خبر عاجل : مجموعة ann والآخبار المفاجئة

مكتب ann هو نفسه a2zارجو الرد

أنا كان قبولي في إحدى المدن الموقفة، ولما اتصلت فيهم قالوا لا هذي إشاعات..
قلت غيروا قبولي قالوا لا .. لازم تجيب خطاب من الوزارة..
قلت .. براحتكم..
وطلبت قبول ثاني من أدمشن يو كي، وإن شاء الله بيوصل اليوم أو بكرا..
وفي الأخير أرسلوا لي قبل أمس يقولون: هل ترغب بتغيير المعهد؟
قلت صح النوم يامساكين.. يوم كنا نقول لكم إنها موقفه كنتوا تقولون إشاعات.. قلت خلوا الخطاب ينفعكم.. وقلت لهم أقدر أدبر أموري بدنكم..

ولذلك أنا رأيي إنك تطلبين قبول من أدمشن يو كي، لأنهم ما يأخذون إلا 300 ريال تأمين، ويرجعونها لك في أول أسبوع دراسة.. وعندهم خبر بكل المعاهد الموقفة..

تحياتي

والله انا نفس الشي صار معي وقالي ما عندنا خبر هذا الكلام امس ورحت الوزاره وقالي الموظف هل عندك إثبات ان الملحقيه وقفت المدن هذي طبعآ لا قال إجل عادي ما فيه شي رسمي طيب وشلون لازم نتمرمط هناك عشان تدرون وش السالفه .

ترااا مكتب سيئ لابعد درجة


الموظفين لابعرفون شغلهم وقدهم ورطوني ولكن الشرها على الوزارة اللي حطتهم

والله انهم ما عندك احد الى الحين ما وفروا السكن مع انهم يقولو خدمه مجانيه وابلشونا

يبون الفيزا والتذكره وبعد ما ارسلناها ولا عاد ردو علينا

ياناس والله المكاتب ماعندهم الاتاخير والنصب

بعدين ياجماعه الخير والله الاعضاء هناا فيهم الخير والبركه

والي يبي يقبول معهد من في اوكسفورد يكلمني وانا ان شاء الله راح اجيبه له خلال يومين ومجاني

راسل نفس المعهد الي جاك القبول فيه واطلب انهم ينقلونك ولا اسهل ثلاث ايام بالكثير ويرسلون لك القبول الجديد قولهم ان المدينه موقوفه وراح يرسلون لك القبول الجديد واختار المدينه الي انت تبيها بس يكون فيها نفس المعهد

وبالتوفيق ياارب

والله انا تعبت واقولهم مغلق بس مارضوا يصدقون وقلت لهم المسؤول اللي في الملحقيه قال

خليهم يكلمونا عشان يفهمون سبب الايقاف مو راضيين يصدقوا شي ..

انا طنشتهم وارسلت لنفس مدير المعهد وطلبت فرع 2 وشرحت له المشكله وارفقت له قبولي

القديم وقلت له اني لي الرغبه بمدينه اكسفورد وابغي ابدء بالتاريخ الفلاني وربي 2 يوم

ارسل لمكتب ann قبولي الجديد .. بس طبعا ولا قالوا لي وارسلوه متأخر بأسبوع ..

وقال ايش اتعاملي معنا احنا مو مع المعهد بس طنشتهم اهم شي اتغير قبولي ..

ف راسل نفس المعهد واطلب مدينه 2 .. وقولهم ايش المدينه وبتاريخ كم تبغي تبدء وطنش المكتب ..

هذا احسن حل بنظري ..

انا نفس المشكلة جاني قبول بمعهد Hastings وكلمت المكتب وقال اشاعات وماوصلنا شي من

الوزارة اخذت من عملي اجازة يومين وطلعت الاثنين الرياض قلت يمكن الوزاره تحل المشكلة

ودفعت تكاليف تذكرة وسكن 2000 ريال الله يعوض علينا قلت يمكن الوزارة متعاونين

ومن الساعه 8 الصبح اركب تكسي واطلع الوزارة ومن مكتب لمكتب على بالى الوزارة متفاهمين

لكن اقسم بالله اغلب الموظفين مايدرون عن شي حتى السلام مايردونه الا يعطونك امر اركاب

وخلافة وقالوا لي ماندري انت روح وهناك الملحقية تتحمل المسؤولية ورجعت ولا استفدت شي

قالت اطلع لهم الاربعاء ثاني مره واركب تكسي والساعه 8 الصبح وانا عندهم ودخلت على

المستشارين د. ماجد و د . محفوظ وقلت لهم ياجماعة الموضوع كذا وكذا وكذا ولا لقيت منهم الا

التصريف بالاخير كتبت خطاب بإسم مدير بعثاث خادم الحرمين الشريفين على امل يردون علي

يعني ما استفدت الا صرف فلوس وهجولة لابعد حد على بالى ناس متفاهمه لاكن طلعوا مايدون