manalm
ا ولمن تجيها حاتحبيها اكتر واكتر
بالتوووفيق
tota1983 January 27th, 2009, 01:49 AM
7 " أختي توتا هل سجلتي جوازك في السفارة السعودية وهل ض
فيصل بو غازي January 27th, 2009, 01:54 AM
7 " حابتدي الكتابة عن اليوميات اللي طلبها good boy
الجزء الاولى التعريف بالعائلة
انجلو الاب انتونينتا الام جوفاني الابن الكبير
انتونيو الابن الصغير ايبي بنت الابن الكبير
حابتدي اعطيكم فكرة مصغرة عن العائلة وشخصيتها عشان لمن تسمعوا الحكايات تتخيلوها او
ياله بينا
انجلو او كما يقولوه في الشارع ويحترموه مستر سالا : رجال في ال60 من عمره يشتغل عامل نظافة في احدى بيوت الطلاب التابعة لاحدى الجامعات في كمبيردج و يشرب البيرة كل يوم على العشاء ومايتفرج غير المصارعة الحرة والمباريات والاخبار وبالاخص اخبار الطقس ويلعب القمار كل نهاية اسبوع مع اصحابه
انتونيتا او كما يحترموها في الشارع ويحترموها مسز سالا: امراة في ال60 من عمرها تعمل مع زوجها في نفس المجال ونفس المكان وترجع البيت وتبتدي تعمل الاكل شيء لجوزها بفلفل عشان يحب الشطة وشيء لنفسها بدون ملح ولا دهون عشان عندها سكر وشيء لي ولاخويه عشان مانأكل غير حلال وشيء للبنات الصغيرة وهي وطلباتها ودلعها.
الابن الاكبر جوفاني: رجل في ال40 من عمره لم يتزوج ولا مرة ومع ذلك لديه ابنتين من سيدتين مختلفتين وماشاءالله بالحرام وواحدة امها بولندية وعايشة مع امها في بولنده وواحدة امها بريطانية بعد ماخلفتها رمتها في الرعاية الاجتماعية وطالبت اهلها ياخدوها والبنت المسكينة تفكر انو امها ميته وهو مو عايش في البيت بس يجي ياخد بنته كل صباح يوديها المدرسة.
الابن الصغير انتونيو: رجل في ال38 من عمره لديه نوع من التخلف العقلي بسبب سقوطه من اعلى الدرج وهو في ال12 من عمره لايكف عن التدخين حتى ان للبيت رائحة معينة وسيئة من رائحة دخانه الرخيص ..دائم النظر في الجدار او السقف ويسهر طول الليل وينام من الظهر حتى العشاء تقريبا ..وممكن يعصب في اي وقت ويسوي اي شي يعني بمعنى اوضح تكون حذر.
ايبي : وهي ابنة جوفاني الابن الاكبر وهي في السابعة من عمرها لاتكف اللعب والقفز والحركة وعندما تلعب تحب ان يلعب معها البيت باكمله بمعنى ان البيت كله ينتشر بالعاب ايبي , عندما يرفض الجد او الجدة اي طلب لها تسارع بقذفهم بالاشياء وضربهم على وجههم وارجلهم بالاشياء او بيديها
البيت : عبارة عن دورين الدور الارضي غرفة انتونيو والصاله والمطبخ والحمام
الدور التاني غرفة الام والاب وغرفتي انا واخوي
اعتقد كده بدأتوا تاخدوا فكرة عن العائلة
وحابتدي في الجزء التاني احكيلكم من بداية اليوم الاول
tota1983 January 27th, 2009, 02:25 AM
7 " فيصل بوغازي
مايحتاج بس اللي محتاجه تسجيل الشرطة
tota1983 January 27th, 2009, 02:29 AM
7 " اليوم الاول : صحينا على وقت الفطور لقينا انتونيو زي المدخنة خانق الدنيا بالدخان وطبعا ماعرفنا ايش نسوي معاه وسكتنا دخلنا على الفطور لقينا زبدة الفول السوداني والمربى والشيكولاتة وعصير البرتقال والكورن فليكس والحليب البارد والعيش التوست ،قعدت اطالع في الاكل واقول انا لايمكن اكل شيء حلو من الصبح ودفينا كل الطقم الاولاني كده وطيب انا لايمكن اكل كورن فليكس بالحليب بارد ولو ابغى اغلي مااعرف في ايش ومافي وقت ولا في اي نوع جبنة طيب فول
