قولوا لي اللي سويته صح [ للفيزا ] .!

مرحبا التذاكر من نفس الوزارة تروحي لهم

^
^

ناس تقول لي أنتِ اللي تحزي وقت وهم يطلون لك تذكره ؟

طيب اللي سوست صح [ هم يبقون النسخه حق الخطابْ ، أو أنا خطأ ]

هوآ انتي للحين مآ طلعتي الفيزآ ..!

،،

يآ اوخيتي مآ يحتآجو الآصل كلو صور

اومآ بخصوص امر الآركآب مآني عآرف عنو حآجة ،،

،،

ان شآء الله تطمنتي بس ،،

بالتوفيق ليكي

سيـآ

اختي بقولك شي
انا حاليا لي شهرين وانا ماخذت امر اركاب وانا جالس الحين لاشغل ولامشغله تركت الجامعه على اساس انه امر الاركاب يطلع لك بيومين او يوم بالكثير لكن ماشفت شي للحين يعني بالعربي اذا انتى معتمده على امر الاركاب ترى المسأله تبي تطول الا اذا كان عندك واسطه بيوم وليله تطلع لك
واذا ماعندك احتمال مايطلع لك ابدا
ومن ناحية الفيزا اخراجه لاتعطيهم الا الصور ياخذون الصور تمشي انا يوم اطلعها كل شي صور والاصل معاي
بالتوفيق لك

.
.

خخخ ، لا يآخويْ أنا قبل رحتْ بس قالوا ليْ لاتقدميْ لأنك مرفوضه فماقدمتْ تو اليوم رآجعه للشرقيه من الرياض ..


ايووه تطمنتْ بقوووه ..


Div3l-x << أوووه ياخوويْ ، أنا صديقتيْ بيومه طلع لها .!

شوف شو سآلفتكْ أكيد هناك حاجة خطأ ..

..

<< إذا راسل بالبريد الممتاز تأكد .!

أو شو يقولون اللي طلع لهم قرار الإبتعاثْ ..

محد جاوبني >_< ؟

أمر الإركاب يطلع بخمس دقائق..
علماً بأن ثلثي الطلاب المبتعثين لا يحتاجون أوامر إركاب، لأنها مصدرة تلقائياً، وأنا حظي صرت من ضمن اللي ما يحتاجون أمر إركاب... على طوووووول على الطيار لحجز التذكرة..

أما بالنسبة للحجز فعلى راحتك، ولكن يفضل أن تحجزي في البداية في أي مكتب للطيار بمدينتك، (من مدينتك إلى أي مطار دولي في المملكة، إلى لندن) وإذا طلع لك أمر إركاب، أو قرار ابتعاث شامل أمر الإركاب تروحي للطيار في الوزارة، ويسألك إذا تبغين نفس المواعيد، وإذا وافقتي عليها قص لك التذكرة مباشرة..

فائدة الحجز من أي مكتب خارجي إنه يحجز لك مكان على الرحلة فيما لو تأخر قرار الابتعاث أو أمر الإركاب إلى قبل الرحلة بقليل.. مثلاُ أنا حجزت قبل أسبوع، واليوم استلمت التذكرة، والسفر إن شاء الله الأسبوع القادم، ولو كنت ما حجزت كان لقيت المقاعد فل.. ولا قدرت أبدأ الدراسة في الموعد المحدد..

أتمنى أكون جاوبت على أسئلتك..

تحياتي..

^
^

يووه اخوي ميمون حبه حبه ماأفهم شئ

أولا :كيف أعرف أنو ماأحتاج أمر اركاب ؟
وشو أقول للمكتب ذا بغيت أحجز // عطني مثال لمكاتب بالشرقيه لو بالرياض ..

ولو حجزت بموعد ولاصدر لي قرار الإبتعاث .! << عادي مايصير شئ ، [ وكم مبلغ الحجز في المكاتب ] .!؟

مرحبا أختي..
نفس الموظف أو الموظفة يخبرونك إذا تحتاجي أمر إركاب أو تتوجهي مباشرة للحجز..
وأيضاً إذا أمر الإركاب تبعك جاهز بتحصلين على ورقة قرار الابتعاث : أمر إركاب ... ورقم وتاريخ

أما بالنسبة للحجز الخارجي، فعادي.. يعني تروحي كأنك بتحجزي لأي رحلة، فقط قولي للي في المكتب أنا مبتعثة على حساب وزارة التعليم العالي، وأبغى أحجز.. ومباشرة يحجز لك (لأنها لها مقاعد محددة.. مو أي مقعد) يعني ما يصلح تحجزي إلا من مكاتب الطيار في أي فرع لهم في أي مدينة.. ويعطيك برنت ويقول لك إذا صار معك أمر إركاب تروحي لوزارة التعليم العالي ويأكدوا لك الحجز هذا..

طبعاً الحجز مجاني وما يترتب عليه دفع أي مبالغ، لأنه مبدئي، وبيقول لك الموظف متى آخر موعد لو ما أكدتي الحجز يلتغي..
مثلاً أنا حجزت الجمعة، وقال لي إذا جاء يوم السبت (بعد 8 أيام) وانت ما أكدت الحجز راح يلتغي.. والحمدلله اليوم قدرت آخذ قرار وأأكده..

أتمنى أكون وضحت لك الموضوع وما زدته غموض

تحياتي لك