المشاركة الأصلية كتبت بواسطة tota1983
بسم الله الرحمن الرحيم
طبعا في البداية احب اسام عليكم واققولكم وحشتوني هي كم يوم بس من جد وحشتوني
المهم انا وصلت لبريطانيا وحأسرد لكم التفاصيل
يوم الخميس 8 يناير : بعد ان جهزت جميع شنطي توجهت الى المستشفى لأودع جدتي قبل ان اسافر ثم توجهت مع العائلة الى مطعم فرايديز وتناولنا العشاء ثم رجعنا الى البيت واخذ الوالد (الله يخليه ) الشنط وطلع ووزن الشنط وعمل البوردينغ وبعدين كلمني
طلعت على المطار امكن الساعة 12 وربع وكانت امامي عدة عقبات رغم كل الترتيبات ومن ضمنها اني نسيت اصرف كل الفلوس لباوند ومعايا سعودي ومامسحت البرامج المنسوخة من الجهاز وماطبعت قبول اللغة وكانت كل مشكلة تدوخني في المطار المهم لفلفت في المطار على احد يطبع لي تتخيلوا مالقيت ولفلفت مابين بنك الراجحي والاهلي مافي عندهم او بالاصح الراجحي قال خلص والاهلي قال مايتعامل بالباوند واخيرا ابغى الغي البرامج وشحن اللابتوب مخلص(شوفتوا النحس) دورت لقيت ابن حلال مصري الله يجزاه خير في التغليف الآمن حطه عمده واتشحن
اخوي الكبير اصر انو يأخذ الفلاش ميموري حقي اللي فيه القبول و يطبع لي القبول خوف علي من عدم السماح لي بدخول بريطانيا وخرج بره المطار وماجاه وبدأ النداء يقول
النداء الاول الرحلة رقم 313 المتجهة بمشيئة الله الى لندن
النداء التاني الرحلة رقم 313 المتجهة بمشيئة الله الى لندن
النداء التالت الرحلة رقم 313 المتجهة بمشيئة الله الى لندن
النداء الأخيرالرحلة رقم 313 المتجهة بمشيئة الله الى لندن
وطبعا مع كل نداء كان قلبي يدق واخوي لسه ماجاه
وصلت لحدة البواب الزجاج ولسه ماجاه وكل اهلي يتصلوا عليه وهو يقول مالفاه مكتبة فاتحة وراجع بسرعة
المهم رجع وجات لحظة الوداع وكانت من اكتر اللحظات الم ودعت الجميع وكان كل حضن من احضان اهلي بأمطار من الدموع وخصوصا اخوي الصغير
المهم ركبنا الطيارة انا واخويه وكنا آخر اتنين نركب الطيارة
بدات الطيارة الطيران في منتهى الهدوء ونظرت الى انوار جدة اودعها ودموعي تبكي ترابها وبحرها وتبكي فراق الاحبة
واكتر شيء طفشني في الرحلة انهم بس يأكلوا الناس كلهم أمل انو الناس الظاهر ينسوا الوقت
شوية عصير وشوية شكشكوشة وشوية صيادية وماادري ايش 50 وجبة في 6 ساعات ونص
انطفى النور والطيارة كلها نامت واختكم في الله تقولكم ابدا ماتنام وابتدى الصداع وكلمت المضيف اعطاني بنادول وبعدين قالي الافضل تتمشي في الطيارة عشان ممكن جسمك تعب من كترة الجلسة
قمت اتمشى بغى يجيني كساح بدل من الصداع ليش؟؟؟؟
الناس كلها نايمة وكل واحد مفكر نفسه في سريره ومادد رجله 10 متر بره الكرسي وكمان ظلام طبعا انواع الطيحات اللي بغيت اطيحها ..المهم قلت يابنت ارجعي كرسيك وانزلي بريطانيا بالسلامة
يوم 9 يناير :وصلنا بريطانيا الساعة 5 ونص صباحا بتوقيتهم و8 ونص صباحا بتوقيتنا
اتوقعت انو الشمس طلعت واستنى استنى الشمس ماالاقي شيء ولا شمس ولا شيءا