ياناس حبة بيض مسلوقة
المهم اختكم في الله اخدت له جينة مثلثات واحدة بقيت عندها من سفرة لندن مع شريحة توست واكلتها وربك سامع الدعاء
خرجنا من البيت ورحنا المدرسة ورجعنا على 4 وربع وقعدنا معاهم وبدأنا طبعا نكتشف البرامج الخطيرة اللي الاب مايتابع غيرها وعلى 6 ونص حطوا العشاء واتعشينا ونمنا على 11
وده اليوم الاول انتهى
tota1983 January 27th, 2009, 02:35 AM
7 " أختي توتا قولي امين ..........ربنا يوفقك ويعطيك العافية
فيصل بو غازي January 27th, 2009, 02:39 AM
7 " اليوم التاني : نفس الفطور اتخنقت منه سيبت البيت ورحت بقالة الامين اشتريت ساندوتش جبنة وعصير تروبيكانا وفطرت وانا رايحة المعهد في الطريق
رجعت البيت على الساعة 4 وربع لقيت الام والاب جالسين وانتونيو مافي سألت عنه بمنتهى البراءة ومن باب المجاملة قالتلي انو نايم والمهم ابتدت الام تسترسل في الحديث عن ابنها المريض وسبب حدوث التخلف هده له وبعد 10 دقائق من تفاعلي بالحكاية خرج من غرفته اللي هي جنب الصالة وقعد يزعق في امه بالايطالية ،قلبي قالي انو سمعها بتحكيني وانو بيضارب معاها ولمن سألتها انو هل انتونيو زعلان عشان انتي بتحكيني هي اتفجعت وفكرتني افهم ايطالي ولمن حلفتلها انو لا قالتلي انتي جدا ذكية نفسي اقولها مو ذكاء الحركات دي اتعودنا عليها من الخدامات يتكلموا عليكي وانتي قدامهم وتضطر تقري عيونهم ووجيههم
المهم برضه حطينا العشاء واتعشينا وقعدت البنت الصغيرة تنام في حضني وتبوسني وانا ادفها واقول في نفسي يابنتي بعدي عني لايقولوا متحرشين بالاطفال ولمن تركتني نطت على اخويه وشفت في عيون اخويه نفس احساسي المهم قلنا نشرد ونطلع ننام والا نلاقي البنت بعد شوية تدق الباب وتنط في حضني على السرير قمت انا قلت لا الا كده هدوله يبغوا يلبسوني في تهمة اول اسبوع وبس قمت قلتلها معليش ابغى انام وخرجتها بالقوة من الغرفة وانا يدي على قلبي
ونمت وكده انتهى اليوم التاني
tota1983 January 27th, 2009, 02:45 AM
7 " اليوم التالت : صحيت متأخرة ومالحقت لااكل شيء في البيت ولا بره البيت المهم رحت على المعهد اجري وحضرت وكل شيء طبعا جاه وقت الغداء رحت اتغديت مع صاحبة لي روسيا في مطعم جنب بيتزاهت مو بطال ورجعنا على المعهد وبعد ماخلص المعهد مريت في طريقي على الامين واشتريت جبنة بيضه وماتصدقوا 300 جرام ب2 باوند و70 بنس قلت الله يرضى عليكي يابلدي نص الكيلو ب 14 ريال ونقول غلا واشتريت عيش لبناني امكن 5 اقراص بباوند و10 بنس والله هده اللي قهرني
بس ايش اسوي نفس فيه
رجعنا اتعشينا وقعد انتونيو يتكلم عن صديقاته الماضيات واللي اعتقد من نسج خياله والمهم اختكم بالله لمن ضاق صدرها طلعت غرفتي وقعدت احل واجباتي واذاكر وبعدين نمت
وكده انتهى اليوم التالت
tota1983 January 27th, 2009, 02:51 AM
7 " بالتوفيق والنجاح بإذن الله
تحياتي
مغترب January 27th, 2009, 03:11 AM
7 " 
LinkBack URL
About LinkBacks
ا ولمن تجيها حاتحبيها اكتر واكتر
بالتوووفيق