تقريري عن كمبريدج في بداية الاسبوع التالت ...

توتا
كم ساعة الدراسة في المعهد .. وكيف نظام الحصص
عدد الطلاب في الكلاس كبير

الحمد لله على سلامة الوصول

اخوك اذا جي يدرس ماجستير لازم يجيب قبول جامعة عشان يلتحق اما بكالوريوس الالتحاق يتأخر

حاولي ماتخرجي في الليل كثير يمكن تشوفي الوضع عادي بسس يكثرو السكارى في الليل والشخص مايمشي لحاله لازم مع مجموعة يعرفهم

بالنسبة للأكل الحلال : البيبروني في جميع الدول الغربية فيه شي من الخنزيز فهو حرام
ولازم تقري مكونات الأكل الي تشتريه وانتبهي من هذي المكونات wind, ham ,becon,bork,pig والباقي كله حلال

مافي tesco في كامبيردج ترى سوبرماركت كبير كأنك في هايبر بنده وفيه كل شي

توته
الله يسعدك انت ويومياتك الحلوه ..

توتة ردو علي المعهد وقالو ما ينفع السكن مع عائلة لي مع المرافق
و مو عارفة ايش اسوي ياليت تقوليلي الطريقة اخاف يكون ما فهموني

good boy

عدد الساعات 22 ساعة في الاسبوع
من الساعة 9 الى 4 وربع

hakem

انا اخويه ارسلوا اوراقه الوزارة وكانوا طالبيين قبول جامعة وجابوه امس وارسله

بالنسبة للخروج متأخر انتا غلطان كمبريدج تعتبر من ءامن المدن في بريطانيا

وايش هو السوبرماركت الكبيرة ده؟؟؟

والاكل الحلال طبعا لازم يكون مذبوح وخالي من دهن الخنزير وكل انواع اللحوم اللي انتا قلتها انا اساسا مااكلها

ضي

انتظريني مع اليوميات الباقية

manalm

اول شيء قوليلي انتي في اي معهد والشيء التاني ليش يعني مايكونوا فهموكي؟؟؟

انتي ايش قولتيلهم؟؟

نبتدي دحين في اليوم الخامس

طبعا اليوم الخامس هو يوم الجمعة اللي هو اخر الاسبوع وطبعا بدأنا كل يوم نصحي على موسيقى الاستاذ الكبير وهو بيصحي بنته وصرخاته ترج البيت ترج وفي اغلب الاحيان يتشارك الاخوان في الصياح على البنت وقد تشاركهم في بعض الاحيان الصرخات بالضافة للصرخات صحينا على رائحة الدخان الغير عادية وطبعا اختكم في الله كلمت صاحبة البيت وقلتلها انو انا مااقدر على دي الريحة ووعدتني بالتغيير

فطرنا كالمعتاد وذهبنا الى المعهد ونحن في الطريق اكتشفنا ان زميلنا الصيني جون سو وقالنا انو هو ساكن جنبنا ومشينا مع بعض لحدة ماوصلنا المعهد وابتدت الفصول وجاه وقت الغداء وخرجنا انا ومجموعة بنات ودخلنا محل اسمه روستو يقدم وجبات سريعة بس حلال ومرة لذيذ ورجعنا وكملنا الكلاس وخرجنا من المعهد الساعة 3 وربع عشان اخر يوم مافي الحصة الاخيرة واتفقنا انا والبنات نروح السينما في الليل ورجعت البيت وقعدت مع العائلة وبعدين على الساعة 5 دخلت استحميت وبعدين واتعشينا الساعة 6 ونص ولبست وكلمت شركة التاكسي وجات اخدتني ودتني السينما واتفرجت على فيلم في سينما ورد مع كل البنات حقون المعهد ايطاليات وفرنسيات وصينيات وتايلند وكل البلدان ماعدا انا الوحيدة العربية
المهم اتفرجنا فيلم اسمه slumdog millioner وكان الفيلم تحفة خلصنا الفيلم على الساعة 10 ونص
وخرجوا كل البنات ومشيوا على رجلهم الا انا وواحدة روسية قررنا نطلب تاكسي ووقفنا نستنى جوه بعد شوية شباب خليجيين يستخفوا دمهم بس طبعا سلختهم وبهدلتهم والروسة مسكينة ماهي فاهمة ايش يبغوا

المهم ركبنا التاكسي ورجعت انا على البيت ودخلت على الساعة 11 ونص لقيت اخوي جالس مع انتونيو وطلعت غيرت ملابسي ونزلت الى وشفت الاخ انقلب وجه وانا مني فاهمة والمهم قعدنا نتكلم انا واخويه وقلت لانتونيو انتا ليش ماتشاركنا الحديث قالي عشان انا ابغى انام
قلتله طيب روح نام
قالي انا مااقدر انام في الازعاج الللي انتوا مسوينه
قلتله : اي ازعاج
قام انفلت يزعق ويقول انتوا لازم تلتزموا بقوانين البيت ده وتحترموه وتناموا وقت مااحنا ننام
قلتله انا لمن جيت اسكن سألت امك وقالتلي سوي اللي تبغيه ولا حددت لي اي شيء
فضل يصرخ ويكمل اخوي قالي لاتردي عليه هده واحد مجنون
تكلمي مين واحد مجنون
المهم طلعتنا نمنا

واستنوا الباقية في اليوم السادس

توتة انا في معهد كابلن أسبكت

وارسلتله ايميل انه عندي قبول و ارغب في السكن انا و والدي مع عائلة أرسلي يقولي في مجموعة من الفنادق في كمبريدج و تكون مريحة اكثر في السكن و راسلي مواقع الفنادق