كم تصرفون شهريا يا متزوجين ؟

السلاك عليكم
من ناحيه السكن
مصاريف السكن (على حسب المدينه)
جنوب لندن ما بين600-950 غرفتين
شمال لندن مابين 400-700 غرفتين او بيت كامل
لندن ( ما يحتاج اذكر) الماكافاه كامله(شخصين والمرافق)

اخوي معقول الاكل 400 كافي لشخصين ؟؟

وبعدين الكهرب والتلفون 300 ليش غالية كذا والغلاء من الكهرب والا التلفون ؟

هل فاتورة الكهرب الشهرية بين 40 الى 60 باوند شهرياً ؟

بالنسبة للبيوت هل تكون مفروشة ( ثلاجة - غسالة - فرن وخلافه ) او يلزم أشتري أثاث ؟

شكرا لكم ولا تبخلوا علينا بالمعلومات اخواني , والله يوفقكم .

المكافأة اخوي لمبتعث ومرافق 2060 باوند .. السكن في شقة ( مؤثثة ) غرفتين وصالة وحمام او حمامين ومطبخ تتراوح اسعارها من 600 وفوق في جميع مناطق بريطانيا .. يعني بالغالب ما راح تلقى ارخص من 600 لهالمواصفات اللي ذكرتها لك .. وطبعا ما فيه حد أعلى ..

في بريطانيا فيه شي اسمه رخصة تلفزيون تكلفك ما يقارب الـ 130 باوند سنويا ..
وعندك اشتراك التلفون الثابت 10 باوند تقريبا بالاضافة الى رسوم تأسيس في البداية بس 130 باوند ايضا ..
بالنسبة للانترنت بيكلفك 20 باوند شهريا بعقد لمدة سنة ..
وبالنسبة للهواتف الجوالة هي عبارة عن عقود .. فيه عقود تبدا من 9 باوند شهريا ويعطونك معاها جوال .. ونفس الشي ما فيه حد أعلى .. كلما زادت المميزات كلما زادت التكلفة ..
بالنسبة للكهرباء لشخصين اتوقع 100 باوند الى 120 باوند شهريا بتكون كافية واكثر ..

قنوات التلفزيون مو لازم تشترك بقنوات خاصة .. عندك القنوات الديجيتل تكفي وزيادة .. تشتري الديجي بوكس من اي محل الكترونيات بـ 20 باوند تقريبا وتشبكه على التلفزيون والجدار وتتفرج على القنوات الموجودة ..

الاكل يختلف اخوي على نوعية وطريقة اكلكم .. فيه زيادة في الاسعار في بريطانيا اكيد .. بس لا تنصدم لما اقول لك انه احيانا تصير فيه عروض في السوبرماركتات اللي هنا وتصير اسعار البضاعة ارخص حتى من السعودية ..

لا تخاف من ناحية المكافأة . كانت تكفي من قبل الزيادة فما بالك بعد الزيادة؟ الحمد لله ..

وراح يكون فيه مجال انكم تطلعون وتروحون سينما كل اسبوع او كل اسبوعين مثلا .. وراح توفرون بعد ان شاء الله

اتمنى اني كون افدتك .. الله يوفقنا واياكم ..

جزاكم الله الف خييير اخواني

من جد معلومات مرة مفييده

اوافقك بكل شي شرحك دقيق ماشاء الله....

بس من ناحية الشقق ترا تحصل ارخص وخصوصا اذا اخذت الشقه من احد بدون مكتب زميلي اخذ شقه في داربي غرفتين ب350 باوند سعر مش معقول بس صار
وواحد ثاني اخذ شقه في لندن بالسنترال ب850 شامله كل شي كهرب ماء قاز وانا اخذ شقه بس غرفه وحده ب400 باوند ومن مكتب بعد ومؤثثه بالكامل

وفواتير الكهرباء تجيني بين 40 وال 50 بلكثير مره ....بس شكل المبلغ اللي ذكرت مع القاز اكيد لان هو المبلغ المعتاد 50 كهرب 50 قاز يزيد شوي ينقص شوي
والشباب اللي عندي غرفتين تطلع عندهم بين 60 الى 75 بالكثر على كلامهم


على العموم الله يسهل امورنا وامور كل اللي جايين جدد

يعطيكم العافيه اخواني والله كفيتو ووفيتوا
بس انا عندي استفسار اشوفكم تقولون ان سعر غرفتين وصالة وماادري شنو ب400 وب600 باوند طيب انا عزوبي وابي اسكن عند عائلة بكامبردج ومقدم على السكن من المعهد ويقولون لي ب550 باوند يعني لو اسكن لحالي بشقة ارخص؟؟!!!!!

ابو جبل طبعا مستحيل الواحد يكون دقيق 100% بموضوع اسعار السكن لان زي ما انت عارف اسعار السكن تختلف من شمال لشرق لغرب لجنوب لوسط بريطانيا .. وفي كل جهة تختلف من مدينة لمدينة .. وداخل المدينة تختلف من حي لحي .. وكل شقة مواصفتها تختلف عن الثانية مؤثثة او غير مؤثثة وكم حمام وانت بكرامة ووش نوعية الاثاث ونوعية الشركة اللي تكون ماسكة ادارة العمارة والضريبة اي باند ... الخ

وعموما التوفيق من الله في كل شي .. لكن انا حاولت اعطي المعدل التقريبي بحيث انه يكون مقارب لكل الاسعار في كل مكان في بريطانيا ..

الله يوفقنا وياكم ..

الله يجزاك خير....ومو قصدي اني اقلل من خبرتك بالعكس انت ماشاء الله اعطيك تفصيل دقيق جدا جدا....وانا لي سنه هنا وتنقلت بكم مدينه وكم شقه ....بس بغيت اضيف معلومه اني اللي يبغا يستأجر شقه يدور عن طريق معرفه قدر الامكان فهي تقلل السعر وتفكك من مشاكل الكانسل وهالرسايل الرايحه والجايه وغالبا بعد تكون شامله لكل شي كهرب ماء غاز ....
بس
والله يجزاك الف خير

اخوي الكريم فرعون ألف شكر لك كفيت ووفيت وأعطيتنا تصور كامل عن المعيشة الله يوفقك في كل ما تسعى إليه.

أخوي ابو جبل مشكور وما قصرت على المعلومات , جزاك الله خير

والشكر موصول للأخت أمواج

وكل من مر هنا