LinkBack URL
About LinkBacks
ربنا يوفقك يا براد أبو اربعة
بصراحة تجربة تعطي للواحد الطمئنينة
روووووووح دربك خضر
7 " بصراحة تجربة تعطي للواحد الطمئنينة
روووووووح دربك خضر
وصلت بريطانيا وتقريري عن الرحلة و الملحقية والممنوعات
وصلت بريطانيا وتقريري عن الرحلة و الملحقية والممنوعات
تنبيه: هذا الموضوع قديم. تم طرحه قبل 5827 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- الحمد لله على السلامة7 "
الله يوفقك - ماشاء الله تقرير ولا اروع7 "
الله يسهلك امورك والحمدلله علي السلامه وعقبالنا يارب عاد الله الله بالصلاه تشرح الصدر
بس حابه اسأل ايش نوع الحساب الي قدمت عليه في البنك لانه فيه ناس تقول حساب الامانه وماعرف وشو وكمان بالنسة للضمان المالي مو ممكن تاخذة معك لانه بعض الطلاب يتفاجؤا يروحوا المعهد ومحد رسله لهم
جزاك الله خير - الحمد لله علي السلامة7 "
والله يوفقك ويوفق جميع المبتعثين والمبتعثات - من شفت أسمك استبشرت خير7 "
اليوم ع بالي وينك اختفيت = )
حمدالله ع سلامة الوصول والتيسير
والله يعطيك الف عافية
ويهونها عليك - الله يوفقك اخوي والله يسهل امورك كلها7 "
ابغى اسألك ايش المطلوب في البنك يعني ايش الاوراق المطلوبه وهل فتح الحساب يتم بسهوله
عزيزي هل مانشستر من المدن الموقوفه حاليا
اخيرا في الملحقيه هل تروح العائله كامله ولا ممكن يروح مرافق المبتعثه ويخلص الامور هناك يعني شفت احد جايب معاه اطفاله
ادري طولت عليك بس يعلم الله اني دعيت لك لانك اول واحد يروح هناك وما ينسى اخوانه اللي في المنتدى يتمنوا يعرفوا كيف الاوضاع على ارض الواقع - ايش الفندق اللي نزلت فيه؟؟؟7 "
- بالتوفييييييييييق يالغالي7 "
تحياتي - الحمد لله ع سلامتك ياخوي .. وزي ماقالت الاخت شكرا من القلب لانك اول واحد يروح ويعطينا التقرير المفصل عما حدث معاه7 "
::
لكن انت رحت للملحقيه عشان فتح ملف طالب دارس على حسابه او عشان يرفعون اوراقك للوزاره للانضمام للبعثه
وبعدين ماسمعت شي عن موضوع التقدير .. لانه طلع كلام انهم اوقفوا استقبال الطلبات في الملحقيه لمن كان تقديره مقبول في مرحلة البكالوريس
مره ثانيه حمد لله ع سلامتك ... وشد حيلك في المعهد
January 6th, 2009, 12:04 AM
محدثكم براد ابو اربعة من الاراضي الانجليزية بعد ان وصلت بحمدلله ورعايته الى لندن مساء يوم الاحد 4 يناير
اولا والله ما ادري ا ش اقول وا ش ما اقول
اول شي احمد ربنا على الصحة والسلامة وتييسر الامور
بعدين نجي للهرجة
طبعا اولا ركبت من مطار جدة على الخطوط السعودية في ضهر يوم الاحد 4 يناير
وانبرشت على الطيارة وسلمت على الكابتن والعيال لوووووول وقلتلو ها كيف يجي دعس اليوم قلي ما عليك حنمشي الف اليوم قلت بس تمام
المهم واخشلكم على الطيارة واخد الكرسي حقي
ونديها نومة وافلام وا ي حاجة
بس الحمدلله الرحلة كانت هادية يعني شوية مطبات جوية في النص بس ماهي داك الشي بسيطة
المهم وصلنا على مطار لندن كان اظن الساعة 5 ونص اظن ماني فاكر
المهم انو كان ليل لانو الشمس في لندن تغرب حوالي 4
المهم نزلت ومشيت رحت مسكت سرى للجوازات واخد الرجال جوازي وقلي رووووووووح للعيادة
وانا هوا على العيادة ولقيت حرمتين كبار طيوبين على طول اول ما دخلت اديتها تقرير الاشعة قالتلي اووووووه ذاتس قود وفرت علينا وقت لووووووول
فانصحكم تجيبو تقرير اشعة الصدر معاكم وقبول المعهد لازم يكون معاكم
ولا تخافو ما يسالوكم الا ا ش جي تسوي ولا كم حتقعد يعني بسيطة
المهم ياليل ختمنا ونزلنا على تحت طبعا عشان الشنط وفي اكتر من مسار كتيرة
فاول ما تنزل تطل في اللوحة فوق وتشوف كاتبين جميع الرحلات اللي جية وتشوف رحلة جدة مثلا الخطوط السعودية يكتبلك جنبها رقم المسار 7 ولا 8 لا اللي هوا
المهم رحت واخدت الشنط ومشيت
طبعا مافتشو الشنط ولا حاجة بس في كلاب مع الشرطة والناس ماشيين تجي تشمشم الشنط عادي يعني عادي وانت بتمشي بتخرج امشي عادي ممكن يمر الكلب جنب شنطك يشم عادي لا توقف ولا ترتبك ولا شي لانو اصلا لو في شي عز الله الكلب محا يسيبك فانتبهو يعني
والله واتسهلت وخرجت
