مين مثلي .. للآن ما طلعت الفيزا البريطانية ( صار لي اسبوع ونصف)

شكرا بنت عبد الرحمن، الله يوفقك ويسهل أمرك

اليوم اتصلت عليهم وقالوا للأسف ما طلعت

زودوها


سؤال يابنت لندن
أنتي كنتي تستني الرسالة فقط (يعني ما كنتي تتصلي عليهم)؟، والا كنتي تتصلي عليهم ويقولوا لك لسه ما طلعت؟

تحياتي

بنت عبدالرحمن كأني اسمع طاري تأجيل رحله لكن بسوي نفسي ماسمعت طااايب
شوفي حبيبتي في حالات تتأخر الفيزا اذا كان فيه زحمه عندهم تذكرين (مشتاقه لحلمي) ترى نفس الشي طوووولت معهم مره !!
و بالاخير الحمدلله جت .. مصيرها تجي يعني لاتشغلين بالك ..
ولو يروح لهم اخوك اليوم يكون احسن خليه يعطيهم كم كلمه يمكن يتحركون شوي
لكن السؤال اللي يطرح نفسه قرار الابتعاث و أمر الاركاب متى ناويه تقدمين عليهم ؟

بنت عبدالرحمن تقدري تشيكي ع الطلب اونلاين من الموقع وتعرفي ايش صار ع الفيزا

أوتتصلي فيهم الساعة 3ونص إلى 4 العصر هذا موعد قدوم الفيز كل يوم

الله يسهل لك

بالنسبة للوزارة شغلها هين بنفس اليوم يطلعوا القرار وينطبع وتستلمي التذاكر يعني إن شاء الله ما تتأجل السفره

ترى خديها مني الفيزا مخلصة
بس يكون نظام الاس ام اس عندهم خربان عشان كدى ما قالولكم
انا اول قالولي شيك بعد يومين تلاتة لانو نظام الرسايل يخرب احيانا

اختي بنت عبد الرحمن

انا قدمت في نوفمبر على الفيزا انا وأحد اقربائي هو طلعتله بعدها بيومين و انا اسبوع كامل انتظر الفيزا و ما خلصت .. يوم السبت اتصلت علي موظفه من القنصليه البريطانيه في جده و قالتلي عندك مشكله القبوول مو رسمي لازم تجيبي قبول رسمي من معهد و انطلعلك فيزتك و مكتب التأشيرات ماكان عنده علم بأي شيء من دا الكلام.. و نهاية الفيلم بسبب اجازة عيد الحج كملت الفيزا اكثر من شهر عشان خطاب السفاره للمعهد الجديد..ولما انتهت فيزتي اتصلت علي نفس الموظفه اللي في القنصليه و قالتلي توصل فيزتك المكتب الساعه 4 العصر روحي استلميها..

نصيحتي اختي تتصلي على القنصليه البريطانية اذا كنتي في جده وهذا رقمهم 026993174
واذا كنتي مقدمه في الرياض حاولي اختي تدوري رقم السفاره واتصليبهم ..
لانه المكتب مهمته بس ينتظر انه الفيز توصله..
وان شاء الله يكون السبب انه السيستم داون ومو خطأ في الاوراق..

الله ييسر لك امورك يارب و ييسر للجميع امورهم..

تحياتي

أبشركم اتصلت فيهم اليوم العصر وقالوا لي إنها وصلت، وقالوا إذا انت قريب تعال استلمها، والا تعال بكرا الصبح..

إن شاء الله تكونوا نفس الشيء..

بس الغريب إنه الرد الآلي لما اتصلت ما كان فيه تحويل لأحد يعني كأن الدوام منتهي وتجيني رسالة إنه الدوام من الساعة كذا إلى الساعة كذا ، بس صدفة ضغطت صفر ومباشرة ردوا علي

تحياتي

أختي أنا انتظرت الفيزا لمدة 8 أيام من بعد اليوم الرابع كل يوم أتصل عليهم من الساعة 4 إلى 5 ويقولون لس ما وصلت وفي اليوم الثامن قالو وصلت مع إنهم قالولي نرسل لك رسالة لكن لم يرسلو أي رسالة لكن أتوقع إنها واصلة وأقترح عليك أن تذهبي إليهم بأي وقت وتأخذينها

أنا صار لي نفس الشيء. مقدم على مكتب الشرقية الاحد الماضي 11-1 وقالوا لي يبغالها 7 أيام عمل يعني بدون الخميس والجمعة.

بنت عبدالرحمن و أمواج ممكن اذا أخذتوا الفيزا تبشرونا
وبالتوفيق للجميع

بنت لندن .. حلك رهيب ههههههههه قلتي لاخوك طلعت وانتي ماتدرين انها طالعة بس ضبطت معاك
عموما .. صديقتي راح اخوها وسأل عن فيزتهم وفيزتنا وقالوا طالعة من ثلاثة ايام (( حسبي الله ونعم الوكيل))

حبيبتي الله يوفقك وتوصلين بالسلامة



اخوي ميمون ..
لاتعتمد على الاتصال .. روح لهم بنفسك .. وان شا الله تكون طلعت .. لانهم بالبداية قالوا لصاحبتي انها ماطلعت .. وجلس معاهم اخوها اليييين مارجعوا له وقالوا انو كانت موجودة من 3 ايام وان شا الله حقتك تكون موجوده معهم
بالتوفيق لك .. وطمنا

مس بازيتيف .. لا ان شا الله ما راح يكون فيه وان شا الله اننا بنفس الطيارة
ان شا الله بنستلمها بكرا انا وبحوره وبنروح نطلع قرار الابتعاث وامر الاركاب الخ

تدرين عاد ..

بحوره للان ماحجزت
واللي اعرفه ان رحلتنا امتلت .. ومافيها حجز .. ان شا الله يكون فيه حجز وان لا يمكن تحجز ع البريطانية .. بكرا بتروح ان شا الله تحجز من حنان

احترامي ..
بنت عبدالرحمن