امير التخصصي..
نحن في انتظار كتابة العنوان ولاتنسى تقولنا عن مركز مساعدة الطلبة الجدد
tota1983 January 28th, 2009, 02:54 PM
7 " hakem
ماقلتلي فين السوبرماركت بالضبط
وبعدين لاتخاف اللي كلمني ماكان سكران كان صاحي جدا وبالنسبة للي صيح صيح عشان ماهو طبيعي اما اصحاب البيت قالولنا اخرجوا وادخلوا وقت ماتبغوا
ولاتخاف انا اكتر واحدة التزم بالانظمة
tota1983 January 28th, 2009, 02:57 PM
7 " اليوم السادس
استيقظنا انا واخوي متأخر عشان سهرنا ونزلت تحت ابغى ادخل الحمام وبمنتهى القباحة انتونيو يقولنا صباح الخير مارديت عليه ودخلت الحمام ولمن خرجت من الحمام طلبت من الام انها تكلمني في غرفتي
طلعت الحرمة معايا فوق انا واخويه وشرحت لها الوضع وبدأت الحرمة تضحك وتقولي انتوا تاخدوا على انتونيو هده خبل قلتلها بس احنا عندنا في مجتمعنا لو احد زعق في اخت واحد كان ممكن نزعق له واخوي يضربه طبعا هنا وقفت ضحك وانفجعت وقالت لي لا لا مافي داعي لده الكلام ولا تاخدوا عليه ومن ده الكلام وحزنتني الحرمة قعدت تعتذر بالساعات والمهم نزلت
وسمعناه بالايطالي مسحت به البلاط ونزلت انا واخوي خرجنا رحنا السيتي سنتر اتمشينا هناك وبعدين اتغدينا في بيتزا اكسبريس وطلبنا الاكل اللذيذ المهم ولفلفنا هنا وهناك وبعدين رجعنا البيت على الساعة 6 ونص ولقينا الاخت عاملة العشاء طبعا انا ماقدرت اكل لاني قبل شوية كنت متغديه وهي فكرت اني انا لسه زعلانة وفضلت ترضي في وتعتذر مني وحلفتلها انو مني زعلانة بس مني جيعانه
المهم نزلت بعد شوية الصالة وكان اخويه جالس وفجاة لقيت انتونيو هاجم علي قلت المجنون حايخنقني
طلع جاي يعتذر وانا اقول في نفسي اللي يشوفك اليوم مايشوفك امس
المهم جلسنا على الساعة 10 طلعوا الاهل يناموا وبعد شوية انا جاني النوم وايغى انام قام انتونيو يضحك في وجهي انا واخويه ويقولنا اجلسوا اتفرجوا زي ماتبغوا وانبسطوا زي ماتبغوا وقلت في نفسي ياسلام على الاخلاق
وبس اعتذرت من القعدة وطلعت نمت
وكده انتهى اليوم السادس
tota1983 January 28th, 2009, 08:40 PM
7 " اليوم السابع
عشان كان يوم الاحد عندهم وطبعا كانوا في منتهى السعادة لانو زي الجمعة عندنا اصروا العائلة انو نتغدى معاهم وعملتلنا الحرمة بيتزا شيء خطيررررررررررر
اتغدينا انا واخويه وجلسنا نتكلم كده شوية وبعدين خرجنا تمشينا جنب النهر وقابلنا شوية اصحاب من المعهد وجلسنا هروجات الين الساعة 6 ونص
اخدنا الباص ورجعنا البيت واتعشينا مع العائلة وقعدت اكلم الحرمة على الشاي الاخضر وكيف فوائده للصحة وعلى الساعة 8 ونص خرجنا انا واخويه رحنا كافيه اسمه روتانا كافيه جلسنا فيه وشربنا شاي بالنعناع ياسلااااااااااااااااااااام وسهرنا عنجه عشان اخويه قعد يتفرج مباراة ورجعنا على الساعة 11 ونمنا وانتهى اليوم السابع
tota1983 January 28th, 2009, 08:51 PM
7 " اليوم الثامن
وكان بداية الاسبوع التاني في المعهد وكان طبعا بالنسبة لي جدا جميل وكان عندي عرض عن الاطعمة في السعودية والوجبات واوقاتها والمواد المستخدمة وطبعا اختكم في الله بدعت عملتلهم قهوة وتمر وقلتلهم اللي ماياكل دي الاشياء مو سعودي اصلي
المهم اغلبهم عجبهم التمر وبعضهم عجبتهم القهوة والبعض حسوها مررررررة مرة
