن احيانا يجي لكنها ادفأ مدينه شتويه
ادفى من كل بريطانيا
الحين فاتح الدريشه ولابس شورت وتي شيرت وشبه حران

من ناحيه الاكسنت ماهو صعب بالعكس سهل اذا عرفتي له
اول مره وثاني مره ماراح تلقطين
لكن بعدين تفهمين له اكثر من الانقليز
وادنبره بشكل عام مدينه طلاب يعني قليل ماتقابلين مواطنين واذا قابلتي راح يكونون متساهلين بالحكي
انا ساكن مع اسكوتلنديين حاليا وافهم عليهم وانا مالي الا ثلاث شهور

بالنسبه لسؤالك الاخير
وشو بيت غير امن ؟؟
اغلب العوايل يكونون عجز وحبيبات بالحيل يدورون السوالف
انا وعجوزي السابقه احلا حلاوه ومدلعتني وتتقضى لي وتعطيني سيارتها وتسافر وتعطيني مفاتيح البيت الا مفاتيح البيت معي مبطي لكن تقولي بطلع اسبوع والثلاجه مليانه اكل سو اللي تبي
لكن متفاهمين انا واياها
واكيد اي عائله امان اذا كانت من طرف المعهد
وهم برضو خايفين منكم ترا يعني الدعوه امان من الطرفين

موفقين ان شاءالله
اي حاجه ثانيه حاظرين
لاتفوتكم التخفيضاااات توني متقضي جاكيتات على 3 باوند وجزم وانتم بكرامه على 10 وماركات مو اي كلام

وشو
الحين جيتي هنا ولا ماجيتي واي معهد حلو قصدك
متى جايه انتي وكيف 9 شهور اذا انتي في هاريوت وات مايمديك

اللغه على حسب مستواك قولي مستواك واقولك كيف وارسم لك خطه
دراسه اللغه سهله للي يبي يتعلم وصعبه للتنك
حددي انتي تنكه ولا تبين تتعلمين
اذا تبين هاريوت وات روحي لها ليه تشطحين لكابلن
اذا تبين تنبسطين وفله ووناسه وبدري على الدراسه بالجامعه روحي لكابلن
على فكره هاريوت تبدا الدراسه فيها كل سبتمبر يعني شهر تسعه يعني مابقى الا سبع شهور
كورسهم الصيفي حلو ادخلي كابلن طقطقي فيه وخشي الكورس الصيفي حق هاريوت وموفقين

لا لا طقيني

الا طقيني
قسم بالله بعض الناس ذولي يحسبون العالم شغالين عندهم << حسيت اني قوي
وين الدعاااء بعدين مادعيتي لي

معقدين السالفه انتم

يختي تخيلي معي
شغلي التنكه شوي عفوا دماغك
فيه بقاله تبيع ببسي للحاره
ببسي واحد للحاره كلهم
جاء واحد من برا قال بدفع لكم نفس مايدفعون الحاره وبشرب معهم ببسي
وش رايك بالبنقالي اللي يبيع بالبقاله يبيع له ولا لا مع العلم انه بايع بايع للحاره هالببسي
تفكرين بعد انتي ووجهك اكيييد يبي يبيع
يبون فلوس الجامعات
يبون طلاب
مدير خدمات الطلاب فارس رايح لدول الخليج يستقطب طلاب ورايح للسعوديه واكثر من مدينه
يختي رااايح للباحه عشان يجيب طلابببببب
اكيد سهل بس بشرط انك تكونين موافقه للشروط

ج1 اللغه تاخذين القبول وانتي واقفه بس راسلي فارس اذا تبين ايميله ارسلي رساله بالخاص لاني حاولت احط ايميله هنا منعوني وبالنسبه للماستر تاخذينه بعد اسبوعين على الاقل وبرضو وانتي واقفه تعبين الطلب.

ج2 وشو كيف اخبرهم ؟؟؟ تشحذين منهم انتي !!!!!!!!!!!!!!
دقي على المشرف او ارسلي ايميل وقولي ارسلي ضمان مالي للمدرسه الفلانيه وبسرعه لو سمحت
ترا الموظفين مو سعوديين ومسوين فيها هيبه اكرشيه بكم كلمه ويخاف
الله يخلي ابو متعب هذي بعثه مو اي كلام وش خايفه منه
قولي ابي 12 اسبوع ولا يكثر واذا مره روحي للسدحان فوق وبس

ج3
الايجارات حر والجو رخيص
قصدي الجو حر مو حر يعني براد مكيف صحراوي وانتي توك متروشه احيانا يسبب العطاس واحيانا لا
لكن اصحاب البشره الرقيقه مثلي يكثر عندهم المشق خاصتا في المناطق الـ مو حساسه (يعني مكشوفه بس انا ملكع ) يعني الوجنتين واصابع اليدين ونصيحه اذا ركبتك سوده جيبي فازلين لان الفازلين هنا غالي واذا الركبه عسلي جيبي جلسرين الاصلي واذا الركبه بيضا مايبيلها كلام نيفيا
طلعت من الموضوع بس سؤالك عبيط شوي الجو بارد بس حلو ونفس جوابي فوق لابس شورت انا الحين وفاتح الدريشه