المهم نزلت وقفت صف الجوازات اللي زي العاب تقوية الذكاء حق الاطفال
بعدين جاه دورنا انا واخوي نادانا الرجال اخد جوازتنا سألنا عن سبب قدومنا وفي حانتوجه وقالنا اهلا وسهلا وده الكلام وبعدين وجهنا على الوحدة الصحية طبعا انا واخويه كنا مجهزين الاشعة مع التقارير ودخلنا لقينا 3 بريطانيات شايفين نفسهم وواحدة الظاهر صينية غلبانة هي رايحة جايه وهم قاعدين زي الهوانم
شافت واحدة من البريطانيا الاشعة والتقارير واعطتنا ورقة نرسلها هي لمن نستقر في سكن
واعطتنا اوراقنا وقال روحوا من ممر 5
رحنا لقينا واحد عجوز باين من شكل امه يهودي جالس على كرسي متحرك المهم طلع اوراقه واتأكدت انو يهودي ومن جد كان نفسي اتفل على راسه وشفيت قلبي باءيش طلبني اساعده ادف له الكرسي قلتله لا بمنتهى الوقاحة عندك ايادي ساعد نفسك طبعا كرهني بس عادي
المهم خلصنا اوراقنا وخرجنا وكانت شنطنا محطوطة في لاين 5 مع شنط طيارة نيويورك
رحنا ولله الحمد لقينا شنطنا مستنيانا في اول شيء
اخدنا عربيتين لانهم 4 شنط وزنهم 116 كيلو غير 2 هاند باج و2 لاب توب اخدنا العربيات وخرجنا من المطار بمنهى السلامة وبدون لااحد يفتش لاب توب ولايطلب قبول ولاااي شيء
خرجنا نبغى نروح الفندق ندور ندور لقينا شركة اسمها national express ]
اخدناها وانا واخويه دفعنا كل واحد 22 باوند يعني انا واخويه 44 باون اعرف انو مبالغ في السعر شوية بس اخدنا من باب المطار وشال شنطنا كلها بنفسه السواق وحطها في شنطة الباص وركبنا احنا واتونسنا مع بنت المفروض انها سنغافورية ولكن تبين انها تحمل الجنسية الاسرائيلية [/font]
وانا قلت في نفسي ايش اليوم اللي من اول يهود ده ..
المهم نزلت عند الفندق سألتهم عن الحجز قالوا موجود ورسلوا الرجال اللي عند الباب شال الشنط وطلعها الغرفة وطلعنا وتنفست الصعداء وقلت اخيرا بعد جهد جهيد انا في بريطانيا
وطليت في الساعة لقيتها 8 ونص يادوبك اروح الملحقية ونزلت وبدأت اسأل وطبعا انا ساكنة عند اكسفورد استريت وشوفوا لملحقية فين وانواع الضحك انا واخويه ومن اندر جراوند للتاني ومن سؤال بريطاني للتاني الين وصلنا الملحقية ومن جد مشية مرررررررررررررة طويلة
دخلنا قابلت انواع الناس الكويسين المحترمين وطبعا ولا معايا ورقة قبول المعهد ولا الجامعة وبعض من اوراقي محتاجين منها كم صورة
طبعا الاخوان دلوني على كمبيوتر في نص صالة الانتظار اطبع منه الاوراق اللي على الفلاش ميموري وطبعتها وصورت من ماكينة التصوير مابين اوراقي واوراق اخويه امكن 40 نسخة واقول في نفس الله يعز الحكومة كله بلاش...ودخلت صلاة الجمعة وصلوا الناس ورجع الشغل تاني مررررررة المهم كملنا اوراقنا ورحنا على البنك لكن للاسف لم يمديني ارجع على الملحقية لانو دوامها خلص وعشان كده حأضطر اقعد في لندن لمدة يومين اضافية عشان اخلص اشيائي وانزل يوم الاتنين القادم على كمبريدج ...ادعولي بالتوووفيق
LinkBack URL
About LinkBacks
والحمدلله تسهلت
موفقة ياااارب
بس ماقلتي بأي فندق نزلتي؟