المهم شرحت واشوف علامات التعجب وفي نهاية العرض انطرحت عدة اسئلة وخصوصا لمن قلتلهم عن الاطعمة اللي تقدم في العزاء وفي النهاية كل الكلاس صفق لي كنوع من التقدير للعرض والمجهود المبذول فيه
خرجنا للعذاء انا وصاحباتي وقررنا نروح مطعم يقدم وجبات خليجية اسمه (البدوي) وقرارهم ده جاه بعد عرضي المطول عن الارز في بلدنا واهميته وتعدد طباخاته ودخلنا وطلبنا وكان الاكل ممتاز واعجبهم جدا
بعد خروجي من المعهد خرجت مع صاحبة لي ايطاليا اسمها جوفنيلا للسيتي سنتر عشان اشتري usb للانترنت
المهم رحنا ولفلفناواشتريتusb من o2 والحقيقة للان ممتازة ورجعت البيت وبدأت اشتغل على النت بعد حرمان 10 ايام وطبعا بدأت اشارك في منتداي العزيز وسهرت لحدة الليل
ونمت وبكده انتهى اليوم الثامن
tota1983 January 28th, 2009, 09:13 PM
7 " اليوم التاسع
طبعا صينا من النوم وخرجنا ورحنا المعهد وكانت الحصص وراء بعض والين جاه وقت الغداء رحنا برضه مطعم روستو ياجماعة ترى من جد لذيذ دخلنا انا وصاحباتي وطلبنا واكلنا ورجعنا المعهد
وبعدين خرجت ورحت انا واخويه ناحية السيتي سنتر وكلها مكاتب عقار وقعدنا نتفرج على كتير بيوت بعد ماقررنا انا وهو انو ننتقل من عند العائلة وطبعا قضينا اليوم كله في مكاتب العقار
وبعدين رجعنا اتعشينا وقعدنا وشربت انا والحرمة الشاي الاخضر وبعدين الراجل فتح القنوات السيئة حقة المصارعة والاخبار وخلاص اتخنقت وطلعت اشتغل على النت الين نمت
وكده خلص اليوم التاسع
tota1983 January 28th, 2009, 09:34 PM
7 " اليوم العاشر
صحينا في الصباح وكنا انا واخويه متأخرين وانا واخويه نبغى ندخل الحمام ولكن لافائدة انتونيو جوه ولا فيه فائدة انو يخرج الين صارت 8 ونص
اخوي قاله انا ابغى ادخل الحمام عشان عندي معهد ، وقتها خرج وهو زعلان اخويه خلاني ادخل الحمام وبعدين دخل هوه وخرجنا من البيت وبرضه مشيت الحصص جميلة وخفيفة كالعادة ورجعنا البيت وبعدين قعدنا نتكلم مع العائلة وكانت عامله مكرونة ايطالية تحفة وبعدين سألت الحرمة الايطالية اذا تعرف مكرونة اسمها تورتينلي قالتلي طبعا وانا اسويها مرة تحفة وبكره حاعملكم وزخلصنا العشاء ونادت الحرمة بنت ولدها تستحم وخرجت البنت وهي مستحمية وبالمنشفة قامت البنت تجي قدام اخوي وتقوله لاتطالع قام اخويه قالها اطالع في ايش قالتله انتا عارف ....والله ياجماعة صدمتنا بنت عمرها 7 سنين وبعدين رجعت تأشر على جسمها وتقول انت اكيد تتطالع هنا وطبعا قمة الصدمة
المهم شربت الشاي الاخضر مع الحرمة وطلعت كلمت الاهل والاصدقاؤء على النت وبعدين نمت
وكده انتهى اليوم العاشر
tota1983 January 28th, 2009, 09:44 PM
7 " انا ما أعرف فين مكانه في كمبريدج بس له فروع كثير في كل بريطانيا زي بنده في السعودية
اسألي الناس او العائلة عن مكانه يمكن مايكون له فرع عندكم
HaKeM January 29th, 2009, 04:18 PM
7 " يمي يمي نفسي أجي آكل عندكم وارجع ...
قود لك بالسكن الجديد وان شالله تلقون لكم سكن كوويس لان السكن مع العائله مره صعب وانتي ادرى بالحال ...
norah6666 January 29th, 2009, 05:09 PM
7 " 
LinkBack URL
About LinkBacks
نحن في انتظار كتابة العنوان ولاتنسى تقولنا عن مركز مساعدة الطلبة الجدد