تنويه
الكلام الوارد اعلاه لايمس المشاعر والاخلاق ابدا
واذا حصل وكان هناك مس نقدم اعتذاراتنا لشخصكم الكريم
اخوكم لورنس

هلا والله ذيبان
المنطقه ياطويل العمر على الكوين ستريت(شارع الملكه)
اسم العماره الي فيها المعهد albyn place
الشارع موازي لشارع البرنس ستريت
يعني ان معهدك في الستي سنتر
موقعه خيالي
ومقابل لبازل باترسون المشهور
ومقابل معهدكم فيه بقاله حقت باكستاني مسلم اكله حلال يعجبك بالفسحه
وجاهم موظف جديد مشتغل بالرياض قبل تحديدا بالبطحه زكرتيه يصلحون لك
لاتشيل هم الشقه
اسكن مع عائله لمده اسبوعين على ماتلقى شقه
فيه مواقع كثيره للبحث عن الشقق
مايحضرني شي لكن اسم الموقع ليتنق ويب متلاصقه مااعرف السبلنق مع الاسف
لكن السنتر غالي ماله داعي تسكن فيه
اسكن بعيد شوي واقصد في بعيد مسافه عشرين دقيقه او ربع ساعه بالباص
الشقق وااجد تلقى لاتشيل هم
انت تعال ونبسطك
موفقين يابن نويصر

غدير يابعدي
ماقلت مو زين
الا والله مو زين
قلت مو دراسه
فله ولعب سياحه بالعربي وبسطه وسعة صدر
مافيه هم الدراسه ومافيه كرف الواجبات ومافيه اي شي
علميني متى راح توصلين ووين تبين تدرسين وماجستير ولا بكالوريس ومتى تبدا الجامعه واقولك يصلح لك ولا لا
انا صراحه قعدت في كابلن احسن اوقاتي بس اقولك ماعلمني الا سبيكنق



ززززززززززززززززززززززززززززززززين حبي
وش دخل ام هاريوت وات
هاريوت وات للي يبي يدرس جامعه في هاريوت وات
اما اللي مايبون يدرسون هناك لايجون ابد
هاريوت وات على نهايه ادنبره
هاريوت بالباص من السنتر خمسين دقيقه يعني بعيد والله

علمني وش قصتك واقولك وين تروح


لكن تبقى ادنبره احلى ديرره مرت علي

محظوظين انكم فيها والله

موفقين

للاجراءات الطارئه الرجاء الارسال على الخاص

بحل الواجب برب

اهاا
اولا انا بنت
تانيا..
ان شاء الله ناوية جامعة أدنبرة..و معاي زوجي
بس بدي افضل معهد..مابدي فلة ووناسة ولا شي..
بدي معهد كويس و دراستي بتكون ماستر
و كان نفسي مدينة يكون فيها ثلج!انا حسبت انه ادنبرة فيها ثلج!نفسي اتزلج و اشوف التلوج مالية المكان!
دحين مدينة ادنبرة مايجيها ثلج في الشتاء؟
خسارة>_<
ياريتني اعرف من قبل!
انا لغتي الانجليزية ميح..و بدي ادرس انجلش اكاديمك مرة وحدة.و بدي معهد يساعدني كتير في الإنجليزي..
كم سعر البيوت و كم سعر الشقق؟
و ..بالنسبة لأهل مكة و جدة..فين يسوو الأشعة و التحاليل؟فأيت مستشفى يعني هل هناك مستشفيات محددة؟

هلا لورنس تعرف انك ماشاء الله اجودي وخدوم انما احس انك من الي يلعبوا بالبيضة والحجر .

طيب شوف اذا جيت تكتب ايميل فقط اكتب الاسم واكتب ات هت ميل مثلا .

بعدين ايها الحبيب ياليت تكتب كم اسم هوتيل او شقق اسعارها مناسبة وقريبة من السنتر . على فكرة لازم يكون الدفع عن طريق الكرديت كارد او يمكن الحجز والدفع لاحقا .

ممكن تسميني عم ابو عاصم انا جاي مع البنية وام عاصم .

في رعاية الرحمن.............. ترى لو طلع الجو بارد ؟؟؟؟؟؟؟؟؟؟؟؟؟؟

هههههههههه هلا زين كيف بنت ومتزوجة .

اقول ربنا يحفظك بالنسبة للاشعة كثير مسنشفيات تعملها مثلا في جده المستقبل كان اسمة الدغستاني وبخش وسليمان فقيه وراشد فرعون . فقط اشعة للصدر ويعمل لها تقرير عن حالة الاشعة وانها سليمة ولاحظي الاسم يكون مطابق للجواز .
او شهادة انك اخذتي تطعيم ضد الدرن .
وان شاء الرحمن اتصل على واحد في لندن اتاكد منه .