واول شي كنت ابغا شريحة تلفون جوال
ففي ماكينة زي حقت الببسي كدى دخلت فيها فلوس 10 باوند واخترت شريحة ابو تشحنها حقت فودافون ونزلتلي وزبطتها وشغلتها ورحت البقالة اللي جنبها في المطار طبعا دا وشحنتها ب 10 باوند
المهم طبعا انا حاجز فندق في لندن ليلة وحدة على اساس اني جي في اليل فانام واصحى اروح الملحقية وبعدين اخلص وانزل على مدينتي
المهم من المطار ما اخدت تكسي لانو غالي طبعا والمطار بعيد عن وسط البلد
فاخدت عندكم الهيثرو اكسبريس من المطار ياخدك دايركت الين محطة بادنغتون هادي محطة رئيسية وسط البلد والهيثرو اكسبريس يكلفكم 16 باوند المهم رحت ونزلت بادنغتون واخدت تاكسي على الفندق كلف حوالي 10 باوند نعمة
المهم نزلت الفندق رحت الغرفة ماشي حالها انا اخدت الفندق دا بالعنية لانو جنب المحطة اللي منها حاطلع على مدينتي
ابغا اديكم نصيحة مهمة اللي يقلك والله شفلي اقرب فندق جنب الملحقية اقلك انت غلطان
يجماعة الملحقية بعييييييدة اخر الدنيا غرب لندن قريبة من المطار وبعدين المدينة اللي انت حترحلها حترحلها من وحدة من المحطات الرئيسية ودي المحطات وسط البلد مثلا انا المحطة اللي تروح منها قطار على مدينتي اسمها يوستون فاخدت فندق جنب يوستون قلي ليه
لانو والله الشنط حتتعبكم خاصة العوائل لو انك اخدت فندق جنب الملحقية يا انك حتخرط فلوس تكسي بعدين عشان توصل محطتك اللي حتسافر منها يا انك حتتعب مع شنطك الين توصل محطتك
لكن احسن طريقة بالنسبة ليا اني من المطار على الفندق اللي جنب محطتي اللي حسافر منها لمدينتي واديها نومة واصحا الصباح بالاندر جراوند تحوس الين توصل الملحقية ما معاك عفش ولا شي والاندر جراوند ما يكلفك كتير تخلص امورك يا معلم ترجع فندق وعلى محطتك وتسافر
المهم دي وجهة نظر انا جربتها وعجبتني
المهم في الصباح قمت وفطرت في الفندق اللي هوا صباح الاتنين اليوم 5 يناير
بعدين رحت للاندرجراوند جنبي وشكلي رحت متاخر رحت على 8 ونص صبح
والله ياجماعة انو القطار قدامي يوقف وتتفتح الابواب وما اقدر ادخل من الزحمة
المهم الين دخلت وغيرت تغيرات كتير حست في القطارات الين وصلت المحطة اللي جنب الملحقية
المهم خرجت مشيت ابو دقيقتين كدى ووصلت الحمدلله للملحقية
المهم دخلت زبطت الاوراق رتبت
رحت دخلوها في السستم
بعدين قالولي المشرف طلعتلو
زحمة فوق قسم المشرفين
المهم رحتلو قلي روح افتح حساب افضل
خرجت من الملحقية تخلي الملحقية على يسارك تديها مشي ابو 10 دقايق وتلاقي بنك hsbc على يمينك
دخلتلهم اخدتلي ابو ربع ساعة كدى واخدت منهم ورقة فيها رقم الحساب وكلو
رجعت تاني للملحقية وكانت مررررة زحمة على الساعة 12
حتى مكاين التصوير كلها خلصت الاوراق وحاسو الطلبة صار اللي عندو واسطة يجيب ورقة ويصير لنفسو
المهم اديتها المشرف وقلي ارسلك الضمان المالي حق المعهد على الايميل
المهم طبعا انا اختصرتلكم بس انا وصلت على 9 ونص خرجت 2 فخدو احطيطاتكم
ونسيت اقلكم ترى كل المشرفين ومشرفي بيتكلمو على الست مدن اللي في الجنوب مقفللللللللللة والجدد محا يروحوها واللي يدرسووو هناااااااااك لما يخلص ضمانكم المالي محا يجددولكم هوا فانتبهو وسبعو نفسكم طبعا دا الكلام لمعاهد اللغة الجامعات عاااااادي خد اللي يريحك في الجنوب في الشمال اللي هوا الكلام على معاهد اللغة فقط
وترى ياجمااااعة البررررررد لدرجة انو كان في تلج خفيف بينزل بس بردهم حلو لووول
المهم رجعت الفندق عملت تشك اوت رحت على المحطة جنبي اخدت قطار 4 ونص على مدينتي
نزلت اخدت تاكسي على عنوان البيت انا حاجز مع عايلة استقبلتني الام مرة طيبة وفلة
حتى اخدتني بسيارتها الاودي كشخة ورتني مكان المعهد وشوية اماكن كدى والا مصرة بكرة توصلني الصباح عشان اول مرة قلت يللا مو مشكلة خلينا نكشخ بالاودي خخخخخخخخخخخخ
المهم دخلت وسوتلي عشا ورحت غرفتي والحمدلله عندهم وايرلس في البيت وهوا دحين قاعد اكتبلكم عن طريقو
والحمدلله اتسهلت الامور بفضل الله بس المدينة حقتي ابرد من لندن عندنا 5 تحت الصفر يالييييل
فالله يعين الجميع وحبيت افيدكم واللي عندو استفسار مافي ا ي مانع